ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⴼⵓⴽ ⵛⵀⵔⵉⵙⵜⵧⵒⵀⴻⵔ ⵔⵧⵙⵙ ⵜⵓⵣⵣⵢⴰ-ⵏⵏⴻⵙ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⴻⵎⵏⴰⴹⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⴼⵓⴽ ⵓⵎⴰⵣⵓⵏ ⵓⴷⵎⴰⵡⴰⵏ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵏⴻⵥⵔⵓⴼ ⵓⵜⵔⵉⵎ ⵜⵉⵔⵣⵉ-ⵏⵏⴻⵙ ⴷⴻⴳ ⵢⵉⴹ ⵏ ⵍⴻⵜⵏⵉⵢⴻⵏ ⴷ ⵜⵜⵍⴰⵜⴰ, ⴷⴻⴼⴼⵉⵔ ⵎⴰ ⵢⴻⵣⵣⵉ 10 ⵏ ⵡⵓⵙⵙⴰⵏ ⵖⴻⴼ ⵜⵎⵓⵔⴰ ⵏ ⵜⴻⵎⵏⴰⴹⵜ ⴰⴽⴽⴻⵏ ⴰⴷ ⴷ-ⵢⴻⵙⴷⵓⵇⵇⴻⵙ ⵍⴻⵎⵛⴰⵡⵕⴰⵜ ⴳⴰⵔ ⵎⴻⵕⵕⵓⴽ ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵉ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⵢⴻⴼⵔⴻⵏ ⵓⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⵢⴻⴱⴷⵓ ⵙⴻⴳ ⵍⴻⵣⵣⴰⵢⴻⵔ ⴷⴻⴳ ⵜⴻⵔⵣⵉ-ⵏⵏⴻⵙ ⴰⴽⴽⴻⵏ ⴰⴷ ⵢⴻⵙⵙⵉⴼⵙⴻⵙ ⵍⴻⵎⵛⴰⵡⵕⴰⵜ ⴳⴰⵔ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵙⴰⴽⴽⵉⵏ ⵢⴻⴷⴷⴰ ⵖⴻⵔ ⵎⴻⵕⵕⵓⴽ, ⵖⴻⵔ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⴷ ⵎⵓⵔⵉⵟⴰⵏⵢⴰ.
ⴷⴻⴼⴼⵉⵔ ⵜⵓⵣⵣⵢⴰ-ⴰ, ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴳⵔⴻⵏ-ⴷ ⵜⵉⵖⵔⵉ ⵉ ⵓⵙⴷⵓⵇⵇⴻⵙ ⵏ ⵍⴻⵎⵛⴰⵡⵕⴰⵜ ⴳⴰⵔ ⵙⵉⵏ-ⴰ ⵏ ⵢⵉⴷⵉⵙⴰⵏ (ⵎⴻⵕⵕⵓⴽ ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ), ⴰⴷ ⵢⴻⴳ ⵛⵀⵔⵉⵙⵜⵧⵒⵀⴻⵔ ⵔⵧⵙⵙ ⵜⵉⵎⵍⵉⵍⵉⵜ ⴰⵙⵙ ⵏ 8 ⴷⵓⵊⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ ⴷ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵢⴻⵔⵏⴰ ⴰⴷ ⴷ-ⵢⴻⵔⵔ ⵙ ⵍⴻⵅⴱⴰⵔ ⵖⴻⴼ ⵡⴰⵢⴻⵏ ⴰⴽⴽ ⴰⵢ ⴷ-ⵢⴻⵍⵍⴰⵏ ⴷ ⴰⵎⴰⵢⵏⵓ ⴷⴻⴳ ⵜⵓⵣⵣⵢⴰ-ⵏⵏⵉ-ⵏⵏⴻⵙ.
ⴷⴻⴼⴼⵉⵔ ⵜⴻⵎⵍⵉⵍⵉⵜ-ⴰ, ⴰⴷ ⴷ-ⵢⴻⵜⵜⵡⴰⵇⴻⴷⴷⴻⵎ ⵓⵕⴰⴱⵓⵍ ⵢⴻⵜⵜⵡⴰⴼⴻⵚⵚⵍⴻⵏ ⵉ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵖⴻⴼ ⵜⴻⴱⴷⴰⵎⵎⴰⵙⵜ (ⵡⴰⵙⴰⵟⴰ) ⵏ ⵎⴰⵙⵙ ⵔⵧⵙⵙ ⵉ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵙⴻⴳ ⵍⴻⵄⴹⵉⵍ ⴰⴷ ⵢⴻⵔⵣⵓ ⴱⴰⵏ ⴽⵉ-ⵎⵧⵧⵏ, ⴷⴻⴳ ⵜⴻⵣⵡⴰⵔⴰ ⵏ 2016, ⵖⴻⴼ ⵜⴻⵎⵏⴰⴹⵜ-ⴰ ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⵏⴻⵜⵜⴰ ⵙ ⵜⵉⵎⵎⴰⴷ-ⵏⵏⴻⵙ ⴷⴻⴳ ⵓⵏⴰⴷⵉ ⵏ ⵜⵉⴼⵔⴰⵜ ⵉ ⵜⴰⵍⵓⴼⵜ-ⴰ ⴰⵢ ⵉⵄⴻⴹⴹⵍⴻⵏ ⴰⵟⴰⵙ.
ⴰⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⵢⴻⵔⵣⵓ, ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵜⵓⵕⵓⴼⵜ ⴰⴽⴽⴻⵏ ⴰⴷ ⵢⴻⵙⵙⴻⴷⴷⵓ ⴰⵀⵉⵍ ⵏ ⵓⵎⵄⴰⵡⴻⵏ ⴳⴰⵔ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵙ ⵓⵇⴰⴷⴻⵔ ⵏ ⵜⵏⴻⵖⵜⵓⵙⵉⵏ (ⵇⴰⵔⴰⵔⴰⵜ) ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵉ ⴼⴻⵔⵔⵓ « ⵓⵖⴷⵉⵎ ⵢⴻⵔⵏⴰ ⴷ ⴰⵏⴻⴳⴳⴰⵔⵓ » ⴰⴷ ⵉⴹⴻⵎⵏⴻⵏ ⴰⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⴰⵍ-ⵎⴰⵚⵉⵔ).
ⵍⴻⵎⵛⴰⵡⵕⴰⵜ ⵜⵉⵏⴻⴳⴳⵓⵔⴰ ⴳⴰⵔ ⵎⴻⵕⵕⵓⴽ ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵍⵍⴰⵏⵜ-ⴷ ⴷⴻⴳ ⵎⴻⵖⵔⴻⵙ ⵏ 2012 ⴷⴻⴳ ⵎⴰⵏⵀⴰⵙⵙⴻⵜ (ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵜⴻⵎⵔⵉⴽⵜ). ⵙⴻⴳ ⵢⵉⵎⵉⵔ-ⵏⵏⵉ ⵖⴻⵔ ⵡⴰⵙⵙ-ⴰ, ⵢⴻⵄⵔⴻⴹ ⵎⴰⵙⵙ ⵔⵧⵙⵙ ⴰⴷ ⴷ-ⵢⴻⵔⵔ ⵍⴻⵎⵛⴰⵡⵕⴰⵜ ⴳⴰⵔ ⵙⵉⵏ-ⴰ ⵏ ⵢⵉⴷⵉⵙⴰⵏ ⴷⴻⴳ ⴽⵔⴰ ⵏ ⵜⵎⵓⵔⵜ ⵏ ⵜⵓⵕⵓⴼⵜ, ⵎⴰⵛⴰ ⵡⴻⵔⴵⵉⵏ ⴷ-ⵜⴻⵍⵍⵉ ⵜⵖⵉⵎⵉⵜ ⵏⵉⴹⴻⵏ ⵏ ⵍⴻⵎⵛⴰⵡⵕⴰⵜ ⴳⴰⵔ-ⴰⵙⴻⵏ.
