ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⴼⵄⴻⵍ ⵏ ⵍⵓⴼⴻⵇ ⵏ ⵜⴰⵍⵡⵉⵜ ⵏ ⵎⴰⵍⵉ ⴰⴷ ⵢⴻⴹⵎⴻⵏ ⵔⵔⴱⴻⵃ ⵏ ⵍⴻⵕⵢⵓⵢ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵜⵡⴰⵙⵇⴻⵏⵄⴻⵏⵜ ⵜⵎⵓⵔⴰ ⵏ ⵙⵙⴰⵃⴻⵍ ⴷ ⴰⴽⴽⴻⵏ ⴰⵙⵙⴻⴼⵄⴻⵍ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷⴻⴳ ⵎⴰⵍⵉ ⴰⵢ ⴷ-ⵢⴻⴽⴽⴰⵏ ⵙⴻⴳ ⵍⴻⵎⵛⴰⵡⵕⴰⵜ ⵏ ⵍⴻⵣⵣⴰⵢⴻⵔ, ⴰⴷ ⵢⴻⴹⵎⴻⵏ ⵔⵔⴱⴻⵃ ⵏ ⵍⴻⵕⵢⵓⵢ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵡⴻⴽⴽⴷⴻⵏ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵎⵄⴰⵡⴻⵏ ⴷⴻⴳ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵉ ⵓⵙⵏⴻⵔⵏⵉ ⵏ ⵓⵚⴻⴳⴳⴻⵎ ⵏ ⵜⵎⵓⵔⴰ ⵏ ⵜⴻⵎⵏⴰⴹⵜ, ⵍⴰⴷⵖⴰ ⴷⴻⴳ ⵎⴰⵍⵉ.
ⵔⵔⴱⴻⵃ ⵏ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵢⴻⵇⵇⴻⵏ, ⵡⴰⵔ ⵛⵛⴻⴽ, ⵖⴻⵔ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⵏ ⵎⴰⵍⵉ, ⵢⴻⵔⵏⴰ ⴰⵙⵙⴻⴼⵄⴻⵍ-ⴰ ⴷ ⴹⴹⵎⴰⵏⴰ ⵉ ⵓⵎⵄⴰⵡⴻⵏ ⴳⴰⵔ ⵜⵎⵓⵔⴰ ⵏ ⵜⴻⵎⵏⴰⴹⵜ.
ⵜⴰⴽⵜⵉ-ⴰ ⴰⵢⵢⴻⵙ ⵜⵜⵡⴰⵙⵇⴻⵏⵄⴻⵏⵜ ⵜⵎⵓⵔⴰ ⵏ ⵙⵙⴰⵃⴻⵍ ⵢⴻⴱⴷⴻⵔ-ⵉⵜⵜ-ⵉⴷ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵓⵏⵏⵉⴳ ⵏ ⵜⵓⵖⴷⴰⴹⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵉ ⵎⴰⵍⵉ ⴷ ⵙⵙⴰⵃⴻⵍ (ⵎⵉⵙⴰⵀⴻⵍ), ⵒⵉⴻⵔⵔⴻ ⴱⵓⵢⵧⵢⴰ, ⵎⵉ ⵢⴻⴱⴷⴰ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵓⵙⴰⵔⴰⴳ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵖⴻⴼ ⵓⵙⵏⴻⴼⵍⵉ ⴷⴻⴳ ⵜⴻⵎⵏⴰⴹⵜ.
ⵍⴻⵣⵣⴰⵢⴻⵔ, ⴰⵢⴷⴻⴳ ⴰⵢ ⴷ-ⵜⴻⵍⵍⴰ ⵜⴻⴷⵢⴰⵏⵜ-ⴰ, ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴰⵄⴻⵡⵡⴻⵍ-ⵏⵏⴻⵙ, ⵖⴻⵔ ⵢⵉⴷⵉⵙ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⵙ « ⵜⵉⴷⴻⵜ » ⴷⴻⴳ ⵍⴻⵕⵢⵓⵢ ⵉ ⵍⵎⴻⵏⴷ ⵏ ⵜⴰⵍⵡⵉⵜ, ⵜⴰⵖⴻⵍⵍⵉⵙⵜ (ⴰⵎⵏ) ⴷ ⵓⵔⴽⴰⴷ ⵏ ⵎⴰⵍⵉ ⴷ ⵜⴻⵎⵏⴰⴹⵜ ⵏ ⵙⵙⴰⵃⴻⵍ ⵙ ⵓⵎⴰⵜⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ ⴷⴻⴳ ⵓⵙⴰⵔⴰⴳ-ⵏⵏⵉ.
« ⴰⵄⴻⵡⵡⴻⵍ ⵏ ⵍⴻⵣⵣⴰⵢⴻⵔ ⴷⴻⴳ ⵜⴻⵎⵏⴰⴹⵜ-ⴰ ⵢⴻⴽⴽⴰ-ⴷ ⵙⴻⴳ ⵍⵡⴰⴵⴻⴱ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⴷ ⵓⴹⵎⴰⵏ ⵏ ⵜⵖⴻⵍⵍⵉⵙⵜ ⵜⵓⵛⵔⵉⴽⵜ ⵙ ⵓⵎⴰⵜⴰ ⵙ ⵓⵜⵜⴻⴽⴽⵉ ⴷⴻⴳ ⵓⵙⵏⴻⴼⵍⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵎⴰⵎⵔⴰ.
