ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⴷⴷⴰⵡ 23: ⵍⴻⵣⵣⴰⵢⴻⵔ ⵜⴻⵔⵏⴰ ⵎⴰⵍⵉ ⵙ 2 ⵖⴻⵔ 0

ⵎ'ⴱⵧⵓⵔ (ⵙⵉⵏⵉⴳⴰⵍ) – ⵜⴻⵔⵏⴰ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⵏ ⴷⴷⴰⵡ ⵏ 23 ⵏ ⵢⵉⵙⴻⴳⴳⴰⵙⴻⵏ ⵜⴰⵅⵚⵉⵎⵜ-ⵏⵏⴻⵙ ⵜⴰⵎⴰⵍⵉⵜ ⵙ 2 ⵖⴻⵔ 0 ⴷⴻⴳ ⵜⴻⵎⵍⵉⵍⵉⵜ ⵏ ⵡⴰⵙⵙ ⵡⵉⵙ 2 ⵏ ⵡⵓⵔⴰⵔ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ ⵜⴰⴳⴳⴰⵢⵜ-ⴰ ⴷⴻⴳ ⵓⵙⴰⵔⵉⵔ ⵏ ⵎⴱⵧⵓⵔ, ⴰⵙⵙ ⵏ ⵍⴰⵕⴻⴱⵄⴰ.

ⵉⵙⵡⴰⵏ ⵏ ⵜⴻⵎⵍⵉⵍⵉⵜ-ⴰ ⵙⵙⴰⴷⴼⴻⵏ-ⵜⴻⵏ ⵣⵉⵏⴻⴷⴷⵉⵏⴻ ⴼⴻⵔⵀⴰⵜ (ⵜⴰⴷⵇⵉⵇⵜ ⵜⵉⵙ 73) ⴷ ⵜⵔⴰⵧⵔⴻ (ⵜⴰⴷⵇⵉⵇⵜ ⵜⵉⵙ 84).

ⴷⴻⴳ ⵜⴳⴰⵔⴰ ⵏ ⵜⴻⵎⵍⵉⵍⵉⵜ-ⴰ, ⴷ ⵍⴻⵣⵣⴰⵢⴻⵔ ⴰⵢ ⵢⴻⴹⴹⴼⴻⵏ ⴰⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵜⴻⴳⵔⴰⵡⵜ ⴱ ⵙ 4 ⵏ ⵜⴻⵏⵇⵉⴹⵉⵏ (ⴷⴻⴼⴼⵉⵔ ⵙⵏⴰⵜ ⵜⴻⵎⵍⵉⵍⵉⵢⵉⵏ), ⵎⴰ ⴷ ⵏⵉⵊⵉⵔⵢⴰ ⵜⵓⵙⴰ-ⴷ ⴷ ⵜⵉⵙ 2 (3 ⵏ ⵜⴻⵏⵇⵉⴹⵉⵏ, 1 ⵏ ⵜⴻⵎⵍⵉⵍⵉⵜ), ⵎⴰⵚⴻⵔ ⴷ ⵜⵉⵙ 3 (1 ⵏ ⵜⴻⵏⵇⵉⴹⵜ, 1 ⵏ ⵜⴻⵎⵍⵉⵍⵉⵜ), ⵎⴰ ⴷ ⵎⴰⵍⵉ ⴷ ⵜⴰⵏⴻⴳⴳⴰⵔⵓⵜ (0 ⵏ ⵜⴻⵏⵇⵉⴹⵉⵏ, 2 ⵏ ⵜⴻⵎⵍⵉⵍⵉⵢⵉⵏ).