ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⴱⴻⴷⴷⵉ ⵎⴳⴰⵍ ⵉⵎⴰⴽⴰⵔⴻⵏ ⵏ ⵜⵉⵍⴰⵙ ⵢⵉⵡⵉ-ⴷ ⵍⴼⴰⵢⴷⴰ ⵙ ⵢⵉⴳⵎⴰⴹ ⵉⵡⴰⵜⴰⵏ
ⵜⵍⴻⵎⵙⴰⵏ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⴻⵎⴷⵉⵏⵜ ⵏ ⵎⴰⵖⵏⵉⵢⴰ ⴷ-ⵢⴻⵣⴳⴰⵏ ⵖⴻⴼ ⵜⵉⵍⴰⵙ ⴷⵉ ⵜⵡⵉⵍⴰⵢⵜ ⵏ ⵜⵍⴻⵏⵙⴰⵏ ⴱⴻⵍⵍⵉ ⵍⴰⵕⵢⵓⵢ ⴰⵢ ⵜⴻⴷⴷⴻⵎ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⴱⴻⴷⴷⵉ ⴷ ⵓⵎⴻⵏⵏⵓⵖ ⵎⴳⴰⵍ ⵉⵎⴰⴽⴰⵔⴻⵏ ⵏ ⵜⵉⵍⴰⵙ ⴷⵉ ⵜⴰⵎⵉⵡⵉⵏ-ⴰⴳⵉ ⵢⴻⵇⵇⵏⴻⵏ ⴳⴰⵔ-ⴰⵖ ⴰⴽⴽ ⴷ ⵢⵉⵎⵙⵉⴷⵉⵙⴰⵏⴻⵏ-ⵏⵏⴻⵖ ⴱⴷⴰⵏ ⵜⵜⴰⴽⴻⵏ-ⴷ ⵉⴳⵎⴰⴹ ⵉⵡⴰⵜⴰⵏ.
ⴷⴻⴳ ⵢⵉⵡⴻⵜ ⵏ ⵜⴻⵖⵕⵉ ⵢⴻⵅⴷⴻⵎ ⵉ ⵢⵉⵎⴰⵡⵍⴰⵏ ⵉⵙⴰⵍⵍⴻⵏ ⵖⴻⵔ ⵜⴰⴳⴳⴰⵔⴰ ⵏ ⵍⴻⵛⵖⴰⵍ ⵏ ⵜⵙⴻⵇⵇⴰⵎⵓⵜⵜ ⵏ ⵜⵡⵉⵍⴰⵢⵜ ⴷ-ⵢⴻⵍⵀⴰⵏ ⵙ ⵓⵎⴻⵏⵏⵓⵖ ⵎⴳⴰⵍ ⵉⵎⴰⴽⴰⵔⴻⵏ ⵏ ⵜⵉⵍⴰⵙ, ⵎⴰⵙ ⴱⴻⴷⵧⵓⵉ ⵢⴻⵙⵎⴻⴽⵜⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⴷⴷⴻⵎ ⴰⵛⵃⴰⵍ ⵏ ⵍⴰⵕⵢⵓⵢ ⵢⴻⵇⵇⵏⴻⵏ ⵖⴻⵔ ⵍⵇⴰⵏⵓⵏ ⴰⴽⴽ ⴷ ⵍⴰⵎⴰⵏ ⴰⴽⴽⴻⵏ ⴰⵏ ⵏⵃⴰⴷⴻⵔ ⵙ ⵓⵎⴻⵏⵏⵓⵖ ⵎⴳⴰⵍ ⴰⵕⴻⵇⵇⴻⴷ ⴰⴽⴽ ⴷ ⵍⴰⵀⵢⵓⴼ ⵅⴻⴷⴷⵎⴻⵏ ⵉⵎⴰⴽⴰⵔⴻⵏ ⵏ ⵜⵉⵍⴰⵙ.
ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⵢⴻⵜⵜⵉⵍⵉ-ⴷ ⵓⵅⴻⵚⵚⴰⵕ ⵏ ⴽⵕⴰⴹ (3) ⵉⵎⴻⵍⵢⴰⵕⴻⵏ ⵏ ⴷⵓⵍⴰⵕ ⵢⴰⵍ ⴰⵙⴻⴳⴳⴰⵙ ⴳⴻⵍⵍⵓⵏ-ⴷ ⵙⵢⴻⵙ ⵉⵎⴰⴽⴰⵔⴻⵏ-ⴰⴳⵉ ⵢⴻⵙⵙⵓⴼⵓⵖⴻⵏ ⵍⴰⴷⵖⴰ ⵍⵉⵙⵓⵏⵙ.
ⴰⵏⴻⵖⵍⴰⴼ ⵢⴻⵔⵏⴰ ⵢⴻⵏⵏⴰ, ⴷⵉ ⵜⴻⴳⵏⵉⵜⵜ-ⴰⴳⵉ, ⴰⵏⴷⴰ ⵜⵉⵎⴻⵜⵜⵉ ⵜⴰⵣⵣⴰⵢⵔⵉⵜ ⴰ ⵜⴻⵜⵜⵏⴰⵖ ⵢⴰⵍ ⴰⵙⵙ ⵎⴳⴰⵍ ⴰⵖⴱⴻⵍ-ⴰⴳⵉ ⵢⴻⵔⵡⵉⵏ ⵜⴰⴷⴰⵎⵙⴰ ⵜⴰⵖⴻⵍⵏⴰⵡⵜ ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵙⵓⴼⴰⵔ ⵏ ⵡⵓⵞⵞⵉ ⵖⴻⴼ ⵜⴻⵜⵜⵉⵍⵉ ⵍⴻⵎⵄⵉⵡⵏⴰ ⵏ ⴷⴷⴻⵡⵍⴰ.
