ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 29.000 ⵏ ⵢⵉⵎⴻⵄⴷⴰⵕ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵓⵙⵙⵉⵍⴻⵖ ⴷⴻⴳ ⵚⵚⴻⵏⵄⴰⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵓⴳⴰⵔ ⵏ 29.000 ⵏ ⵢⵉⵎⴻⵄⴷⴰⵕ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵡⴰⵀⵉⵍⴻⵏ ⵏ ⵓⵙⵙⵉⵍⴻⵖ ⴷⴻⴳ ⵚⵚⴻⵏⵄⴰⵜ ⵙⴻⴳ 1999, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⵢⵉⵡⴻⵜ ⵏ ⵜⴻⵛⵔⴰⵡⵜ (ⵃⴰⵚⵉⵍⴰ) ⵏ ⵓⵖⵍⵉⴼ ⵏ ⵓⵙⵙⵉⵍⴻⵖ ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵍⴻⵅⵎⵉⵙ ⵉ ⵍⵎⴻⵏⴷ ⵏ ⵜⴻⵔⵣⵉ ⵏ ⵓⵙⵙⴻⴼⵇⴻⴷ ⴰⵢ ⵉⴳⴰ ⵓⵏⴻⵖⵍⴰⴼ ⵏ ⵓⵙⵙⵉⵍⴻⵖ, ⵎⵧⵀⴰⵎⴻⴷ ⵎⴻⴱⴰⵔⴽⵉ, ⵖⴻⴼ ⵡⴰⵟⴰⵙ ⵏ ⵢⵉⵖⴻⵔⴱⴰⵣⴻⵏ ⵏ ⵓⵙⵙⵉⵍⴻⵖ ⴷⴻⴳ ⵜⵎⴰⵏⴻⵖⵜ.

ⵖⴻⴼ ⵍⴻⵃⵙⴰⴱ ⵏ ⵜⴻⵛⵔⴰⵡⵜ-ⴰ, ⴰⵣⴰⵍ ⵏ 2000 ⵏ ⵢⵉⵎⴰⵏⵓⵏⴻⵏ (ⵎⵓⵜⴰⵔⴰⴱⴱⵉⵚⵉⵏ) ⴰⵢ ⴷ-ⵢⴻⵜⵜⴻⴼⴼⵖⴻⵏ ⵢⴰⵍ ⴰⵙⴻⴳⴳⴰⵙ, ⵢⴻⵔⵏⴰ 1216 ⵏ ⵢⵉⵎⴰⵏⵓⵏⴻⵏ ⵉⵎⴻⵄⴷⴰⵕ (ⴳⴰⵔ-ⴰⵙⴻⵏ 429 ⵏ ⵜⵍⴰⵡⵉⵏ) ⴰⵢ ⵢⴻⵍⵍⴰⵏ ⴷⴻⴳ ⵓⵣⴳⴻⵏ ⴰⵎⴻⵣⵡⴰⵔⵓ ⵏ ⵓⵙⴻⴳⴳⴰⵙ-ⴰ.

ⴷⴻⴳ ⵜⴻⵔⵣⵉ-ⵏⵏⴻⵙ ⵖⴻⴼ ⵡⴰⵎⵎⴰⵙ ⵏ ⵓⵙⵙⵉⵍⴻⵖ ⵢⴻⵎⵎⵓⵣⵣⴳⴻⵏ (ⵜⴰⴽⵡⵉⵏ ⵎⵓⵜⴰⵅⴰⵚⵚⵉⵚ) ⵉ ⵢⵉⵎⴻⵄⴷⴰⵕ ⵏ « ⵙⴰⵉⴷ ⴱⴻⵍⴰⵍⴰⵎ », ⵢⴻⵔⵏⴰ ⵉ ⵍⵎⴻⵏⴷ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵢⵉⵎⴻⵄⴷⴰⵕ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ « ⴰⵙⵏⵓⵎⵎⴻⴷ » (ⵉⴷⵎⴰⴵ) ⵏ ⵢⵉⵎⴻⵄⴷⴰⵕ ⴷⴻⴳ ⵢⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵅⴻⴷⴷⵉⵎ ⴷ ⵜⵓⵣⵡⵉⵔⵜ ⵏ ⵓⵖⵍⵉⴼ ⵏ ⵓⵙⵙⵉⵍⴻⵖ.

ⵢⴻⵙⵎⴻⴽⵜⵉ-ⴷ ⴷⴰⵖ ⵓⵏⴻⵖⵍⴰⴼ ⴷ ⴰⴽⴽⴻⵏ ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⵉ ⵓⵄⴰⵡⴻⵏ ⵏ ⵢⵉⵎⴻⵄⴷⴰⵕ ⴰⴽⴽⴻⵏ ⴰⴷ ⴰⴼⴻⵏ ⴰⵅⴻⴷⴷⵉⵎ ⵙ ⵜⵓⴽⴽⵙⴰ ⵏ ⵢⵉⴽⴰⵢⴰⴷⴻⵏ (ⵉⵎⵜⵉⵃⴰⵏⴰⵜ), ⵉⵎⵙⵉⵣⴻⵡⵔⴻⵏ ⵏ ⵡⴰⴷⴰⴼ, ⴰⵎ ⵡⴰⴽⴽⴻⵏ ⴰⴷ ⵉⵍⵉⵏ ⵢⵉⵎⴻⵄⴷⴰⵕ ⴷ ⵏⵉⵜⵏⵉ ⴷ ⵉⵎⴻⵣⵡⵓⵔⴰ ⴰⴷ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵜⵏⵓⵙⵉ, ⴰⵙⵙⴻⵖⵣⴻⴼ ⵏ ⵓⵙⵙⵉⵍⴻⵖ-ⵏⵙⴻⵏ ⴷ ⵡⵓⵖⴰⵍ ⵖⴻⵔ ⵓⵙⵙⵉⵍⴻⵖ ⵎⴰ ⵜⴻⵔⵔⴰ-ⵜⴻⵏ ⵜⵎⴰⵔⴰ ⴰⴷ ⵃⴻⴱⵙⴻⵏ ⴰⵢⴰ ⵉ ⵍⵎⴻⵏⴷ ⵏ ⵓⴷⴰⵡⵉ.

ⵢⴻⵙⵎⴻⴽⵜⵉ-ⴷ ⴷⴰⵖ ⵓⵏⴻⵖⵍⴰⴼ ⴷ ⴰⴽⴽⴻⵏ ⴰⵃⵔⵉⵛ ⵏ ⵓⵙⵙⵉⵍⴻⵖ ⵏ ⵢⵉⵎⴻⵄⴷⴰⵕ ⵢⴻⵙⵄⴰ 4 ⵏ ⵡⴰⵎⵎⴰⵙⴻⵏ ⵉⵎⵏⴰⴹⴰⵏⴻⵏ ⵏ ⵓⵙⵙⵉⵍⴻⵖ ⵢⴻⵎⵎⵓⵣⵣⴳⴻⵏ ⵣⴳⴰⵏ-ⴷ ⴷⴻⴳ ⵍⴻⵣⵣⴰⵢⴻⵔ, ⴱⵓⵎⴻⵔⴷⴰⵙ, ⵍⴻⵖⵡⴰⵟ ⴷ Ɣⵉⵍⵉⵣⴰⵏ, ⵢⴻⵔⵏⴰ ⴰⴷ ⵢⴻⵔⵥⴻⵎ ⵡⴰⵎⵎⴰⵙ ⵏⵉⴹⴻⵏ ⴷⴻⴳ ⵙⴽⵉⴽⴷⴰ ⴷⴻⴳ 2016.

ⵉⵃⴻⵜⵜⴻⵜ-ⴷ ⵎⴰⵙⵙ ⵎⴻⴱⴰⵔⴽⵉ, ⵉ ⵍⵎⴻⵏⴷ ⵏ ⵡⴰⵢⴰ, ⵖⴻⴼ ⵓⵙⵃⵓⵍⴼⵓ ⵏ ⵢⵉⵎⴰⵡⵍⴰⵏ ⵏ ⵢⵉⵎⴻⵄⴷⴰⵕ ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵓⵙⵙⵉⵍⴻⵖ ⴰⴽⴽⴻⵏ ⴰⴷ ⴷ-ⵙⴼⴰⵢⴷⵉⵏ ⵙⴻⴳ ⵜⵜⴰⵡⵉⵍⴰⵜ « ⵉⵎⴻⵇⵔⴰⵏⴻⵏ » ⴰⵢ ⵢⴻⴼⴽⴰ ⵓⵡⴰⵏⴰⴽ (ⴷⴰⵡⵍⴰ) ⵉ ⵢⵉⵎⴷⴰⵏⴻⵏ-ⴰ.