ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⵉⴱⵢⴰ: ⴰⵙⵙⴻⴱⴷⴻⴷ ⵏ ⵍⵃⵓⴽⵓⵎⴰ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵙⴻⴳ-ⴰ ⵖⴻⴼ ⵡⴰⵢⵢⵓⵔ
ⵟⵔⴰⴱⵍⴻⵙ – ⵉⴷⵉⵙⴰⵏ ⵉⵍⵉⴱⵉⵢⴻⵏ ⵢⴻⵎⵅⴰⵚⴰⵎⴻⵏ ⵣⴻⵎⵔⴻⵏ ⴰⴷ ⵙⵜⴻⵏⵢⵉⵏ ⴰⵎⵜⴰⵡⴰ (ⵉⵜⵜⵉⴼⴰⵇ) ⵉ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵙⴻⴳ-ⴰ ⵖⴻⴼ ⵡⴰⵢⵢⵓⵔ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵣⵓⵏ (ⵎⴰⴱⵄⵓⵜ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⴰⵔⵜⵉⵏ ⴽⵧⴱⵍⴻⵔ.
« ⵉⴷⵉⵙⴰⵏ ⵉⵍⵉⴱⵉⵢⴻⵏ ⵢⴻⵎⵅⴰⵚⴰⵎⴻⵏ ⵣⴻⵎⵔⴻⵏ ⴰⴷ ⵙⵜⴻⵏⵢⵉⵏ, ⴷⴻⴳ ⵍⴻⴷⵡⴰⵕ ⴰⵢ ⴷ-ⵢⴻⵜⵜⴻⴷⴷⵓⵏ, ⴰⵎⵜⴰⵡⴰ ⵉ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⵢⴻⵔⵏⴰ ⴰⵏⴰⴱⴰⴹ-ⴰ ⴰⴷ ⵢⴻⴱⴷⵓ ⴰⵅⴻⴷⴷⵉⵎ ⴱⴻⵕⵕⴰ ⵉ ⵟⵔⴰⴱⵍⴻⵙ ⵙⴻⴳ ⵍⴻⵄⴹⵉⵍ ⴰⴷ ⴼⵔⵓⵏⵜ ⵜⵍⵓⴼⴰ ⵏ ⵜⵖⴻⵍⵍⵉⵙⵜ (ⴰⵎⵏ) ⴷⴻⴳ ⵜⵎⴰⵏⴻⵖⵜ (ⵜⴰⵍⵉⴱⵉⵜ) » ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⴽⵧⴱⵍⴻⵔ ⴰⵙⵙ ⵏ ⵙⵙⴻⴱⵜ.
« ⵜⴰⵍⵓⴼⵜ ⵏ ⵍⵉⴱⵢⴰ ⵎⵙⴻⴼⵀⴰⵎⴻⵏ ⴰⴽⴽ ⴼⴻⵍⵍ-ⴰⵙ ⵍⴻⴵⵏⴰⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵎⴰⵣⵓⵏ ⴷⴻⴳ ⵜⴳⴰⵔⴰ ⵏ ⵢⵉⵡⴻⵏ ⵏ ⵓⵎⵢⴰⴳⴻⵔ ⴰⵢ ⵉⴳⴰ ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) (ⴰⵎⵏⵉ [ⴱⴰⵔⵍⴰⵎⴰⵏ] ⴰⵍⵉⴱⵉ ⴰⵢⵢⴻⵙ ⵙⵜⴻⵄⵕⴼⴻⵏ ⵍⴻⴵⵏⴰⵙ ⵢⴻⵔⵏⴰ ⵢⴻⵍⵍⴰ ⴷⴻⴳ ⵟⵓⴱⵔⵓⵇ), ⴰⴽⵉⵍⴰ ⵙⴰⵍⴻⵀ ⴽⵧⵓⵉⴷⴻⵔ.
ⴷⵖⴰ ⴷⴻⴳ ⵜⴻⴳⵏⵉⵜ-ⴰ ⴰⴷ ⴷ-ⵜⵉⵍⵉ, ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⵜⴻⵎⵍⵉⵍⵉⵜ ⵜⴰⴳⵔⴰⵖⵍⴰⵏⵜ ⵖⴻⴼ ⵜⴰⵍⵓⴼⵜ ⵜⴰⵍⵉⴱⵉⵜ ⴷⴻⴳ ⵕⵓⵎⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵎⴰⵙⵙ ⴽⵧⴱⵍⴻⵔ.
« ⴱⴻⴹⴹⵓ ⵏ ⵜⵎⵓⵔⵜ (ⵍⵉⴱⵢⴰ) ⵓⵔ ⵢⴻⴼⴼⵉⵖ ⵓⵍⴰ ⵖⴻⴼ ⵢⵉⵡⴻⵏ ⵏ ⵢⵉⴷⵉⵙ, ⵍⴰⴷⵖⴰ ⵉⵎⵉ ⵜⵓⴷⴷⵙⴰ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ ⴰⵡⴰⵏⴰⴽ ⵉⵙⵍⴰⵎⴰⵏ (ⴷⴰⵄⴻⵛ) ⵍⴰ ⵜⴻⵜⵜⴻⴷⴷⵓ ⵖⴻⵔ ⵙⴷⴰⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷ ⴰⴽⴽⴻⵏ ⵜⵉⵢⵉⵜⵉⵡⵉⵏ ⴰⵢ ⵍⴰ ⵜⴻⵜⵜⴰⵖ ⴷⴰⵄⴻⵛ ⴷⴻⴳ ⵙⵓⵔⵢⴰ ⵜⴻⵃⵕⴻⵙ ⵜⴰⴳⵔⴰⵡⵜ-ⴰ ⵜⴰⵔⴻⴱⵔⴰⴱⵜ ⴰⴽⴽⴻⵏ ⴰⴷ ⵜⴻⵥⵥⵓ ⵉⵎⴰⵏ-ⵏⵏⴻⵙ ⴷⴻⴳ ⵍⵉⴱⵢⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵛⴻⴷ-ⴷ ⵓⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉⴷⵉⵒⵍⵓⵎⴰⵜⵉⵢⴻⵏ ⵉⴱⴻⵕⵕⴰⵏⵉⵢⴻⵏ ⴷ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵓⵖⴰⵍⴻⵏ ⵖⴻⵔ ⵍⵉⴱⵢⴰ ⵢⴻⵔⵏⴰ ⴰⴷ ⴱⴻⴷⴷⴻⵏ ⵉ ⵍⵎⴻⵏⴷ ⵏ ⵜⵎⵓⵔⵜ-ⴰ ⴷⴻⴳ ⵡⵓⵙⵙⵉⵙⴻⵏ-ⵏⵏⴻⵙ (ⵎⴰⴵⵀⵓⴷⴰⵜ) ⴰⴽⴽⴻⵏ ⴰⴷ ⵜⴻⴼⵔⵓ ⵜⵉⵍⵓⴼⴰ-ⵏⵏⴻⵙ ⵏ ⵜⵖⴻⵍⵍⵉⵙⵜ, ⵏ ⵜⵙⴻⵔⵜⵉⵜ ⴷ ⵜⵙⵓⴷⴰ.
