ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵖⵔⵉ ⵉ ⵜⴽⴻⴱⴱⴰⵏⵉⵢⵉⵏ ⴰⴽⴽⴻⵏ ⴰⴷ ⵙⵙⵉⴵⵡⴻⵏⵜ ⵙⵙⴻⵍⵄⴰ ⵢⴻⵅⴹⴰⵏ ⴰⵒⵉⵜⵕⵓⵍ ⴷ ⵍⴳⴰⵣ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴳⴻⵔ-ⴷ ⵜⵉⵖⵔⵉ ⵜⴻⵅⵅⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵉ ⵢⵉⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵢⵉⵏ ⵜⵉⴷⴰⵎⵙⴰⵏⵉⵏ ⵜⵉⴷⵣⴰⵢⵔⵉⵢⵉⵏ ⴰⴽⴽⴻⵏ ⴰⴷ ⵅⴻⵎⵎⴻⵎⴻⵏⵜ ⵖⴻⴼ ⵓⵙⵙⵉⴵⴻⵡ ⵏ ⵙⵙⴻⵍⵄⴰ ⵎⴻⵏⵖⵉⵔ ⴰⵒⵉⵜⵕⵓⵍ ⴷ ⵍⴳⴰⵣ.
« ⵏⴻⴱⵖⴰ ⴰⴷ ⵏⴻⵙⵙⵉⴷⴻⴼ ⵜⴰⴽⵜⵉ ⵏ ⵓⵙⵙⵉⴵⴻⵡ ⵖⴻⵔ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⴰⴽⴽⴻⵏ ⴰⴷ ⵡⴻⵀⵀⵉⵏⵜ ⵉⵎⴰⵏ-ⵏⵙⴻⵏⵜ ⵖⴻⵔ ⵙⵙⵓⵇ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵎⵀⴰⵍⵜ ⵏ ⵡⴰⵙⵙⴰⵖⴻⵏ ⵉⴳⵔⴰⵖⵍⴰⵏⴻⵏ ⴷⴻⴳ ⵜⴻⵅⵅⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ (ⵚⵉⵏⴰⵄⴰ), ⵧⵓⴰⵀⵉⴱⴰ ⴱⴰⵀⵍⵧⵓⵍ, ⴷⴻⴳ ⵢⵉⵡⴻⵏ ⵏ ⵡⴰⵙⵙ ⵏ ⵓⵅⴻⴱⴱⴻⵔ ⴷ ⵓⵙⵙⵉⵍⴻⵖ ⵖⴻⴼ ⵜⵍⵓⵊⵉⵙⵜⵉⵜ ⵏ ⵓⵙⵙⵉⴵⴻⵡ.
ⴰⵎⵢⴰⴳⴻⵔ-ⴰ ⵢⴻⵜⵜⴻⴽⴽⴰ ⴷⴻⴳ-ⵙ ⵓⵎⴰⵣⵣⴰⵢ (ⵅⴰⴱⵉⵔ) ⴰⵏⴻⵎⵛⵉⵡⴻⵕ ⴰⴱⴷⵏⵧⵓⵔ ⵙⵉⴷⵉⵙⴰⵉⴷ ⵢⴻⵔⵏⴰ ⵉⵙⵡⵉ-ⵏⵏⴻⵙ ⴷ ⴰⵄⴰⵡⴻⵏ ⵏ ⵜⴽⴻⴱⴱⴰⵏⵉⵢⵉⵏ ⴰⴽⴽⴻⵏ ⴰⴷ ⵙⵙⵏⴻⵏⵜ ⵜⴰⵔⵔⴰⵢⵉⵏ ⵉⴳⴻⵔⵔⵣⴻⵏ ⴰⴽⴽ ⴷⴻⴳ ⵓⵣⵔⴰⵔ (ⵙⵉⵍⵙⵉⵍⴰ) ⴰⵍⵓⵊⵉⵙⵜⵉ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⵉⴵⴻⵡ.
ⵉⵡⴻⴽⴽⴻⴷ-ⴷ ⵎⴰⵙⵙ ⵙⵉⴷⵉⵙⴰⵉⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵙⴼⴻⵀⵎⴻⵏ ⵉ ⵜⴽⴻⴱⴱⴰⵏⵉⵢⵉⵏ ⵜⵉⴷⴰⵎⵙⴰⵏⵉⵏ ⵉⵎⵎⴻⴽⵜⵉⵢⴻⵏ (ⵎⴰⴼⴰⵀⵉⵎ) ⵏ ⵓⵣⵔⴰⵔ ⴰⵍⵓⵊⵉⵙⵜⵉ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⵉⴵⴻⵡ ⴰⴽⴽⴻⵏ ⴰⴷ ⵙⵙⵏⴻⵏⵜ ⴰⵢⴰ ⵎⵍⵉⵃ ⵢⴻⵔⵏⴰ ⴰⴷ ⵙⵙⵉⵡⴹⴻⵏⵜ ⴰⴷ ⵙⵄⵓⵏⵜ ⴰⵎⴽⴰⵏ ⴷⴻⴳ ⵍⴻⵙⵡⴰⵇ ⵉⴳⵔⴰⵖⵍⴰⵏⴻⵏ ⵙ ⵍⵇⵉⵙ ⴰⵍⴻⵎⵎⴰⵙ ⴷ ⵡⵓⴱⵄⵉⴷ.
ⵖⴻⴼ ⵍⴻⵃⵙⴰⴱ ⵏ ⵎⴰⵙⵙⴰ ⴱⴰⵀⵍⵧⵓⵍ, ⴰⵟⴰⵙ ⵏ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⴰⵢ ⵢⴻⵙⵄⴰⵏ ⵉⴼⴰⵔⵉⵙⴻⵏ (ⵎⴰⵏⵜⵓⴵⴰⵜ) ⵏ ⵜⵖⴰⵔⴰ ⵢⴻⵍⵀⴰⵏ ⵎⴰⵛⴰ ⵍⴰ ⵜⴻⵏ-ⵙⵏⵓⵣⵓⵢⴻⵏⵜ ⴽⴰⵏ ⴷⴻⴳ ⵙⵙⵓⵇ ⴰⵖⴻⵍⵏⴰⵡ ⵖⴻⴼ ⵍⴵⴰⵍ ⵏ ⵡⴰⵟⴰⵙ ⵏ ⵢⵉⵄⴻⵡⵡⵉⵇⴻⵏ, ⴳⴰⵔ-ⴰⵙⴻⵏ ⵍⵇⴻⵍⵍⴰ ⵏ ⵜⵎⵓⵙⵙⵏⵉ ⵏ ⵍⴻⵇⵡⴰⵏⵉⵏ ⵢⴻⵔⵣⴰⵏ ⵜⴰⵏⴻⵣⵣⵓⵜ ⵜⴰⴳⵔⴰⵖⵍⴰⵏⵜ.
