ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵓⵇⴻⵔⵔⴻⵙ ⴰⵏⴰⴷⴷⴰⵍ: ⵛⵀⴰⴼⵉⴽ ⴱⵧⵓⴰⵧⵓⴷ ⵉⵄⴻⴷⴷⴰ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵛⵀⴰⴼⵉⴽ ⴱⵧⵓⴰⵧⵓⴷ, ⴰⵍⵖⵓⵖ ⵏ ⵜⴻⴼⵔⵉⵇⵜ ⵏ ⵓⵇⴻⵔⵔⴻⵙ ⴰⵏⴰⴷⴷⴰⵍ ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⴷⴻⴳ ⵓⵎⵙⵉⵣⵡⴻⵔ ⵏ ⵓⵇⴻⵔⵔⴻⵙ ⵙ ⵓⴱⴻⵛⴽⵉⴹ ⵏ 10 ⵏ ⵍⵎⵉⵜⵔⴰⵜ, ⴷ ⵏⴻⵜⵜⴰ ⴰⵢ ⴷ ⴰⴷⵣⴰⵢⵔⵉ ⴰⵡⵃⵉⴷ ⴰⵢ ⵉⵄⴻⴷⴷⴰⵏ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⴷⴻⴳ ⵡⴰⴷⴷⴰⵍ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵇⴻⵔⵔⴻⵙ ⴰⵏⴰⴷⴷⴰⵍ ⴰⵙⵙ ⵏ ⵍⴻⵜⵏⵉⵢⴻⵏ.
ⴰⴷⵣⴰⵢⵔⵉ ⵏⵉⴹⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵍⵖⵓⵖⴰ-ⴰ ⵏ ⵜⴻⴼⵔⵉⵇⵜ, ⴼⵧⵓⴰⴷ ⴰⴱⵉⴷ, ⵢⴻⵣⴳⴻⵍ ⴰⵄⴻⴷⴷⵉ-ⵏⵏⴻⵙ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵙ ⵛⵛⴻⵃ ⴽⴰⵏ. ⴰⴱⵉⴷ (ⴰⵢ ⴷ-ⵉⵔⴻⴱⵃⴻⵏ ⵜⴰⵣⴰⵍⵖⵉ ⵏ ⵡⵓⵔⴻⵖ ⴷⴻⴳ ⵓⵇⴻⵔⵔⴻⵙ ⵏ ⵢⵉⴱⵍⴰⵟⵓⵜⴻⵏ) ⵢⴻⵔⴱⴻⵃ-ⴷ 111 ⵏ ⵜⴻⵏⵇⵉⴹⵉⵏ ⵢⵉⵍⵉ ⴰⴳⵎⵓⴹ ⴰⴷⴷⴰⵢ ⴰⴽⴽⴻⵏ ⴰⴷ ⵉⵄⴻⴷⴷⵉ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵢⴻⵙⵙⴻⴼⴽ ⴰⴷ ⵢⵉⵍⵉ 112 ⵏ ⵜⴻⵏⵇⵉⴹⵉⵏ.
ⵜⴰⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵇⴻⵔⵔⴻⵙ ⴰⵏⴰⴷⴷⴰⵍ ⵜⴻⵙⵙⵓⵜⴻⵔ ⴰⵄⴰⵡⴻⴷ ⵏ ⵜⵎⵓⵖⵍⵉ ⵙⴻⴳ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵇⴻⵔⵔⴻⵙ ⴰⵏⴰⴷⴷⴰⵍ ⴰⴽⴽⴻⵏ ⴰⴷ ⵢⴻⵣⵎⴻⵔ ⴼⵧⵓⴰⴷ ⴰⴱⵉⴷ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵃⵔⵉⵛ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⴰⴷ ⴷ-ⵢⵉⵍⵉⵏ ⴷⴻⴳ ⵎⴻⵖⵔⴻⵙ ⵏ 2016 ⴷⴻⴳ ⵇⵓⴱⵔⵓⵙ ⵢⴻⵔⵏⴰ ⴰⴷ ⵢⴻⵄⵔⴻⴹ ⴰⴷ ⵉⵄⴻⴷⴷⵉ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵎⴰⵔⵓ ⴰⵎⴰⵜⵓ ⵏ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ, ⵎⵧⵀⴰⵎⴻⴷ ⵎⵉⵍⵧⵓⴷⵉ.
13 ⵏ ⵜⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵍⵖⵓⵖⴰ-ⴰ ⵏ ⵜⴻⴼⵔⵉⵇⵜ ⴰⵢ ⴷ-ⵢⴻⵍⵍⴰⵏ ⴳⴰⵔ 29 ⵏⵡⴻⵎⴱⴻⵕ ⴷ 6 ⴷⵓⵊⴻⵎⴱⴻⵕ ⴷⴻⴳ ⵍⵇⴰⵀⵉⵔⴰ. ⵜⵉⵎⵓⵔⴰ-ⴰ ⴷ ⵎⴰⵚⴻⵔ (ⵜⴰⵎⵓⵔⵜ ⵜⵉⵎⵙⵓⴷⴷⴻⵙⵜ [ⵎⵓⵏⴰⴹⴹⵉⵎⴰ], ⵍⴻⵣⵣⴰⵢⴻⵔ, ⵍⵉⴱⵢⴰ, ⵎⴻⵕⵕⵓⴽ, ⵙⵓⴷⴰⵏ, ⴰⵏⴳⵓⵍⴰ, ⴳⵀⴰⵏⴰ, ⴽⴻⵏⵢⴰ, ⵏⴰⵎⵉⴱⵢⴰ, ⵙⵉⵏⵉⴳⴰⵍ, ⵓⴳⴰⵏⴷⴰ, ⵣⵉⵎⴱⴰⴱⵡⴻ ⴷ ⵜⴻⴼⵔⵉⵇⵜ ⵏ ⵓⵏⵥⵓⵍ.
