ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵒⵔⵓⵟⵓⴽⵓⵍ ⵏ ⵓⵎⵄⴰⵡⴻⵏ ⴳⴰⵔ ⵜⴼⵉⴷⵉⵕⴰⵍⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⴷ ⵜⴼⵉⴷⵉⵕⴰⵍⵉⵢⵉⵏ ⵏ ⵡⴰⴷⴷⴰⵍ ⵏ ⵜⴻⵙⴷⴰⵡⵉⵜ ⴷ ⵓⵖⴻⵔⴱⴰⵣ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵙⵜⴻⵏⵢⴰ ⵜⴼⵉⴷⵉⵕⴰⵍⵉⵜ ⵜⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⴰⵒⵔⵓⵟⵓⴽⵓⵍ ⵏ ⵓⵎⵄⴰⵡⴻⵏ ⴷ ⵜⴻⵎⵜⵉⵍⵉⵏ-ⵏⵏⴻⵙ, ⵜⴰⴼⵉⴷⵉⵕⴰⵍⵉⵜ ⵏ ⵡⴰⴷⴷⴰⵍ ⴰⵙⴷⴰⵡⴰⵏ ⴷ ⵜⴼⵉⴷⵉⵕⴰⵍⵉⵜ ⵏ ⵡⴰⴷⴷⴰⵍ ⴰⵖⵓⵔⴱⵉⵣ ⴰⴽⴽⴻⵏ ⴰⴷ ⵙⵏⴻⵔⵏⵉⵏⵜ ⵜⴰⵛⵉⵔⵜ ⵏ ⵓⴹⴰⵔ ⴷⴻⴳ ⵜⴻⵙⴷⴰⵡⵉⵢⵉⵏ ⴷ ⵢⵉⵖⴻⵔⴱⴰⵣⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ ⵏ ⵜⵛⵉⵔⵜ ⵏ ⵓⴹⴰⵔ.
ⴰⵒⵔⵓⵟⵓⴽⵓⵍ-ⴰ ⵏ ⵓⵎⵄⴰⵡⴻⵏ ⴰⴷ ⵢⴻⴵⴵ ⵜⵉⴼⵉⴷⵉⵕⴰⵍⵉⵢⵉⵏ « ⴰⴷ ⵎⴱⴰⴷⴷⴰⵍⴻⵏⵜ ⵜⵜⴻⵊⵕⵉⴱⴰⵜ-ⵏⵙⴻⵏⵜ ⴷⴻⴳ ⵡⴰⵟⴰⵙ ⵏ ⵢⵉⵏⵓⵔⴰⵔ, ⴳⴰⵔ-ⴰⵙⴻⵏ ⴰⵙⵙⵉⵍⴻⵖ (ⵜⴰⴽⵡⵉⵏ) ⵏ ⵢⵉⵎⴻⵙⵜⴻⴽⵏⵉⵢⵉⵏ ⴷ ⵜⴻⴷⵢⴰⵏⵉⵏ ⵜⵉⵏⴰⴷⴷⴰⵍⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ ⵏ ⵜⵛⵉⵔⵜ ⵏ ⵓⴹⴰⵔ.
ⴰⵒⵔⵓⵟⵓⴽⵓⵍ-ⴰ ⴰⴷ ⵢⴻⵙⵙⵉⴼⵙⴻⵙ ⴷⴰⵖ ⴰⵙⵏⴻⵔⵏⵉ ⵏ ⵜⵛⵉⵔⵜ ⵏ ⵓⴹⴰⵔ ⴷⴻⴳ ⵜⴻⵙⴷⴰⵡⵉⵜ ⴷ ⵓⵖⴻⵔⴱⴰⵣ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵜⵜⴻⴽⴽⵉ ⵏ ⵢⵉⵎⴻⴹⵢⴰⵏⵉⵏ, ⴰⵙⵙⴻⴱⵖⴻⵙ (ⵜⴰⵛⴵⵉⵄ) ⵏ ⵜⴻⵇⵛⵉⵛⵉⵏ ⴰⴽⴽⴻⵏ ⴰⴷ ⵓⵔⴰⵔⴻⵏⵜ ⵜⴰⵛⵉⵔⵜ ⵏ ⵓⴹⴰⵔ ⴷ ⵓⵙⵙⵉⵍⴻⵖ ⵏ ⵢⵉⵏⴻⴼⵔⴰⵢⴻⵏ ⵉⵎⴻⵥⵢⴰⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵙⵙⴻⴼⵀⴻⵎ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ.
ⵡⵉⴷ ⴰⵢ ⵢⴻⵙⵜⴻⵏⵢⴰⵏ ⴰⵒⵔⵓⵟⵓⴽⵓⵍ-ⴰ ⴷ ⵎⵧⵀⴰⵎⴻⴷ ⵔⴰⵧⵓⵔⴰⵧⵓⴰ, ⴰⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ, ⵎⵧⴽⵀⵜⴰⵔ ⵀⵉⴼⴰⵢⴰ (ⵜⴰⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴰⴷⴷⴰⵍ ⴰⵙⴷⴰⵡⴰⵏ) ⴷ ⴰⴱⴷⴻⵍⵀⴰⴼⵉⴷ ⵉⵣⴻⵎ (ⵉⵖⴻⴼ ⵏ ⵜⴼⵉⴷⵉⵕⴰⵍⵉⵜ ⵜⴷⵣⴰⵢⵔⵉⵜ ⵏ ⵡⴰⴷⴷⴰⵍ ⴰⵖⵓⵔⴱⵉⵣ).
