ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⵇⴰⵙ ⵏ ⵙⵙⵓⵎⴰⵜ ⵏ ⵓⵒⵉⵜⵕⵓⵍ ⵎⴰⵣⴰⵍ ⴰⴷ ⵉⵄⴻⵟⵟⴻⵍ (ⵙⵀⴻⵍⵍ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⵇⴰⵙ ⵏ ⵙⵙⵓⵎⴰⵜ ⵏ ⵓⵒⵉⵜⵕⵓⵍ ⵎⴰⵣⴰⵍ ⴰⴷ ⵉⴽⴻⵎⵎⴻⵍ ⵙ ⵍⵇⵉⵙ ⵓⵇⵔⵉⴱ ⴷ ⵍⵇⵉⵙ ⴰⵍⴻⵎⵎⴰⵙ ⵖⴻⴼ ⵍⴵⴰⵍ ⵏ ⵜⵓⴳⴳⵜⴰ ⵏ ⵓⵒⵉⵜⵕⵓⵍ ⴷⴻⴳ ⵙⵙⵓⵇ ⴷ ⵓⵏⵏⴻⵔⵏⵉ ⴰⵎⴰⵥⴰⵢ ⵏ ⵜⴷⴰⵎⵙⴰ ⵜⴰⵎⴰⴹⵍⴰⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⵏ ⵜⴽⴻⴱⴱⴰⵏⵉⵜ ⵜⴰⴳⵜⴰⵖⵍⴰⵏⵜ ⵜⴰⵒⵉⵜⵕⵓⵍⴰⵏ ⵏ ⵙⵀⴻⵍⵍ.
« ⵙⵀⴻⵍⵍ ⵍⴰ ⵜⵛⵉⵔⵉ ⴰⴷ ⵜⵉⵖⵣⵉⴼ ⵜⴰⵍⵍⵉⵜ ⵏ ⵓⵏⵇⴰⵙ ⵏ ⵙⵙⵓⵎⴰ ⵏ ⵓⵒⵉⵜⵕⵓⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⵎⴰⵣⵓⵍ ⵏ ⵓⵙⴻⵍⵡⴰⵢ (ⵏⴰ’ⵉⴱ ⴰⵔ-ⵔⴰ’ⵉⵙ) ⵏ ⵜⴽⴻⴱⴱⴰⵏⵉⵜ-ⴰ ⴷ-ⵢⴻⵍⵀⴰⵏ ⴷ ⵓⴳⵎⵓⴹ ⴰⵍⴻⵎⵎⴰⵙ ⴷ ⵜⴻⴼⵔⵉⵇⵜ ⵏ ⵓⴳⴰⴼⴰ, ⵎⵧⵓⵏⵉⵔ ⴱⵧⵓⴰⵣⵉⵣ, ⴷⴻⴳ ⵜⴳⴻⵔⵎⴰⵏⵜ-ⵏⵏⴻⵙ (ⵎⵓⴷⴰⵅⴰⵍⴰ) ⴷⴻⴳ ⵓⵙⴰⵔⴰⴳ ⵡⵉⵙ 10 ⵖⴻⴼ ⵓⵒⵉⵜⵕⵓⵍ ⴷ ⵍⴳⴰⵣ ⴷⴻⴳ ⵜⴻⴼⵔⵉⵇⵜ ⵏ ⵓⴳⴰⴼⴰ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵓⵙⵙⴰⵏ-ⴰ ⵏ ⵜⵜⵍⴰⵜⴰ ⴷ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵙⵙⴻⴼⵀⴻⵎ-ⴷ ⴷ ⴰⴽⴽⴻⵏ ⵉⵎⵉ ⴰⵏⵏⴻⵔⵏⵉ ⴰⴷⴰⵎⵙⴰⵏ ⵏ ⵓⵎⴰⴹⴰⵍ ⴰⵜⴰⵏ ⵥⵥⴰⵢ ⵢⴻⵔⵏⴰ ⵎⴰⵣⴰⵍ ⴰⴷ ⵉⴽⴻⵎⵎⴻⵍ ⴰⴽⴽⴰ, ⵢⴻⵔⵏⴰ ⵢⴻⵍⵍⴰ ⴰⵟⴰⵙ ⵏ ⵓⵒⵉⵜⵕⵓⵍ ⴷⴻⴳ ⵙⵙⵓⵇ, ⴰⵏⵇⴰⵙ ⵏ ⵙⵙⵓⵎⴰ ⵏ ⵓⵒⵉⵜⵕⵓⵍ ⵎⴰⵣⴰⵍ ⴰⴷ ⵉⵄⴻⴹⴹⴻⵍ.
ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⵢⵉⵎⴹⴻⴱⴱⴻⵔ-ⴰ ⵏ ⵙⵀⴻⵍⵍ ⴷ ⴰⴽⴽⴻⵏ ⵢⴻⵣⵎⴻⵔ ⵍⵃⴰⵍ ⴰⴷ ⵢⴻⵔⵏⵓ « ⵓⵙⵙⵓⵜⴻⵔ » ⵏ ⵓⵒⵉⵜⵕⵓⵍ ⵙⴻⴳ-ⴰ ⵖⴻⵔ ⵙⴷⴰⵜ, ⵢⴻⵔⵏⴰ ⴰⵢⴰ ⴰⴷ ⵢⴻⵔⵏⵓ ⴷⴻⴳ ⵙⵙⵓⵎⴰ-ⵏⵏⴻⵙ.
ⴰⵢⴻⵏ ⴷⴰⵖ ⴰⵢ ⵉⵣⴻⵎⵔⴻⵏ ⴰⴷ ⴷ-ⵢⴻⵙⵙⴻⵔⴱⴻⵃ ⵓⴳⴰⵔ ⵏ ⵢⵉⴷⵔⵉⵎⴻⵏ ⵉ ⵜⴽⴻⴱⴱⴰⵏⵉⵢⵉⵏ ⵏⴻⵜⵜⴰ ⴷ ⵜⴰⵎⴳⵓⵔⵉ (ⵚⵉⵏⴰⵄⴰ) ⵜⴰⵒⵉⵜⵕⵓⴽⵔⵓⵔⴰⵏⵜ (ⴱⵉⵜⵔⵓⴽⵉⵎⵢⴰⵡⵉⵢⵢⴰ), ⵉⵎⵉ ⴰⵏⵇⴰⵙ ⴷⴻⴳ ⵙⵙⵓⵎⴰ ⵏ ⵓⵒⵉⵜⵕⵓⵍ ⴰⴷ ⵢⴻⴵⴵ ⵜⵉⴽⴻⴱⴱⴰⵏⵉⵢⵉⵏ-ⴰ ⴰⴷ ⴷ-ⵅⴻⴷⴷⵎⴻⵏⵜ ⵉⴼⴰⵔⵉⵙⴻⵏ-ⵏⵙⴻⵏⵜ ⵙ ⵙⵙⵓⵎⴰ ⵔⵅⵉⵙⴻⵏ ⵢⴻⵔⵏⴰ ⴰⵢⴰ ⴰⴷ ⵜⴻⵏⵜ-ⵢⴻⴵⴵ ⴰⴷ ⵙⵙⴻⵏⵣⴻⵏⵜ ⵓⴳⴰⵔ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰ ⵢⴻⵏⵇⴻⵙ ⵓⵙⵙⴻⴼⵜⵉ ⴷⴻⴳ ⵓⵊⴱⴰⴷ ⵏ ⵓⵒⵉⵜⵕⵓⵍ, ⴰⴼⴰⵔⴻⵙ (ⵉⵏⵜⴰⴵ) ⴰⵢ ⵢⴻⵍⵍⴰⵏ ⵉⵎⵉⵔ-ⴰ ⵢⴻⵣⵎⴻⵔ ⴰⴷ ⵜ-ⵉⵙⵓⵎⵎ ⵙⵙⵓⵇ ⵙ ⵜⵖⴰⵡⵍⴰ, ⵢⴻⵔⵏⴰ ⵓⵍⴰ ⴷ ⴰⵢⴰ ⵢⴻⵣⵎⴻⵔ ⴰⴷ ⵢⴻⵔⵏⵓ ⴷⴻⴳ ⵙⵙⵓⵎⴰ ⵏ ⵓⵒⵉⵜⵕⵓⵍ.
ⴷ ⴰⵛⵓ ⴽⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, « ⵢⴻⵡⵄⴻⵕ ⴰⵟⴰⵙ » ⴰⴷ ⵏⵥⴻⵔ ⵎⴻⵍⵎⵉ ⴰⴷ ⵄⴰⵡⴷⴻⵏⵜ ⴰⴷ ⴰⵍⵉⵏⵜ ⵙⵙⵓⵎⴰⵜ ⵏ ⵓⵒⵉⵜⵕⵓⵍ ⴰⵎ ⵡⴰⴽⴽⴻⵏ ⴰⵢ ⵢⴻⵡⵄⴻⵕ ⴰⴷ ⵏⵥⴻⵔ ⴷ ⴰⵛⵓ-ⵜⵜ ⵙⵙⵓⵎⴰ ⵏ ⵜⴱⴻⵜⵜⵉⵜ ⴰⴷ ⵢⴻⴼⴼⵖⴻⵏ ⵖⴻⴼ ⵢⵉⵎⵙⴻⴼⵜⵉⵢⴻⵏ.
