ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵣⵉ-ⵡⴻⵣⵣⵓ- ⴰⵙⴻⵏⵄⴻⵜ ⵏ ⵡⴰⵣⴰⵍ ⵏ ⵍⴻⵊⵀⵓⴷ ⵏ ⴷⴷⵓⵍⵜ ⴷⴻⴳ ⵓⵙⴻⵖⵎⵉ ⵏ ⵜⵉⵔⴰ ⵏ ⵢⴻⴷⵍⵉⵙⴻⵏ ⵉⵙⴻⴽⵍⴰⵏⴻⵏ ⵏ ⵜⵎⴰⵣⵉⵖⵜ
ⵜⵉⵣⵉ-ⵡⴻⵣⵣⵓ - ⵢⵓⴷⴰⵏ ⵏ ⵢⴻⴷⵍⴻⵙ, ⵢⴻⵙⵙⴻⴷⴷⵔⴻⵏ ⵜⵉⵎⵍⵉⵍⵉⵜ ⵖⴻⴼ ⵍⵃⵍⴰ ⵏ ⵜⴻⵏⴼⵓⵙⵜ ⵜⴰⵎⴰⵣⵉⵖⵉⵜ. ⵙⵙⴻⵏⵄⵜⴻⵏ ⴰⵣⴰⵍ ⵏ ⵍⴻⵊⵀⵓⴷ ⵏ ⴷⴷⵓⵍⵜ ⴷⴻⴳ ⵢⵉⵙⴻⴳⴳⴰⵙⴻⵏ ⵢⵉⵏⴻⴳⴳⵓⵔⴰ ⴷⴻⴳ ⴷ ⵓⵙⴻⵖⵎⵉ ⴷ ⵓⵙⴻⴳⴷⴻⵔ ⵏ ⵜⵓⵜⵍⴰⵢⵜ ⵜⴰⵎⴰⵣⵖⵉⵜ, ⵙ ⵍⴻⵅⵚⵓⵚ ⵓⵏⴳⴰⵍⴻⵏ ⴷ ⵜⵉⵏⴼⵓⵙⵉⵏ ⴷ ⵜⵎⴻⴷⵢⴰⵣⵜ ⴷ ⵓⵎⴻⵣⴳⵓⵏ ⴷ ⵜⵃⵓⵊⴰⵢ ⴷ ⵜⵉⵏⵣⴰ ⵜⵉⵖⴻⵔⴼⴰⵏⵉⵏ ⵉ ⵜⴻⴼⵙⴻⵔⵜ ⴷ ⵓⵙⴻⵏⵄⴻⵜ-ⵏⵏⴻⵙ.
ⵢⵓⴷⴰⵏ-ⴰ ⵏ ⵢⴻⴷⵍⴻⵙ ⵢⵉⴳⵉⵏ ⵢⵉⵙⵓⵔⴰⴳ ⵖⴻⴼ ⵢⵉⴷⵉⵙ ⵏ ⵟⵟⴻⴱⵄⵜ, ⵡⵉⵙ-ⵜⵎⴻⵏⵢⴰ, ⵢⴻⵜⵜⵅⵓⵚⵚⴰⵏ ⵚⴰⵍⵓⵏ ⵏ ⵊⴰⵔⵊⴻⵔ ⵏ ⵓⴷⵍⵉⵙ. ⵢⴻⵍⵍⴰⵏ ⵢⴻⵜⵜⴰⵡⵚⴽⴰ ⴷⴻⴳ ⵓⵅⵅⴰⵎ ⵏ ⵢⴻⴷⵍⴻⵙ ⵏ, ⵜⵉⵣⵉ-ⵡⴻⵣⵣⵓ, ⵙⴻⴳ 5 ⵖⴻⵔ 9 ⴷⵓⵊⴻⵎⴱⴻⵔ.
ⵜⵉⵎⵍⵉⵍⵉⵜ-ⴰ ⵃⴻⴹⵔⴻⵏⵜ, ⵉⵎⴰⵔⴰⵢⴻⵏ ⴷ ⵉⵙⴻⵍⵎⴰⴷⴻⵏ ⵏ ⵜⴻⵙⴷⴰⵡⵉⵏ ⴷ ⴰⵢⵜ ⴱⴰⴱ ⵏ ⵜⵉⵣⵔⵉⴳⵉⵏ, ⵙⴰⵄⵉⴷ ⵛⴻⵎⵎⴰⵅ, ⴽⴰⵎⴰⵍ ⵜⴰⵣⴰⵖⴰⵔⵜ, ⴰⵃⵎⴻⴷ ⵏⴰⵇⵇⴰⵔ, ⵔⴰⵛⵉⴷ ⴱⵓⵅⴻⵔⵔⵓⴱ. ⴰⵔⴻⵏ ⵉ ⵢⵓⴷⴰⵏ-ⴰ ⵉⵛⴰⵔⴽⴻⵏ ⵏⴻⵎⵎⵔⴻⵏ ⵍⵅⴰⵍⴰⵜ ⵜⵉⵜⵔⴰⵔⵉⵏ ⴰⴷ ⴷ ⵢⴻⵍⴼⴰⵏ ⵖⴻⵔ ⵡⴻⴼⵔⴰⴳ ⵏ ⵜⵉⵔⴰ ⵜⴰⵙⴻⴽⵍⴰⵏⵜ ⵏ ⵜⴰⵎⴰⵣⵉⵖⵜ ⴷⴻⴳ ⵡⴻⵙⵡⵉⵔ ⴰⵖⴻⵍⵏⴰⵡ ⴷ ⵓⵎⴰⴹⴰⵍ ⵙⴻⴳ-ⵙⴻⵏⵜ ⵜⴰⵎⴰⵔⴰⵢⵜ ⵍⵉⵏⴷⴰ ⴽⵓⴷⴰⵛ.
ⵖⴻⴼ ⵓⵖⵉⵔ-ⵏⵏⴻⵙ ⴰⵎⴰⵔⴰⵢ, ⵔⴰⵛⵉⴷ ⴱⵓⵅⴻⵔⵔⵓⴱ, ⵉⵡⴻⴽⴽⴻⴷ ⴱⴻⵍⵍⵉ ⴰ ⵜⴰⵢⴻⵏ ⵢⴻⵇⵔⴻⴱ ⴰⴷ ⵢⴻⵎⵎⵉⵔ ⵙⴻⴳ ⵜⵉⵔⴰ ⵏ ⵓⵏⴳⴰⵍ ⴷ ⴰⵜⵔⴰⵔ, ⵀ ⴰⴷ ⵢⴻⵜⵜⵡⴰⴼⵙⴻⵔ ⴷⴻⴳ ⵉ ⵟⵟⴻⴱⵄⴻⵜ ⵏ ⵜⴻⴼⵙⴻⵔⵜ ⵏ ⵢⴻⴷⵍⵉⵙ ⴰⴷ ⴷ-ⵢⴻⴳⴳⵓⵔⴻⵏ ⴷⴻⴳ ⵉ ⵜⵖⵉⵡⴰⵏⵜ ⵏ ⴱⵓⵊⵉⵎⴻⵄ ⵉⴹⴻⴼⴼⵔⴻⵏ ⵜⵡⵉⵍⴰⵢⵜ ⵏ ⵜⵉⵣⵉ ⵏ ⵡⴻⵣⵣⵓ.
