ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴻⵕⵕⵓⴽ ⵜⴻⵣⵎⴻⵔ ⴰⴷ ⵜⴻⵙⵙⵡⴰⵖ ⴰⴽⴰⵍⴰ ⵏ ⵜⴰⵍⵡⵉⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ
ⵡⴰⵙⵀⵉⵏⴳⵜⵏ – ⵎⴻⵕⵕⵓⴽ ⵜⴻⵙⵙⴻⵔⵙ, ⵜⵉⴽⴽⴻⵍⵜ ⵏⵉⴹⴻⵏ, ⴰⴽⴰⵍⴰ ⵏ ⵜⴰⵍⵡⵉⵜ ⴷⴻⴳ ⵓⵎⵉⵀⵉ (ⵅⴰⵟⴰⵔ) ⵉⵎⵉ ⴰⵢ ⵜⵓⴳⵉ ⴰⴷ ⵜⴻⵜⵜⴻⴽⴽⵉ ⴷⴻⴳ ⵍⴻⵎⵛⴰⵡⵕⴰⵜ ⵜⵓⵙⵔⵉⴷⵉⵏ ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⴰⵀⵎⴻⴷ ⴱⵧⵓⴽⵀⴰⵔⵉ, ⴰⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
« ⵜⴻⴹⴹⴻⴼ-ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵉⵙⴰⵍⵉ ⴷ ⵓⵏⵚⵉⴱ ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵎⴻⵕⵕⵓⴽ ⵜⵓⴳⵉ ⴰⴷ ⵜⴻⵜⵜⴻⴽⴽⵉ ⴷⴻⴳ ⵍⴻⵎⵛⴰⵡⵕⴰⵜ-ⵏⵏⵉ ⵜⵓⵙⵔⵉⴷⵉⵏ » ⴰⵢⵖⴻⴼ ⴷ-ⵉⵅⴻⴱⴱⴻⵔ ⴷⴻⴳ ⵏⵡⴻⵎⴱⴻⵕ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⴰⵙⵙ ⴱⴰⵏ ⴽⵉ-ⵎⵧⵧⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⴽⵀⴰⵔⵉ.
ⵜⵉⵏ ⵉⵡⴻⵄⵕⴻⵏ ⵓⴳⴰⵔ ⵏⴻⵜⵜⴰⵜ « ⵎⴻⵕⵕⵓⴽ ⵜⵄⴰⵡⴻⴷ ⵜⵡⴻⴽⴽⴻⴷ-ⴰⵙ-ⴷ ⵉ ⵓⵎⴰⵣⵓⵏ (ⵎⴰⴱⵄⵓⵜ) ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⴰⵙⵙ ⵛⵀⵔⵉⵙⵜⵧⵒⵀⴻⵔ ⵔⵧⵙⵙ, ⴷ ⴰⴽⴽⴻⵏ ⵓⵔ ⵢⴻⵜⵜⵄⴰⵡⴰⴷ ⴰⵔⴰ ⴰⴷ ⴷ-ⵢⵓⵖⴰⵍ ⵖⴻⵔ ⵓⵏⴻⵥⵔⵓⴼ ⵓⵜⵔⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⴽⵀⴰⵔⵉ ⵢⵉⵡⴻⵏ ⵡⴰⵙⵙ ⵓⵇⴱⴻⵍ ⵜⴻⵎⵍⵉⵍⵉⵜ ⵏ ⵎⴰⵙⵙ ⵔⵧⵙⵙ ⴷ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵉ ⵓⵅⴻⴱⴱⴻⵔ ⵖⴻⴼ ⵜⴻⴳⵏⵉⵜ ⴰⵢⴷⴻⴳ ⵜⴻⵍⵍⴰ ⵜⴻⵎⵙⴰⵍⵜ-ⴰ ⴷⴻⴼⴼⵉⵔ ⵜⵉⵔⵣⵉ-ⵏⵏⴻⵙ ⵜⴰⵏⴻⴳⴳⴰⵔⵓⵜ ⵖⴻⴼ ⵜⵎⵓⵔⴰ ⵏ ⵜⴻⵎⵏⴰⴹⵜ.
ⵙ ⵜⵉⴳⵯⵉⵜ-ⴰ, ⵎⴻⵕⵕⵓⴽ « ⵜⴻⵙⵙⴻⵔⵙ ⵜⵉⴽⴽⴻⵍⵜ ⵏⵉⴹⴻⵏ ⴰⴽⴰⵍⴰ ⵏ ⵜⴰⵍⵡⵉⵜ ⴷⴻⴳ ⵓⵎⵉⵀⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵃⴰⵙⵙⴻⴼ ⵎⴰⵙⵙ ⴱⵧⵓⴽⵀⴰⵔⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵢⴻⵙⵙⴻⴼⴽ ⴰⴷ ⵢⴻⵃⵕⴻⵙ ⵎⴻⵕⵕⵓⴽ ⴰⴽⴽⴻⵏ ⴰⴷ ⵜⴻⵎⵄⴰⵡⴰⵏ ⵢⵉⴷ-ⵙ ⴷⴻⴳ ⵜⴻⵎⵍⵉⵍⵉⵜ ⵏ ⵡⴰⵙⵙ ⵏ ⵍⴰⵕⴻⴱⵄⴰ.
« ⵢⴻⵙⵙⴻⴼⴽ ⴰⴷ ⵢⴻⵃⵔⴻⵣ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵍⴻⵡⵚⴰⵢⴰ ⴷ ⵓⵥⴰⵢⴻⵔ (ⵡⴰⴹⵄ) ⵏ ⵓⵎⴰⵣⵓⵏ ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵍⴰⴷⵖⴰ ⵉⵎⵉ ⵎⴻⵕⵕⵓⴽ ⵜⴻⴳⴷⴻⵍ-ⴰⵙ ⴰⴷ ⵢⴻⵔⵣⵓ ⵖⴻⴼ ⵡⴰⴽⴰⵍ-ⵏⵏⵉ ⴰⵢⵖⴻⴼ ⴷ-ⵢⴻⵜⵜⵡⴰⵡⴻⵚⵚⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⴽⵀⴰⵔⵉ.
