ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⴻⵙⴱⴰⵏⵉⵢⵉⵏ ⵏ 11 ⴷⵓⵊⴻⵎⴱⴻⵕ 1960 ⵙⴷⴻⵔⵎⴻⵏⵜ ⵜⴰⵔⴳⵉⵜ ⵏ ⴷⴻ ⴳⴰⵓⵍⵍⴻ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵎⵣⵔⵓⵢ (ⵎⵓ’ⴰⵔⵔⵉⵅ) ⵀⴰⵎⵣⴰ ⴽⵀⴻⴷⵀⵔⵉ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⵜⵉⵎⴻⵙⴱⴰⵏⵉⵢⵉⵏ ⴰⵢ ⴳⴰⵏ ⵢⵉⴷⵣⴰⵢⵔⵉⵢⴻⵏ ⴷⴻⴳ 11 ⴷⵓⵊⴻⵎⴱⴻⵕ 1960 ⵙⴷⴻⵔⵎⴻⵏ ⴰⵙⴻⵏⴼⴰⵔ-ⵏⵏⵉ ⴰⵎⵍⴰⵍⴰⴷⴰⵏ ⵏ « ⵍⴻⵣⵣⴰⵢⴻⵔ ⵜⴰⴷⵣⴰⵢⵔⵉⵜ » ⵏ ⴷⴻ ⴳⴰⵓⵍⵍⴻ.
ⴷⵖⴰ ⵉⵡⴻⴽⴽⴻⴷ-ⴷ, ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⴰⵢ ⵉⴳⴰ ⴷⴻⴳ ⵜⴻⵎⴽⴰⵔⴹⵉⵜ ⵜⴰⵖⴻⵍⵏⴰⵡⵜ ⴷ ⴰⴽⴽⴻⵏ ⵜⵉⴷⵢⴰⵏⵉⵏ ⵏ 11 ⴷⵓⵊⴻⵎⴱⴻⵕ 1960 ⵍⵍⴰⵏⵜ-ⴷ ⴷ ⵜⵉⵔⵉⵔⵉⵜ ⵉ ⵜⴻⵔⵣⵉ ⵏ ⴷⴻ ⴳⴰⵓⵍⵍⴻ ⵖⴻⴼ ⵜⵡⵉⵍⴰⵢⵜ ⵏ ⵄⵉⵏ ⵜⵉⵎⵓⵛⴻⵏⵜ ⴰⵙⵙ ⵏ 9 ⵙⴻⴳ ⵡⴰⵢⵢⵓⵔ-ⵏⵏⵉ ⵢⴻⵔⵏⴰ ⴰⵢⴰ ⵜⵉⵎⴻⵙⴱⴰⵏⵉⵢⵉⵏ-ⴰ ⵙⴷⴻⵔⵎⴻⵏⵜ ⵜⴰⵔⴳⵉⵜ ⵏ ⴼⵕⴰⵏⵙⴰ ⵜⴰⵀⴻⵔⵙⴰⵏⵜ (ⵉⵙⵜⵉⵄⵎⴰⵔⵉⵢⵢⴰ) ⵏ « ⵍⴻⵣⵣⴰⵢⴻⵔ ⵜⴰⴷⵣⴰⵢⵔⵉⵜ » ⴰⵢ ⵢⴻⵍⵍⴰ ⵢⴻⴱⵖⴰ-ⵜ ⵓⵙⴻⵍⵡⴰⵢ ⴰⴼⵕⴻⵏⵙⵉⵙ.
ⵉⴱⴻⵔⵔⵉⵃⴻⵏ ⵏ ⵢⵉⵎⴻⵙⴱⴰⵏⵉⵢⴻⵏ ⵏⵉⵜⵏⵉ ⴷ « ⵍⴻⵣⵣⴰⵢⴻⵔ ⵜⵉⵏⴻⵙⵍⴻⵎⵜ » ⴷ « ⵍⴻⵣⵣⴰⵢⴻⵔ ⵜⵉⵎⵣⵉⵔⴻⴳⵜ [ⵎⵓⵙⵜⴰⵇⵉⵍⵍⴰ] » ⵢⴻⵔⵏⴰ ⵙ ⵡⵉ ⴰⵢ ⵃⵓⵕⴱⴻⵏ ⴰⵙⴻⵏⴼⴰⵔ-ⵏⵏⵉ ⴰⵀⴻⵔⵙⴰⵏ ⵉ ⵓⵙⵙⴻⴱⴷⴻⴷ ⵏ « ⵍⴻⵣⵣⴰⵢⴻⵔ ⵜⴰⴷⵣⴰⵢⵔⵉⵜ » ⴰⵢⴷⴻⴳ ⴰⴷ ⴷⴷⵓⴽⴽⵍⴻⵏ ⵢⵉⵏⵙⴻⵍⵎⴻⵏ ⴷ ⵢⵉⴼⵕⴻⵏⵙⵉⵙⴻⵏ ⴰⵢ ⵢⴻⴹⴹⴼⴻⵏ ⴰⴽⴰⵍ ⴷⴻⴳ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴽⵀⴻⴷⵀⵔⵉ ⴰⵢ ⴷ-ⵉⴱⴻⴷⵔⴻⵏ ⴷⴻ ⴳⴰⵓⵍⵍⴻ ⵎⵉ ⴷ-ⵢⴻⵏⵏⴰ ⴷ ⴰⴽⴽⴻⵏ ⴰⵙⴻⵏⴼⴰⵔ-ⴰ ⵢⴻⵍⵍⴰ ⵍⴰ ⵢⴻⵜⵜⴹⴰⴼⴰⵔ ⴰⴱⵔⵉⴷ ⵢⴻⵍⵀⴰⵏ.
ⵎⴰ ⴷ ⴰⵎⵊⴰⵀⴻⴷ ⴰⴱⴷⴻⵍⴽⴰⴷⴻⵔ ⵏⵧⵓⵔ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵎⴻⵙⴱⴰⵏⵉⵢⵉⵏ ⵏ 11 ⴷⵓⵊⴻⵎⴱⴻⵕ 1960 ⴽⴻⵎⵎⵍⴻⵏⵜ ⴰⵔⵎⵉ ⴷ ⵢⴻⵏⵏⴰⵢⴻⵔ ⵏ 1961 ⵢⴻⵔⵏⴰ « ⵇⴻⴷⴷⵎⴻⵏⵜ-ⴷ ⵉⵎⴻⵏⵖⵉ ⵏ ⵢⵉⴷⵣⴰⵢⵔⵉⵢⴻⵏ ⵉ ⵓⵎⴰⴹⴰⵍ ⵙ ⵜⵖⴻⵎⵙⴰ ⵜⴰⴳⵔⴰⵖⵍⴰⵏⵜ ⴰⵢ ⴷ-ⵢⵓⵙⴰⵏ ⴰⴷ ⴷ-ⵜⵅⴻⴱⴱⴻⵔ ⵖⴻⴼ ⵜⴻⵔⵣⵉ ⵏ ⵓⵙⴻⵍⵡⴰⵢ ⴰⴼⵕⴻⵏⵙⵉⵙ ».
ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵜⵉⵎⴻⵙⴱⴰⵏⵉⵢⵉⵏ-ⴰ ⴰⵢ ⴷ-ⵢⴻⴱⴷⴰⵏ ⴷⴻⴳ ⵄⵉⵏ ⵜⵉⵎⵓⵛⴻⵏⵜ ⵣⴻⵔⵄⴻⵏⵜ ⴷⴻⴳ ⵡⴰⵟⴰⵙ ⵏ ⵜⴻⵎⵏⴰⴹⵉⵏ ⵏⵉⴹⴻⵏ ⵏ ⵜⵎⵓⵔⵜ ⵢⴻⵔⵏⴰ ⵍⵍⴰⵏⵜ-ⴷ ⵙ ⵓⵙⵙⵓⴷⴷⴻⵙ (ⵜⴰⵏⴹⵉⵎ).
