ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴻⵥⵔⵓⴼ ⵓⵜⵔⵉⵎ: « ⵜⵓⵎⴰⵔ » ⵍⴻⵣⵣⴰⵢⴻⵔ ⵙ ⵓⴱⵟⴰⵍ ⵏ ⵍⵓⴼⴻⵇ ⵏ ⵜⴼⴻⵍⵍⴰⵃⵜ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – « ⵜⵓⵎⴰⵔ » ⵍⴻⵣⵣⴰⵢⴻⵔ ⵙ ⵓⴱⵟⴰⵍ ⴰⵢ ⵢⴻⴱⵟⴻⵍ ⵛⵛⵕⴻⵄ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴰⵙⵙ ⵏ ⵍⴻⵅⵎⵉⵙ ⴰⵎⵜⴰⵡⴰ-ⵏⵏⵉ ⵏ ⵜⵜⴰⵕⴰ ⵜⵉⵍⴻⵍⵍⵉⵜ ⵏ ⵍⵖⴻⵍⵍⴰⵜ ⵏ ⵜⴼⴻⵍⵍⴰⵃⵜ ⴷ ⵢⵉⵙⴻⵍⵎⴰⵏ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷⴻⴳ ⵎⴻⵖⵔⴻⵙ ⵏ 2012 ⵉⵎⵉ ⵓⵍⴰ ⴷ ⵍⵖⴻⵍⵍⴰⵜ ⴰⵢ ⴷ-ⵢⴻⵜⵜⴻⴽⴽⴻⵏ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ ⵢⴻⵔⵣⴰⵏ-ⵜⴻⵏⵜ ⵓⵎⵜⴰⵡⴰ-ⴰ.

« ⵜⵓⵎⴰⵔ ⵍⴻⵣⵣⴰⵢⴻⵔ ⵎⵉ ⵜⵜ-ⵉⴷ-ⵢⴻⵡⵡⴻⴹ ⵢⵉⵙⴰⵍⵉ ⵏ ⵕⵕⴰⵢ ⵏ ⵛⵛⵕⴻⵄ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⵉ ⵓⴱⵟⴰⵍ ⵏ ⵓⵖⵜⴰⵙ (ⵇⴰⵔⴰⵔ) ⵏ ⵓⵙⴻⵇⵇⴰⵎⵓ ⵓⵕⵓⴼⵉ ⵏ 8 ⵎⴻⵖⵔⴻⵙ 2012 ⵢⴻⵔⵣⴰⵏ ⴰⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵜⴼⴻⵍⵍⴰⵃⵜ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵜⴳⴻⵍⴷⴰ ⵏ ⵎⴻⵕⵕⵓⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ).

ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⴰⴱⵟⴰⵍ-ⴰ ⵢⴻⵍⵍⴰ-ⴷ ⵙ ⵓⵇⴰⴷⴻⵔ ⵏ ⵕⵕⴰⵢ ⵏ ⵓⵛⵉⵡⴻⵕ ⵏ ⵛⵛⵕⴻⵄ ⴰⴳⵔⴰⵖⵍⴰⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵏ 16 ⵜⵓⴱⴻⵕ 1975, ⵢⴻⵔⵏⴰ ⵛⵛⵕⴻⵄ ⵏ ⵜⴷⵓⴽⵍⵉ ⵜⵓⵕⵓⴼⵉⵜ « ⵉⵇⵓⴷⴻⵔ, ⵜⵉⴽⴽⴻⵍⵜ ⵏⵉⴹⴻⵏ, ⵍⵇⴰⵏⵓⵏ ⴰⴳⵔⴰⵖⵍⴰⵏ ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵔⴰ ⵜⴰⵖⴷⴻⵎⵜ ⵉ ⵓⵖⵔⴻⴼ ⵏ ⵓⵏⴻⵥⵔⵓⴼ ⵓⵜⵔⵉⵎ (ⵢⴻⵜⵜⵡⴰⴹⴹⴼⴻⵏ) ».

ⵙ ⵕⵕⴰⵢ-ⴰ, ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⵛⵛⵕⴻⵄ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⴰⴽⴽⴻⵏ ⴰⵏⴻⵥⵔⵓⴼ ⵓⵜⵔⵉⵎ ⴷ « ⴰⴽⴰⵍ ⵓⵔ ⵢⴻⵙⵄⵉⵏ ⵜⴰⴼⵓⵍⵎⴰⵏⵜ (ⵃⵓⴽⵎ ⴷⴰⵜⵉ) ⴰⴽⴽⴻⵏ ⴰⵢ ⵜ-ⵉⴷ-ⵙⵙⴻⴼⵔⴰⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⵜⴻⵜⵜⵖⵉⵎⵉ-ⴷ ⴷ ⵜⴰⴳⴻⵏⵙⴰⵙⵜ (ⵎⵓⵎⴰⵜⵜⵉⵍ) ⵜⵓⵣⵔⵉⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵔⵏⴰ ⴰⵖⴻⵍⵍⴻⵜ ⴰⵢ ⵜⴻⵜⵜⵖⴻⵍⵍⵉⵜ ⵜⵏⴻⵣⵎⴰⵔⵜ ⵏ ⵜⵓⴹⴹⴼⴰ (ⵎⴻⵕⵕⵓⴽ) ⵜⵉⵖⴱⵓⵍⴰ ⵜⵉⴳⴰⵎⴰⵏⵉⵏ ⵏ ⵡⴰⴽⴰⵍ-ⴰ ⵢⴻⴼⴼⴻⵖ ⵉ ⵍⵇⴰⵏⵓⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.

« ⵕⵕⴰⵢ ⵏ ⵛⵛⵕⴻⵄ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⵢⴻⵙⵙⴽⴰⵏⴰⵢ-ⴷ ⴷⴰⵖ ⴷ ⴰⴽⴽⴻⵏ ⵢⵓⴳⵉ ⵙ ⵜⵉⴷⴻⵜ ⵜⴰⵙⴻⵔⵜⵉⵜ ⵏ ⵜⵉⴳⴰⵡⵜ ⵢⴻⴼⵔⴰⵏ ⵢⴻⵔⵏⴰ ⵢⴻⵙⵎⴻⴽⵜⴰⵢ-ⴷ ⴷ ⴰⴽⴽⴻⵏ ⴷ ⵍⵡⴰⵊⴻⴱ ⵢⴻⵔⵏⴰ ⵢⴻⵜⵜⵡⴰⵃⴻⵜⵜⴻⵎ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⴰⴷ ⵉⵇⴰⴷⴻⵔ ⵍⵇⴰⵏⵓⵏ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.