ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴼⵕⴰⵏⵙⴰ ⴷ ⵍⵓⵕⴷⵓⵏ ⵃⴻⴱⵙⴻⵏ ⵜⴰⵙⴻⵖⵔⵓⵜ ⵉ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⵙⴻⵖⵔⵓⵜ (ⵜⴰⵚⵔⵉⵃ) ⴰⵢ ⵜⴻⵍⵍⴰ ⵜⴻⵜⵜⴻⴷⴷⵓ ⴰⴷ ⵜⵜ-ⵉⴷ-ⵜⴻⵙⵙⵓⵎⴻⵔ ⵜⵙⴻⵍⵡⵉⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⴼⴻⵔⵔⵓ ⴰⵙⴻⵔⵜⵉ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵓⴳⵉⵏⵜ-ⵜⵜ ⴼⵕⴰⵏⵙⴰ ⴷ ⵍⵓⵕⴷⵓⵏ, ⵢⴻⵔⵏⴰ ⵢⴻⵙⵙⴻⵔⴼⴰ ⵡⴰⵢⴰ ⴰⴳⴻⵏⵙⴰⵙ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵀⵎⴻⴷ ⴱⵧⵓⴽⵀⴰⵔⵉ.
« ⵜⴰⵙⴻⵖⵔⵓⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⴰⵢ ⵜⴻⵙⵙⵓⵜⴻⵔ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴰⵙⵙ ⵏ ⵍⵃⴻⴷⴷ ⵢⴻⵣⵔⵉⵏ ⵖⴻⴼ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⵓⴳⵉⵏⵜ-ⵜⵜ ⴼⵕⴰⵏⵙⴰ ⴷ ⵍⵓⵕⴷⵓⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⴽⵀⴰⵔⵉ, ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⵔⴻⴳⵍⴻⵏⵜ ⴰⴱⵔⵉⴷ ⵉ ⵍⴽⴰⵖⴻⴹ-ⴰ ⵓⵏⵚⵉⴱ ⴰⵢ ⴷ-ⵢⴻⵍⵍⴰⵏ ⵙ ⵓⵎⵙⴻⴼⵀⴰⵎ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵖⴻⴼ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵎ ⴰⵢ ⵜⴻⴹⴹⴻⴼ ⵎⴻⵕⵕⵓⴽ.
ⵢⴻⵏⵏⴰ-ⴷ ⵎⴰⵙⵙ ⴱⵧⵓⴽⵀⴰⵔⵉ ⴰⵢⴰ ⴰⵙⵙ ⵏ ⵍⴰⵕⴻⴱⵄⴰ ⴷⴻⴼⴼⵉⵔ ⵜⴻⵎⵍⵉⵍⵉⵜ ⴰⵢ ⵉⴳⴰ ⵓⵎⴰⵣⵓⵏ ⵓⴷⵎⴰⵡⴰⵏ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵏⴻⵥⵔⵓⴼ ⵓⵜⵔⵉⵎ, ⵛⵀⵔⵉⵙⵜⵧⵒⵀⴻⵔ ⵔⵧⵙⵙ, ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴱⴷⴰⵎⵎⴰⵙⵜ (ⵡⴰⵙⴰⵟⴰ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵎⴻⵏⴷ ⵏ ⴼⴻⵔⵔⵓ ⵓⵖⴷⵉⵎ, ⴰⴷⵓⵎⴰⵏ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⴼⵕⴰⵏⵙⴰ (ⴰⵢ ⵉⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵎⴻⵕⵕⵓⴽ ⴷⴻⴳ ⵜⵓⴹⴹⴼⴰ ⴰⵢ ⵜⴻⴹⴹⴻⴼ ⴰⵏⴻⵥⵔⵓⴼ ⵓⵜⵔⵉⵎ) ⴷ ⵍⵓⵕⴷⵓⵏ « ⴱⵖⴰⵏⵜ ⴰⴷ ⵜⴻⵇⵇⵉⵎ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⵓⴼⴼⵉⵔⵜ. ⵓⵔ ⴱⵖⵉⵏ ⴰⵙⴽⴰⵙⵉ (ⵏⵉⵇⴰⵛ) ⴰⵏⴰⴳⴷⵓⴷ » ⵡⴰⵍⴰ ⴽⵔⴰ ⵏ ⵛⵛⵖⴻⵍ ⴰⴷ ⵢⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵉ ⴼⴻⵔⵔⵓ ⵏ ⵜⴰⵍⵓⴼⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵉ ⵓⵙⵎⴻⴽⵜⵉ, ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵢⴻⵙⵄⴰ ⴰⵣⵔⴻⴼ ⴰⴷ ⴷ-ⵢⴻⵙⵙⵓⴼⴼⴻⵖ ⵜⴰⵙⴻⵖⵔⵓⵜ ⵜⴰⵙⴻⵍⵡⴰⵢⴰⵏⵜ ⴰⵢⴷⴻⴳ ⴰⴷ ⵢⴻⴱⴷⴻⴷ ⵙ ⵍⴵⴻⵀⴷ ⵖⴻⵔ ⵢⵉⴷⵉⵙ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵢⴻⵙⵙⵓⵜⵔⴻⵏ, ⴰⵙⵙ ⵏ 4 ⵏⵡⴻⵎⴱⴻⵕ ⵢⴻⵣⵔⵉⵏ ⵙⴻⴳ ⵎⴻⵕⵕⵓⴽ ⴷ ⵒⵧⵍⵉⵙⴰⵔⵉⵧ ⴰⴷ ⵓⵖⴰⵍⴻⵏⵜ ⵖⴻⵔ ⵍⴻⵎⵛⴰⵡⵕⴰⵜ ⵜⵓⵙⵔⵉⴷⵉⵏ ⵏ ⵜⵉⴷⴻⵜ ⴰⴽⴽⴻⵏ ⴰⴷ ⴼⵔⵓⵏⵜ ⵜⴰⵍⵓⴼⵜ-ⴰ ⵙ ⵓⵇⴰⴷⴻⵔ ⵏ ⵓⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⴰⵍ-ⵎⴰⵚⵉⵔ).
