ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵙⵃⴰⵙⵙⴻⴼ ⵎⴻⵙⵙⴰⵀⴻⵍ ⵖⴻⴼ ⵍⴻⵅⵚⴰⵚ ⵏ ⵓⵙⵙⴻⴼⵜⵉ ⵏ ⵜⴷⵓⴽⵍⵉ ⵜⵓⵕⵉⴼⵉⵜ ⴷⴻⴳ ⵜⵎⵓⵔⴰ ⵏ ⵓⵏⵥⵓⵍ

ⵕⵓⵎⴰ – ⵢⴻⵙⵃⴰⵙⵙⴻⴼ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴰⵙⵙ ⵏ ⵙⵙⴻⴱⵜ ⴷⴻⴳ ⵕⵓⵎⴰ ⵖⴻⴼ ⵍⴻⵅⵚⴰⵚ ⵏ ⵓⵙⵙⴻⴼⵜⵉ ⵓⵙⵔⵉⴷ ⴰⵡⴻⵔⴷⴰⵏⵉ (ⴰⴱⴻⵕⵕⴰⵏⵉ) ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴷⴻⴳ ⵜⵎⵓⵔⴰ ⵏ ⵓⵣⵖⴰⵔ (ⴵⴰⵏⵓⴱ).

ⴰⵙⵙⴻⴼⵜⵉ ⵓⵙⵔⵉⴷ ⴰⵡⴻⵔⴷⴰⵏⵉ ⵏ « ⵜⵎⵓⵔⴰ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴷⴻⴳ ⵓⴳⴻⵎⵎⴰⴹ ⴰⵏⵥⵓⵍⴰⵏ (ⴵⴰⵏⵓⴱⵉ) ⵎⴰⵣⴰⵍ-ⵉⵜ ⵉⵅⵓⵚⵚ ⴰⵟⴰⵙ, ⴱⵉⵜⵜ ⵓⵔ ⵉⵣⴰⴷ ⵡⴰⵔⴰ ⴰⴽⴽ, ⵓⵍⴰ ⵎⴰ ⵍⵍⴰⵏ-ⴷ ⴰⵟⴰⵙ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵉ ⵡⴰⵏⴻⵛⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴻⵙⵙⴰⵀⴻⵍ ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ ⴷⴻⴳ ⵓⵙⴰⵔⴰⴳ ⵏ ⵢⵉⴷⵉⵡⴻⵏⵏⵉⵢⴻⵏ ⵉⴳⵔⴰⴽⴰⵍⴰⵏⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵕⵓⵎⴰ ⴳⴰⵔ 10 ⴷ 12 ⴷⵓⵊⴻⵎⴱⴻⵕ.

ⴳⴰⵔ ⵡⵓⵙⵙⵉⵙⴻⵏ ⴰⵢ ⴳⴰⵏⵜ ⵜⵎⵓⵔⴰ ⵏ ⵓⴳⴻⵎⵎⴰⴹ ⴰⵏⵥⵓⵍⴰⵏ, ⵢⴻⴱⴷⴻⵔ-ⴷ ⵎⴰⵙⵙ ⵎⴻⵙⵙⴰⵀⴻⵍ « ⵜⵉⵙⴻⵎⵎⴻⵙⴽⴰⵍ (ⵉⵚⵍⴰⵃⴰⵜ) ⵜⵉⴷⴰⵎⵙⴰⵏⵉⵏ ⴷ ⵜⵙⵓⴷⴰⵏⵉⵏ, ⴰⵙⵙⴻⵍⵀⵓ ⵏ ⵜⵡⴻⵏⵏⴰⴹⵜ ⵜⴰⴷⴰⵎⵙⴰⵏⵜ, ⴽⵔⴰ ⵏ ⵢⵉⵙⵙⴻⴼⵜⵉⵢⴻⵏ ⴷ ⵉⵎⴻⵇⵔⴰⵏⴻⵏ, ⴰⴽⴽⴻⵏ ⴰⵢ ⵍⴰ ⵜⴻⵜⵜⴻⴳ ⵜⵎⵓⵔⵜ-ⵉⵏⵓ (ⵍⴻⵣⵣⴰⵢⴻⵔ) ⴷⴻⴳ ⵜⴷⵓⵎⵚⵓⴽⵉⵡⵉⵏ (ⴱⵓⵏⴰ ⵜⴰⵃⵜⵉⵢⵢⴰ) ⵏ ⵍⵍⵙⴰⵙ, ⵢⴻⵔⵏⴰ ⴰⵢⴰ ⴰⴽⴽ ⵢⴻⵜⵜⵡⴻⴳ ⵉ ⵍⵎⴻⵏⴷ ⵏ ⵓⵊⴱⴰⴷ ⵏ ⵢⵉⵎⵙⴻⴼⵜⵉⵢⴻⵏ ».

ⴷ ⴰⵛⵓ ⴽⴰⵏ, ⵉⴳⴻⵔ-ⴷ ⵜⴰⵎⴰⵡⵜ ⴷ ⴰⴽⴽⴻⵏ « ⵎⴰⵣⴰⵍ ⵢⴻⵍⵍⴰ ⵓⵎⴳⴻⵔⵔⴰⴷ ⴰⴷⴰⵎⵙⴰⵏ ⴷ ⴰⵎⴻⵇⵔⴰⵏ, ⴱⵉⵜⵜ ⵓⵍⴰ ⴷ ⵜⴰⵔⴳⴰⴷⴷⴰ (ⵍⴰⵎⵓⵙⴰⵡⴰⵜ) ⵎⴰⵣⴰⵍ-ⵉⵜⵜ ⵍⴰ ⵜⴻⵜⵜⵉⵎⵖⵓⵔ » ⴳⴰⵔ ⵜⵎⵓⵔⴰ ⵏ ⵓⴳⴻⵎⵎⴰⴹ ⵏ ⵓⴳⴰⴼⴰ ⴷ ⵡⵉⵏ ⵏ ⵓⵏⵥⵓⵍ ⵏ ⵢⵉⵍⴻⵍ ⴰⴳⵔⴰⴽⴰⵍ.

ⵢⴻⵏⵏⴰ-ⴷ ⵎⴰⵙⵙ ⵎⴻⵙⵙⴰⵀⴻⵍ, ⵙⴻⴳ ⵢⵉⴷⵉⵙ ⵏⵉⴹⴻⵏ ⴷ ⴰⴽⴽⴻⵏ ⵜⵉⴷⴰⵎⵙⵉⵡⵉⵏ ⵏ ⵓⵏⵥⵓⵍ ⵏ ⵢⵉⵍⴻⵍ ⴰⴳⵔⴰⴽⴰⵍ « ⵓⵔ ⵙⵜⴻⵇⵏⴰⵄⴻⵏⵜ ⴰⵔⴰ ⵙ ⵡⴰⵙⵙⴰⵖ ⴰⴷⴰⵎⵙⴰⵏ ⴰⵢⴷⴻⴳ ⴰⴷ ⴷ-ⵢⵉⵍⵉ ⴰⵍⴰ ⵓⵎⴱⴰⴷⴷⴻⵍ ⴷⴻⴳ ⵜⵜⵊⴰⵕⴰ ».

ⴷⵖⴰ ⵢⴻⵏⵏⴰ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷ ⴰⴽⴽⴻⵏ « ⴰⵙⵙⴻⴼⵜⵉ ⴷⴻⴳ ⵓⵏⵔⴰⵔ ⵏ ⵓⴼⴰⵔⴻⵙ (ⵉⵏⵜⴰⴵ) ⴷ ⵏⴻⵜⵜⴰ ⴰⵢ ⴷ ⵛⵛⴻⵔⴹ ⴰⵢⵖⴻⴼ ⵓⵍⴰⵛ ⵜⴰⵔⴻⵡⵍⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⵓⴼⴼⴻⵖ ⵏ ⵓⵙⵙⵉⵔⴻⵎ ⵏ ⵢⵉⵖⴻⵔⴼⴰⵏ-ⵏⵏⴻⵖ ⵖⴻⵔ ⵜⵉⴷⴻⵜ, ⵢⴻⵔⵏⴰ ⴷ ⴰⵢⴰ ⴽⴰⵏ ⴰⴷ ⵉⴹⴻⵎⵏⴻⵏ ⴰⵇⴻⵢⵢⴻⵎ ⵏ ⵜⴻⵖⴱⵓⵍⴰ-ⵏⵏⴻⵖ ⵜⵉⴳⴰⵎⴰⵏⵉⵏ (ⵎⴰⵡⴰⵔⵉⴷ ⵟⴰⴱⵉⵄⵉⵢⵢⴰ), ⴰⴷ ⴷ-ⵢⴻⵙⵙⵉⴷⴻⴼ ⵍⴼⴰⵢⴷⴰ ⴰⴷ ⴷ-ⵢⴻⴳⵍⵓⵏ ⵙ ⵜⵉⵎⵎⴻⵕⴽⴰⵏⵜⵉⵜ ⵢⴻⵔⵏⴰ ⴰⴷ ⵢⴻⴹⵎⴻⵏ ⵉⵎⵓⴽⴰⵏ ⵏ ⵓⵅⴻⴷⴷⵉⵎ ⴰⵢⵖⴻⴼ ⵍⴰ ⵜⵜⵏⴰⴷⵉⵏ ⵢⵉⵍⴻⵎⵥⵉⵢⴻⵏ ⴰⵢ ⵢⴻⵙⵄⴰⵏ ⴰⵙⵡⵉⵔ ⵏ ⵜⴻⵣⵔⴰⵡⵉⵏ ⵉⴳⴻⵔⵔⵣⴻⵏ ⵓⴳⴰⵔ, ⵎⴰⵛⴰ ⵓⵔ ⵜⵓⴼⵉ ⴰⵔⴰ ⴰⵅⴻⴷⴷⵉⵎ, ⵢⴻⵔⵏⴰ ⵍⵇⴻⵍⵍⴰ ⵏ ⵓⵅⴻⴷⴷⵉⵎ ⵢⴻⵣⵎⴻⵔ ⴰⴷ ⵢⴻⵙⵡⴰⵖ ⴰⵔⴽⴰⴷ ⵏ ⵜⵎⴻⵜⵜⵉ ».