ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⵜⴻⵃⵡⴰⴵ ⵓⴳⴰⵔ ⵏ ⵢⵉⵅⴻⴷⴷⴰⵎⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵎⴻⵙⵏⵉ (ⵏⴰⵇⵍ) ⴱⵧⵓⴷⵊⴻⵎⴰ ⵜⴰⵍⴰⵉ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⵃⴻⵔⵣⴻⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵏ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⵙ ⵓⴱⵔⵉⴷ ⵏ ⵡⵓⵣⵣⴰⵍ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵔⵏⵓⵏ ⴰⴷ ⴷ-ⵏⵏⵓⵍⴼⵓⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⴷⴻⴳ ⵜⴻⵕⵎⵉⵙⵜ-ⴰ ⵖⴻⴼ ⵍⴵⴰⵍ ⵏ ⵓⵙⵙⴻⵎⵖⴻⵔ ⵏ ⵓⵥⴻⴹⴹⴰ ⴰⵖⴻⵍⵏⴰⵡ ⵏ ⵓⴱⵔⵉⴷ ⵏ ⵡⵓⵣⵣⴰⵍ.
ⴷⴻⴳ ⵓⵎⵢⴰⴳⴻⵔ-ⵏⵏⴻⵙ ⴷ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵢⵉⴱⵔⵉⴷⴻⵏ ⵏ ⵡⵓⵣⵣⴰⵍ, ⴰⵏⴷⴰ ⴰⵢ ⴷ-ⵙⵙⴰⵡⵍⴻⵏ ⵖⴻⴼ ⵢⵉⵖⴻⴱⵍⴰⵏ ⵏ ⵢⵉⵅⴻⴷⴷⴰⵎⴻⵏ ⴷ ⵢⵉⵙⵡⴰⵏ ⵡⵓⵖⵓⵔ ⵜⴻⵙⵙⴰⵔⴰⵎ ⴰⴷ ⵜⴰⵡⴻⴹ ⵜⴻⵕⵎⵉⵙⵜ-ⴰ (ⵛⴰⵔⵉⴽⴰ), ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⵓⵍⴰⵛ ⵜⵓⴳⴷⵉ ⵖⴻⴼ ⵓⵣⴻⴽⴽⴰ ⵏ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⵙ ⵓⴱⵔⵉⴷ ⵏ ⵡⵓⵣⵣⴰⵍ ⴷ ⵓⵃⵔⴰⵣ ⵏ ⵢⵉⵎⵓⴽⴰⵏ-ⵏⵏⴻⵙ ⵏ ⵓⵅⴻⴷⴷⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ ⵏ ⵓⵎⴻⵙⵏⵉ.
ⵉⵡⴻⴽⴽⴻⴷ-ⴷ ⴷⴰⵖ ⵎⴰⵙⵙ ⵜⴰⵍⴰⵉ, ⴷⴻⴳ ⵓⵎⵢⴰⴳⴻⵔ-ⴰ ⴰⵢⴷⴻⴳ ⵢⴻⵃⴷⴻⵕ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⵙ ⵓⴱⵔⵉⴷ ⵏ ⵡⵓⵣⵣⴰⵍ, ⵢⴰⵛⵉⵏⴻ ⴷⵊⴰⴱⴰⵍⵍⴰⵀ, ⴷ ⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⵢⴻⵔⵏⵓ ⵓⵅⴻⴷⴷⵉⵎ ⴰⴽⴽⴻⵏ ⴰⴷ ⴷ-ⵜⴻⵎⵢⴻⵣⴳ ⵜⴻⵕⵎⵉⵙⵜ-ⴰ ⴷ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ.
