ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⴱⴷⴻⴷ ⵏ ⵜⴽⴻⴱⴱⴰⵏⵉⵢⵉⵏ ⵜⵓⵅⵍⵉⴹⵉⵏ ⴳⴰⵔ ⵍⴻⵣⵣⴰⵢⴻⵔ ⴷ ⵉⵕⴰⵏ ⴷⴻⴳ ⵍⴻⴱⵏⵉ ⵏ ⵢⵉⴱⵔⵉⴷⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵍⴻⵣⵣⴰⵢⴻⵔ ⴷ ⵉⵕⴰⵏ ⴱⵖⴰⵏⵜ ⴰⴷ ⴷ-ⵙⴱⴻⴷⴷⴻⵏⵜ ⵜⵉⴽⴻⴱⴱⴰⵏⵉⵢⵉⵏ ⵜⵓⵅⵍⵉⴹⵉⵏ ⴷⴻⴳ ⵓⵚⴻⴳⴳⴻⵎ, ⵜⴰⵄⴻⵙⵙⴰⵙⵜ ⴷ ⵓⵙⵙⴻⴼⵇⴻⴷ ⵏ ⵢⵉⴱⵔⵉⴷⴻⵏ ⴷ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ), ⴰⴱⴷⴻⵍⴽⴰⴷⴻⵔ ⵧⵓⴰⵍⵉ.
ⵎⵉ ⵉⴼⵓⴽ ⴰⴷⵉⵡⴻⵏⵏⵉ-ⵏⵏⴻⵙ ⴷ ⵓⵏⴻⵖⵍⴰⴼ ⵉⵕⴰⵏⵉ ⵏ ⵢⵉⴱⵔⵉⴷⴻⵏ, ⴰⴱⴱⴰⵙ ⴰⴽⵀⵧⵏⴷⵉ, ⵢⴻⵏⵏⴰ-ⴷ ⵎⴰⵙⵙ ⵧⵓⴰⵍⵉ ⵉ ⵜⵖⴻⵎⵙⴰ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⴱⵖⴰ ⴰⴷ ⴷ-ⵜⴼⴰⵕⴻⵙ ⵙⴻⴳ ⵜⵜⴻⵊⵕⵉⴱⴰ ⵜⵉⵕⴰⵏⵉⵜ ⴷⴻⴳ ⵓⵏⵔⵔ-ⴰ ⵙ ⵓⵙⵙⴻⴱⴷⴻⴷ ⵏ ⵜⴽⴻⴱⴱⴰⵏⵉⵢⵉⵏ ⵜⵓⵅⵍⵉⴹⵉⵏ.
ⴰⵏⴻⵖⵍⴰⴼ-ⴰ ⵉⵕⴰⵏⵉ ⵢⵓⵙⴰ-ⴷ ⴷⴻⴳ ⵜⴻⵔⵣⵉ ⵏ ⵙⵉⵏ ⵏ ⵡⵓⵙⵙⴰⵏ ⵖⴻⴼ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵓⵏⵎⴰⵣⵓⵍ (ⵏⴰ’ⵉⴱ) ⵏ ⵓⵙⴻⵍⵡⴰⵢ ⵉⵕⴰⵏⵉ, ⴷ ⵜⵉⵔⵣⵉ ⴰⵢⴷⴻⴳ ⴰⴷ ⵜⴻⵎⵍⵉⵍ ⴷⴰⵖ ⵜⵙⴻⵇⵇⴰⵎⵓⵜ ⵜⵓⵏⵏⵉⴳⵜ ⵜⵅⵓⵍⵉⴹⵜ ⴳⴰⵔ ⵍⴻⵣⵣⴰⵢⴻⵔ ⴷ ⵉⵕⴰⵏ.
« ⵍⴻⵣⵣⴰⵢⴻⵔ ⵜⴻⴱⵏⴰ ⵓⴳⴰⵔ ⵏ 23.000 ⵏ ⵢⵉⴽⵉⵍⵓⵎⵉⵜⵔⴻⵏ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ. ⴰⵢⴻⵏ ⴰⵢ ⵏⴻⴱⵖⴰ ⵙⴻⴳ ⵢⵉⵕⴰⵏⵉⵢⴻⵏ ⵏⴻⵜⵜⴰ ⴷ ⴰⵙⵏⴻⴼⵍⵉ (ⵜⴰⵟⵡⵉⵔ) ⵏ ⵜⵜⴰⵡⵉⵍⴰⵜ ⵏ ⵓⵚⴻⴳⴳⴻⵎ ⴷ ⵜⵄⴻⵙⵙⴰⵙⵜ ⵜⴰⵍⵉⴽⵜⵕⵓⵏⴰⵏⵜ ⵏ ⵢⵉⴱⵔⵉⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⵓⴰⵍⵉ.
ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⴽⴻⴱⴱⴰⵏⵉⵢⵉⵏ-ⴰ ⴰⴷ ⴷ-ⵜⵜⵡⴰⵙⴱⴻⴷⴷⴻⵏⵜ ⵙ ⵓⵇⴰⴷⴻⵔ ⵏ ⵓⵍⵓⴳⴻⵏ-ⵏⵏⵉ ⵏ 51/49 ⵏ ⵕⴰⵙⴻⵍⵎⴰⵍ ⵢⴻⵔⵣⴰⵏ ⴰⵙⵙⴻⴼⵜⵉ ⴰⴱⴻⵕⵕⴰⵏⵉ ⴷⴻⴳ ⵍⴻⵣⵣⴰⵢⴻⵔ.
« ⴰⴷ ⵏⴻⴱⴷⵓ, ⴷⴻⴳ ⵢⴻⵏⵏⴰⵢⴻⵔ ⴰⵢ ⴷ-ⵢⴻⵜⵜⴻⴷⴷⵓⵏ, ⴰⵀⴻⵢⵢⵉ ⵏ ⵡⴰⵀⵉⵍ ⴰⵎⴰⵢⵏⵓ ⵉ ⵓⵙⵙⴻⴼⵄⴻⵍ ⵏ ⵓⵎⵄⴰⵡⴻⵏ-ⴰ ⵓⵛⵔⵉⴽ ⴷ ⵓⵙⵙⴻⴵⵀⴻⴷ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵏⴻⵖⵍⴰⴼ ⴰⵢ ⴷ-ⵉⵕⴻⴳⴳⵎⴻⵏ ⵉ ⵓⵎⵜⵉⵍ-ⵏⵏⴻⵙ ⵉⵕⴰⵏⵉ ⴷ ⴰⴽⴽⴻⵏ ⴷ ⵏⴻⵜⵜⴰ ⵙ ⵜⵉⵎⵎⴰⴷ-ⵏⵏⴻⵙ ⴰⴷ ⵉⴹⴻⴼⵔⴻⵏ ⵜⵉⵛⵛⵓⵔⴽⵉⵡⵉⵏ-ⴰ ⴰⴽⴽⴻⵏ ⴰⴷ ⵔⴻⴱⵃⴻⵏⵜ.
ⵎⴰ ⴷ ⴰⵏⴻⵖⵍⴰⴼ ⵉⵕⴰⵏⵉ ⴰⴱⴱⴰⵙ ⴰⴽⵀⵧⵏⴷⵉ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ ⵜⴻⵙⵄⴰ ⵍⴻⴱⵖⵉ ⴰⴷ ⵜⴻⵙⵙⴻⴵⵀⴻⴷ ⴰⵎⵄⴰⵡⴻⵏ ⴰⴷⴰⵎⵙⴰⵏ ⴷ ⵍⴻⵣⵣⴰⵢⴻⵔ, ⵍⴰⴷⵖⴰ ⴷⴻⴳ ⵓⵏⵔⴰⵔ ⵏ ⵢⵉⴱⵔⵉⴷⴻⵏ.
« ⵏⴻⴽⴽⵏⵉ ⵏⴻⴱⵖⴰ ⵢⴻⵔⵏⴰ ⵏⴻⵡⵊⴻⴷ ⴰⴷ ⵏⴻⵛⵔⴻⴽ ⵜⵜⴻⵊⵕⵉⴱⴰ-ⵏⵏⴻⵖ ⴷ ⵡⴰⵢⵜⵎⴰⵜⴻⵏ-ⵏⵏⴻⵖ ⵉⴷⵣⴰⵢⵔⵉⵢⴻⵏ, ⴰⵎⴰ ⴷⴻⴳ ⵓⵃⵔⵉⵛ ⵏ ⵢⵉⴱⵔⵉⴷⴻⵏ ⵏⴻⵖ ⴷⴻⴳ ⵡⴰⵢⴻⵏ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
