ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴼⴰⵢⴷⴰ ⵏ ⵓⵙⵙⴻⴼⵜⵉ ⴷⴻⴳ ⵓⵏⵥⵓⵍ ⵏ ⵍⴻⵣⵣⴰⵢⴻⵔ ⵓⵔ ⵢⴻⵃⵡⴰⴵ ⴰⵔⴰ ⵜⵜⴱⵓⵜ
ⴰⴷⵔⴰⵔ – ⵢⴻⵏⵏⴰ-ⴷ ⵏ ⵓⵙⴻⵍⵡⴰⵢ ⵏ ⵓⵏⵎⴰⴳⴻⵔ ⵏ ⵢⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ, ⴰⵍⵉ ⵀⴰⴷⴷⴰⴷ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⴰⴷⵔⴰⵔ ⴷⴰⴽⴽⴻⵏ ⵍⴼⴰⵢⴷⴰ ⵏ ⵓⵙⵙⴻⴼⵜⵉ ⴷⴻⴳ ⵓⵏⵥⵓⵍ (ⴵⴰⵏⵓⴱ) ⵏ ⵍⴷⵣⴰⵢⴻⵔ ⵓⵔ ⵢⴻⵃⵡⴰⴵ ⴰⵔⴰ ⵜⵜⴱⵓⵜ, ⵢⴻⵔⵏⴰ ⴽⵔⴰ ⵏ ⵜⴻⵎⵏⴰⴹⵉⵏ ⵙⵄⴰⵏⵜ ⵜⵉⵣⴻⵎⵎⴰⵔ ⴷ ⵜⵉⵎⴻⵇⵔⴰⵏⵉⵏ ⴷⴻⴳ ⴽⵔⴰ ⵏ ⵢⵉⵃⵔⵉⵛⴻⵏ.
ⵢⴻⵏⵏⴰ-ⴷ ⵎⴰⵙⵙ ⵀⴰⴷⴷⴰⴷ ⴰⵢⴰ ⵎⵉ ⵜⴻⵜⵜⵡⴰⵔⵥⴻⵎ ⵜⵏⴰⵔⵉⵜ (ⵎⴰⴽⵜⴰⴱ) ⵏ ⵓⵏⵎⴰⴳⴻⵔ-ⴰ ⴷⴻⴳ ⵜⵡⵉⵍⴰⵢⵜ ⵏ ⴰⴷⵔⴰⵔ, ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ « ⵜⴰⵊⴻⴱⴷⴰ ⵏ ⵓⵏⵥⵓⵍ ⴰⴷⵣⴰⵢⵔⵉ ⵓⵔ ⵜⴻⵃⵡⴰⴵ ⴰⵔⴰ ⵜⵜⴱⵓⵜ », ⵢⴻⵔⵏⴰ ⴽⵔⴰ ⵏ ⵜⴻⵎⵏⴰⴹⵉⵏ ⴰⵎ ⴰⴷⵔⴰⵔ « ⵙⵄⴰⵏⵜ ⵜⵉⵣⴻⵎⵎⴰⵔ ⴷⴻⴳ ⴽⵔⴰ ⵏ ⵢⵉⵃⵔⵉⵛⴻⵏ, ⴷ ⵜⵉⵣⴻⵎⵎⴰⵔ ⵜⵉⵙⵓⴷⴷⵙⴰⵏⵉⵏ ⵢⴻⵔⵏⴰ ⵜⵜⴻⵎⵢⴻⵙⵙⵎⴰⴷⴻⵏⵜ ⴳⴰⵔ-ⴰⵙⴻⵏⵜ, ⴰⵎ ⵜⴼⴻⵍⵍⴰⵃⵜ ⴷ ⵜⴻⵥⵡⴻⵔⵜ (ⵟⴰⵇⴰ), ⵜⴰⵎⴻⵔⵔⵉⵜ (ⵙⵉⵢⴰⵃⴰ) ⴷ ⵢⵉⴷⵍⴻⵙ ».
ⵙ ⵡⴰⵢⴰ, ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵏⴰⴷⵉ ⵖⴻⴼ ⵡⴰⵎⴻⴽ ⴰⴷ ⵜⵜⵡⴰⵙⵏⴻⴼⵍⵉⵏⵜ (ⵜⵓⵟⴰⵡⵡⴰⵔ) ⵜⴻⵙⵏⴰⵜⵡⵉⵍⵉⵏ (ⵜⵉⴽⵏⵓⵍⵓⴵⵉⵢⵢⴰⵜ) ⵜⵉⵏⴰⵥⵉⵢⵉⵏ ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵓⵎⴻⴷⵅⵓⵍ ⵏ ⵜⵣⴻⵎⵎⴰⵔ ⵏ ⵜⴻⵎⵏⴰⴹⵜ-ⴰ ⴷⴻⴳ ⵜⴼⴻⵍⵍⴰⵃⵜ ⴷ ⵓⵖⴻⵍⵍⴻⵜ ⵏ ⵡⴰⵎⴰⵏ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴷⴻⴳ ⵜⴳⴰⵔⴰ ⵏ ⵜⴳⴻⵔⵎⴰⵏⵜ-ⵏⵏⴻⵙ (ⵎⵓⴷⴰⵅⴰⵍⴰ), ⵢⴻⵏⵏⴰ-ⴷ ⵎⴰⵙⵙ ⵀⴰⴷⴷⴰⴷ ⴷⴰⴽⴽⴻⵏ ⵓⵔ ⵜⴻⵣⵎⵉⵔ ⴰⵔⴰ ⴰⴷ ⴷ-ⵜⵉⵍⵉ ⵜⵏⴻⴼⵍⵉⵜ ⵜⴰⴷⴰⵎⵙⴰⵏⵜ ⵡⴰⵔ ⵎⴰ ⵜⴻⵍⵍⴰ-ⴷ ⵜⵏⴻⴼⵍⵉⵜ ⵜⴰⴷⵉⴳⴰⵏⵜ (ⵎⴰⵃⴰⵍⵍⵉⵢⵢⴰ), ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵡⵡⴻⴹ-ⴷ ⵡⴰⴽⵓⴷ ⴰⴽⴽⴻⵏ ⴰⴷ ⵜⴻⵜⵜⵡⴰⵔⵥⴻⵎ ⵜⴻⵡⵡⵓⵔⵜ ⵉ ⵡⴰⴽⴽ ⵉⴷⵣⴰⵢⵔⵉⵢⴻⵏ ⴷ ⵜⴷⵣⴰⵢⵔⵉⵢⵉⵏ ⴰⴽⴽⴻⵏ ⴰⴷ ⴷ-ⵙⵙⴻⴽⵏⴻⵏ ⵜⵉⵎⵓⵙⵙⵏⵉⵡⵉⵏ-ⵏⵙⴻⵏ, ⵎⴰ ⴷ ⵜⵉⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⴷⵣⴰⵢⵔⵉⵢⵉⵏ, ⵢⴻⵙⵙⴻⴼⴽ ⴰⴷ ⵓⵖⴰⵍⴻⵏⵜ ⴷ ⵜⵜⴰⵡⵉⵍ ⵉ ⵍⴻⴱⵏⵉ ⵏ ⵜⴰⵍⵍⵉⵜ ⵜⴰⵎⴰⵢⵏⵓⵜ.
