ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵎⴻⵏⵖⵉ ⵎⴳⴰⵍ ⵓⵙⵙⴻⵔⵡⴻⵍ ⵏ ⵙⵙⴻⵍⵄⴰ: ⴰⴼⴻⵜⵜⴻⵛ ⵏ ⵢⵉⵅⵅⴰⵎⴻⵏ ⴷⴻⴳ ⴷⴻⴱⴷⴰⴱ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⴷⴰⴽⴽⴻⵏ ⵉⵎⴻⵥⵍⴰ ⵏ ⵜⵖⴻⵍⵍⵉⵙⵜ (ⴰⵎⵏ) ⴼⴻⵜⵜⵛⴻⵏ ⵉⵅⵅⴰⵎⴻⵏ ⵏ ⴽⵔⴰ ⵏ ⵢⵉⵎⴷⴰⵏⴻⵏ ⴰⵢ ⵢⴻⵜⵜⵡⴰⵙⵙⵏⴻⵏ ⵙ ⵓⵜⵜⴻⴽⴽⵉ-ⵏⵙⴻⵏ ⴷⴻⴳ ⵓⵙⵙⴻⵔⵡⴻⵍ ⵏ ⵙⵙⴻⵍⵄⴰ ⴷⴻⴳ ⵜⴰⴷⴷⴰⵔⵜ ⵏ ⵎⵔⵉⴽⵙⴰⵏ, ⴷⴻⴳ ⵜⵖⵉⵡⴰⵏⵜ ⵏ ⴷⴻⴱⴷⴰⴱ ⴰⵢ ⴷ-ⵢⵓⵙⴰⵏ ⵖⴻⴼ ⵜⵍⵉⵙⴰ ⵜⵉⴷⵣⴰⵢⵔⵉⵢⵉⵏ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⵙ « ⵓⵇⴰⴷⴻⵔ ⵏ ⵍⵇⴰⵏⵓⵏ ⵢⴻⵔⵏⴰ ⵡⴰⵔ ⵜⵓⴼⴼⵖⴰ ⵉ ⵓⴱⵔⵉⴷ».
« ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⴷⴰⴽⴽⴻⵏ ⵉⵎⴻⵥⵍⴰ ⵏ ⵜⵖⴻⵍⵍⵉⵙⵜ, ⴷⴻⴳ ⵓⴽⴰⵜⴰⵔ ⵏ ⵍⴻⵛⵖⴰⵍ-ⵏⵙⴻⵏ ⵢⴻⵔⵏⴰ ⵙ ⵍⴻⵡⵚⴰⵢⴰ ⵏ ⵢⵉⵎⵡⴻⴽⴽⴻⵍ ⵏ ⵜⴻⴳⴷⵓⴷⴰ, ⴼⴻⵜⵜⵛⴻⵏ ⵉⵅⵅⴰⵎⴻⵏ ⵏ ⴽⵔⴰ ⵏ ⵢⵉⵎⴷⴰⵏⴻⵏ ⴰⵢ ⵢⴻⵜⵜⵡⴰⵙⵙⵏⴻⵏ, ⵓⵇⴱⴻⵍ, ⵙ ⵓⵜⵜⴻⴽⴽⵉ-ⵏⵙⴻⵏ ⴷⴻⴳ ⵍⴻⵛⵖⴰⵍ ⵏ ⵓⵙⵙⴻⵔⵡⴻⵍ ⵏ ⵙⵙⴻⵍⵄⴰ ⴷⴻⴳ ⵜⴻⵎⵏⴰⴹⵜ-ⴰ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⵙ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵢⴻⵔⵏⴰ ⵡⴰⵔ ⵜⵓⴼⴼⵖⴰ ⵉ ⵓⴱⵔⵉⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ).
ⵢⴻⵏⵏⴰ-ⴷ ⵓⵖⵍⵉⴼ ⴰⵢⴰ ⴷⴻⴼⴼⵉⵔ ⵎⴰ ⵢⴻⵏⵏⴰ-ⴷ ⵢⵉⵡⴻⵏ ⵏ ⵓⵎⴰⵙⵍⴰⴹ (ⵄⵓⴹⵡ) ⵏ ⵓⵙⵉⵏⴰ ⵏ ⵜⵡⵉⵍⴰⵢⵜ ⵏ ⵉⵍⵉⵣⵉ, ⴰⴱⴱⴻⵙ ⴱⵧⵓⴰⵎⴰⵎⴰ, ⵉ ⴽⵔⴰ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴷⴰⴽⴽⴻⵏ « ⵢⴻⵜⵜⵡⴰⵍⵉ ⴰⵢⴻⵏ ⴰⵢ ⴳⴰⵏ ⴽⵔⴰ ⵏ ⵢⵉⵎⴻⵙⵜⵓⵍⴻⵏ (ⴷⴰⵔⴰⴽⵉⵢⵢⵉⵏ) ⴷⴻⴳ ⵓⴼⴻⵜⵜⴻⵛ ⵏ ⵢⵉⵅⵅⴰⵎⴻⵏ ⴷⴻⴳ ⵜⴰⴷⴷⴰⵔⵜ ⵏ ⵎⵔⵉⴽⵙⴰⵏ ⴷ ⴰⵏⴱⴰⵛ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⵎⴻⵏⵏⵓⵖ ⴳⴰⵔ ⵢⵉⵎⴻⵙⵜⵓⵍⴻⵏ ⴷ ⴽⵔⴰ ⵏ ⵢⵉⵍⴻⵎⵥⵉⵢⴻⵏ ».
ⵢⴻⵏⵏⴰ-ⴷ ⴷⴰⵖ ⵓⵖⵍⵉⴼ ⴷⴰⴽⴽⴻⵏ ⵍⴻⵛⵖⴰⵍ-ⴰ « ⵙⵙⴰⵡⴹⴻⵏ ⵖⴻⵔ ⵓⵃⴱⴰⵙ ⵏ ⴽⵔⴰ ⵏ ⵍⴻⵛⵖⴰⵍ ⵏ ⵢⵉⵎⵙⴻⵜⵜⵉⵢⴻⵏ (ⵎⵓⵀⴰⵔⵔⵉⴱⵉⵏ) ⴷ ⵓⵙⵙⴻⴵⵀⴻⴷ ⵏ ⵍⵃⴻⵕⵙ ⴼⴻⵍⵍ-ⴰⵙⴻⵏ, » ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⴽⵔⴰ ⵏ ⵢⵉⵍⴻⵎⵥⵉⵢⴻⵏ ⴰⴷ ⴷ-ⴰⵡⵉⵏ ⵜⵉⴽⵍⵉ ⵢⴻⴼⴼⵖⴻⵏ ⵉ ⵓⴱⵔⵉⴷ ⵡⴰⵔ ⵎⴰ ⵜⴻⵔⵔⴰ ⵜⵎⴰⵔⴰ.
« ⴷⴻⴼⴼⵉⵔ ⵎⴰ ⴳⴰⵏ ⵢⵉⴷⵓⴱⴰ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵜⴰⵙⴻⵙⵜⴰⵏⵜ (ⵜⴰⵃⵇⵉⵇ) ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴷⴷⵉⵄⴰⵢⴰⵜ ⵏ ⵓⵙⵙⴻⵇⴷⴻⵛ ⵏ ⵢⵉⵖⵉⵍ, ⵡⴻⴽⴽⴷⴻⵏ-ⴷ ⵢⵉⵎⴷⴰⵏⴻⵏ ⵢⴻⵜⵜⵡⴰⵇⴰⴷⴰⵔⴻⵏ ⴷⴻⴳ ⵜⴻⵎⵏⴰⴹⵜ-ⴰ, ⵙ ⵜⵉⵔⴰⵡⵜ, ⵎⵉ ⵎⵍⴰⵍⴻⵏ ⴷ ⵓⵎⴻⵏⵣⴰⴹ ⵏ ⵓⵃⵔⵉⵛ ⴰⵎⴻⵀⵍⴰⵏ ⵏ ⵉⵏ ⴰⵎⴻⵏⵏⴰⵙ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 4) ⴷⴰⴽⴽⴻⵏ ⵉⵎⴻⵙⵜⵓⵍⴻⵏ ⴳⴰⵏ ⵛⵛⵖⴻⵍ-ⵏⵙⴻⵏ ⵙ ⵓⵇⴰⴷⴻⵔ ⵏ ⵚⵚⴻⵏⵄⴰ ⴷ ⵍⵇⴰⵏⵓⵏ, ⵢⴻⵔⵏⴰ ⴰⵢⴰ ⵢⴻⵃⵔⴻⵣ ⵉⵖⴻⵔⵎⴰⵏⴻⵏ (ⵎⵓⵡⴰⵟⵉⵏⵉⵏ) ⴷ ⵡⴰⵢⵍⴰ-ⵏⵙⴻⵏ ⵙⴻⴳ ⵓⵙⵙⴻⵅⵚⴻⵔ ⴷ ⵜⵔⵓⵥⵉ ⵏ ⵢⵉⵎⴻⵙⴱⴰⵏⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.
