ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⴻⵍⵍⴰⵍ ⴷⴻⴳ ⵙⵟⵉⴼ: ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵃⴽⴻⵎ ⵜⴻⴳⵏⵉⵜ ⵏ ⵜⵎⵓⵔⵜ ⵉ ⵍⴻⴱⵏⵉ ⵏ ⵜⴷⴰⵎⵙⴰ ⵉⴵⴻⵀⴷⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⴰⵙⵙ ⵏ ⵙⵙⴻⴱⵜ ⴷⴻⴳ ⵙⴹⵉⴼ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⵃⴽⴻⵎ ⵜⴰⴳⵏⵉⵜ ⴰⵢⴷⴻⴳ ⵜⴻⵍⵍⴰ ⵜⴷⴰⵎⵙⴰ ⴰⵙⵙ-ⴰ, ⴷ ⴰⵛⵓ ⴽⴰⵏ, ⴰⵛⵇⵉⵔⵔⴻⵡ ⵏⴻⵜⵜⴰ ⴷ ⴼⴻⵔⵔⵓ ⵏ ⵜⴻⵣⵖⵉⵏⵜ-ⴰ (ⴰⵣⵎⴰ) ⵜⴰⴷⴰⵎⵙⴰⵏⵜ ⵙ ⵍⴻⴱⵏⵉ ⵏ ⵜⴷⴰⵎⵙⴰ « ⵉⴵⴻⵀⴷⴻⵏ ⵢⴻⵔⵏⴰ ⵜⴻⵜⵜⴰⵏⴻⵡⵡⴻⵄ ».
ⵙ ⵡⴰⵢⴰ, ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⵙⴻⵍⵍⴰⵍ, ⵍⴻⵣⵣⴰⵢⴻⵔ « ⵜⴻⵃⴽⴻⵎ » ⵜⴰⴳⵏⵉⵜ ⵢⴻⵔⵏⴰ ⵢⴻⵙⵙⴻⴼⴽ « ⴰⴷ ⵢⴻⵜⵜⵡⴰⵀⴻⴷⴷⴻⵏ » ⵓⵖⵔⴻⴼ, ⴰⵛⴽⵓ ⵜⴰⵙⴻⵔⵜⵉⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵜⴱⴰⵏ ⵢⴻⵔⵏⴰ ⵓⵔ ⵜⴻⵇⴱⵉⵍ ⴰⵔⴰ ⵜⵉⵖⵉⵎⵉⵜ ⵡⴰⵔ ⵎⴰ ⵢⴻⵜⵜⵡⴰⵅⴷⴻⵎ ⴽⵔⴰ ⵉ ⴼⴻⵔⵔⵓ ⵏ ⵡⵓⴳⵓⵔⴻⵏ.
ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵎⴻⵏⵣⵓ ⴷ ⴰⴽⴽⴻⵏ ⴰⵛⵇⵉⵔⵔⴻⵡ ⴰⵢ ⵜⴻⵜⵜⵇⴰⴱⴰⵍ ⵍⴻⵣⵣⴰⵢⴻⵔ ⴰⵙⵙ-ⴰ ⵏⴻⵜⵜⴰ ⴷ ⴼⴻⵔⵔⵓ ⵜⴻⵣⵖⵉⵏⵜ-ⴰ ⵜⴰⴷⴰⵎⵙⴰⵏⵜ ⵙ ⵍⴻⴱⵏⵉ ⵏ ⵜⴷⴰⵎⵙⴰ « ⵉⴵⴻⵀⴷⴻⵏ ⵢⴻⵔⵏⴰ ⵜⴻⵜⵜⵡⴰⵏⴻⵡⵡⴻⵄ » ⴰⴽⴽⴻⵏ ⵍⴻⵣⵣⴰⵢⴻⵔ ⵓⵔ ⵜⵜ-ⵢⴻⵜⵜⵃⴰⵣ ⴰⵔⴰ ⵓⴱⴻⴷⴷⴻⵍ-ⴰ ⴰⵇⴻⵙⵃⴰⵏ ⴰⵢ ⵉⵃⵓⵣⴰⵏ ⵜⴰⴷⴰⵎⵙⴰ ⵜⴰⵎⴰⴹⵍⴰⵏⵜ ⵙ ⵓⵎⴰⵜⴰ.
« ⵏⴻⴼⵔⴰ-ⵜⵜ-ⵉⴷ ⴰⴷ ⵏⴻⴳ ⵜⵉⵙⴻⵎⵎⴻⵙⴽⴰⵍ (ⵉⵚⵍⴰⵃⴰⵜ) ⵢⴻⵔⵏⴰ ⴰⴷ ⵏⴰⵥ, ⵎⴰⵛⵉ ⴰⴷ ⵏⴻⵇⵇⵉⵎ, ⵓⵔ ⵏⴻⵜⵜⴻⴳ ⴰⵛⴻⵎⵎⴰ ⵢⴻⵔⵏⴰ ⴰ ⵏⴻⵜⵜⴻⵜⵜ ⵜⵉⵖⴱⵓⵍⴰ-ⵏⵏⴻⵖ (ⵎⴰⵡⴰⵔⵉⴷ) ⴰⵔⵎⴰ ⴷ ⴰⵙⵎⵉ ⴰⴷ ⵏⴰⵡⴻⴹ ⵖⴻⵔ ⵓⵙⵙⵓⵜⴻⵔ ⵏ ⵓⵔⴻⴹⴹⴰⵍ ⵙⵖⵓⵔ ⵓⵙⴻⵏⴷⵓⵇ ⴰⴳⵔⴰⵖⵍⴰⵏ ⵏ ⵜⴻⴷⵔⵉⵎⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ « ⴰⵄⴰⵡⴻⴷ ⵏ ⵓⵡⴻⵀⵀⵉ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵢⴻⵔⵏⴰ ⴷ ⵜⴰⴳⵏⵉⵜ ⵜⴰⴷⴰⵎⵙⴰⵏⵜ ⵜⴰⴳⵔⴰⵖⵍⴰⵏⵜ ⴰⵢ ⴷ-ⵉⵃⴻⵜⵜⵎⴻⵏ ⴰⵢⴰ ».
« ⵜⴻⵔⵔⴰ-ⴰⵖ ⵜⵎⴰⵔⴰ ⴰⴷ ⴷ-ⵏⴻⴱⴷⵓ ⵜⵉⵙⴻⵎⵎⴻⵙⴽⴰⵍ ⵜⵉⵍⵇⴰⵢⴰⵏⵉⵏ ⵙ ⵜⵖⴰⵡⵍⴰ ⴰⴽⴽⴻⵏ ⴰⴷ ⵏⴻⵙⵙⴻⵔⵙ ⵍⵍⵙⴰⵙ ⵉ ⵜⴷⴰⵎⵙⴰ ⵏ ⵓⵎⵙⵉⵣⵡⴻⵔ ⵢⴻⵜⵜⵡⴰⵏⴻⵡⵡⵄⴻⵏ, ⴷ ⵜⵉⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⵜⴻⵙⵙⵓⴼⴼⴻⵖ ⵜⴰⵎⵓⵔⵜ ⵙⴻⴳ ⵓⵜⵜⴽⴰⵍ ⵖⴻⴼ ⵓⵒⵉⵜⵕⵓⵍ ⴷ ⵍⴳⴰⵣ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
