ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⵓⵙⵙⴻⵕⵛⴻⴷ ⵏ ⵓⵚⴻⵔⵔⴻⴼ ⵉ ⵓⵙⵙⴻⵍⵀⵓ ⵏ ⵓⵎⴻⴷⵅⵓⵍ (ⴻⵍ ⴳⵀⴰⵣⵉ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵎⴰⵀⵉⵍ (ⵄⴰⵎⴰⵍ), ⵎⵧⵀⴰⵎⴻⴷ ⴻⵍ ⴳⵀⴰⵣⵉ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⴽⴽⴻⵏ ⵢⴻⵙⵙⴻⴼⴽ ⵓⵙⵙⴻⵕⵛⴻⴷ ⵏ ⵓⵚⴻⵔⵔⴻⴼ ⵏ ⵢⵉⴷⵔⵉⵎⴻⵏ ⵏ ⵜⵎⵓⵔⵜ ⴰⴽⴽⴻⵏ ⴰⴷ ⵜⴻⵜⵜⵡⴰⴹⵎⴻⵏ ⵍⴼⴰⵢⴷⴰ ⵙⴻⴳ ⵜⵜⴰⵡⵉⵍⴰⵜ ⴰⵢ ⵢⴻⵜⵜⵡⴰⵙⵇⴻⴷⵛⴻⵏ ⵉ ⵓⵔⴼⴰⴷ ⵏ ⵜⴷⴰⵎⵙⴰ.
ⴷⵖⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵙⵙⴻⵃⴱⵉⴱⴻⵔ « ⵙ ⵓⴷⴻⵇⵇⴻⵇ » ⵖⴻⴼ ⵓⵙⵙⴻⵕⵛⴻⴷ ⵏ ⵓⵚⴻⵔⵔⴻⴼ ⴰⴽⴽⴻⵏ ⵜⵜⴰⵡⵉⵍⴰⵜ ⴰⵢ ⵢⴻⵜⵜⵡⴰⵙⵇⴻⴷⵛⴻⵏ « ⴰⴷ ⴷ-ⴳⵍⵓⵏ ⵙ ⵍⴼⴰⵢⴷⴰ ⵎⴻⵖⵖⵔⴻⵏ ⵓⴳⴰⵔ », ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵢⴻⵜⵜⵉⵍⵉ ⵓⵇⴻⵢⵢⴻⵎ ⵏ ⵡⴰⵢⴻⵏ ⵢⴻⵜⵜⵡⴰⵅⴻⴷⵎⴻⵏ ⵡⴰⵔ ⵎⴰ ⵢⴻⵙⵙⵡⴰⵖ ⵡⴰⵢⴰ ⴰⵣⵔⴻⴼ ⵏ ⵡⵉⴷ ⴰⵢ ⵢⴻⵙⵙⴻⵇⴷⴰⵛⴻⵏ ⵉⴷⵔⵉⵎⴻⵏ-ⵏⵏⵉ ⴰⴽⴽⴻⵏ ⴰⴷ ⵜⴻⵏ-ⵙⵇⴻⴷⵛⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴰⵖⴻⵍⵏⴰⵡ ⵏ ⵢⵉⵏⴻⵎⵀⴰⵍⴻⵏ (ⵎⵓⴷⴰⵔⴰ’) ⵏ ⵜⵏⴻⴳⴳⵉⵡⵉⵏ ⵏ ⵛⵏⴰⵙ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵡⴻⵚⵚⴰ ⵓⵏⴻⵖⵍⴰⴼ ⵉⵎⴹⴻⴱⴱⵔⴻⵏ ⵏ ⵓⵃⵔⵉⵛ-ⵏⵏⴻⵙ ⴰⴽⴽⴻⵏ « ⴰⴷ ⵙⵙⴻⵃⴱⵉⴱⵉⵔⴻⵏ ⴷⵉⵎⴰ » ⵖⴻⴼ ⵡⴰⵢⴻⵏ ⴰⵢ ⵃⵡⴰⴵⴻⵏ ⵡⵉⴷ ⵢⴻⵍⵍⴰⵏ ⴷⴷⴰⵡ ⵓⵙⴻⵏⴽⵉⴷ ⴰⵏⵎⴻⵜⵜⵉ (ⴹⴰⵎⴰⵏ ⵉⴵⵜⵉⵎⴰⵄⵉ) ⴷ ⵡⵉⴷ ⵢⴻⵜⵜⴰⵍⴰⵙⴻⵏ ⴷⴻⴳ-ⵙⴻⵏ, ⵍⴰⴷⵖⴰ ⵎⴻⴷⴷⴻⵏ ⵉⵅⵓⵚⵚⴻⵏ ⵢⴻⵔⵏⴰ ⵃⵡⴰⴵⴻⵏ ⵍⴻⵎⵄⴰⵡⵏⴰ ⵎⴻⵖⵖⵔⴻⵏ.
ⵉⵃⴻⵜⵜⴻⵜ-ⴷ ⴷⴰⵖ ⵓⵏⴻⵖⵍⴰⴼ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵇⴰⴷⴰⵔ ⵡⴰⴽⵓⴷ ⴰⵢⴷⴻⴳ ⴰⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⴻⵙⵜⴰⵖⵜ (ⵜⴰⵇⴰⵄⵓⴷ) ⵢⴻⵜⵜⵅⴻⵍⵍⵉⵚ ⵜⴰⴱⵣⴰⵔⵜ-ⵏⵏⴻⵙ, ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⵢⴻⵍⵀⴰⵏ ⵓⴳⴰⵔ ⴷⴻⴳ ⵢⴰⵍ ⵜⴰⵎⵏⴰⴹⵜ ⴷ ⵜⵎⵓⵔⵜ ⵙ ⵓⵎⴰⵜⴰ ⴳⴰⵔ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵓⵙⴻⵏⴽⵉⴷ ⴰⵏⵎⴻⵜⵜⵉ ⴷ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⴻⵙⵜⴰⵖⵜ ⵙ ⵓⵙⵙⴻⴱⴷⴻⴷ ⵏ ⵜⴻⵖⵍⴰⵎⵜ ⵜⵓⵅⵍⵉⴹⵜ ⴰⴷ ⵢⴻⵜⵜⴻⵎⵄⴰⵡⴰⵏⴻⵏ ⴷⴻⴳ ⵡⴰⵏⴻⵛⵜ-ⴰ ⴳⴰⵔ ⵙⵉⵏ-ⴰ ⵏ ⵢⵉⵙⴻⵏⴷⵓⵇⴻⵏ.
ⵙⴻⴳ ⵜⴰⵎⴰ ⵏⵉⴹⴻⵏ, ⵉⴳⴻⵔ-ⴷ ⴷⴰⵖ ⵓⵏⴻⵖⵍⴰⴼ ⵜⵉⵖⵔⵉ ⵉ ⵓⵙⵙⴻⵍⵀⵓ ⵏ ⵓⴼⵎⵉⴹⵉ (ⵏⵉⵙⴱⴰ) ⵏ ⵢⵉⵔⵉⵔⵉ ⵏ ⵢⵉⴱⵣⴰⵔⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⵙ ⵓⵙⵙⴻⵇⴷⴻⵛ ⵏ ⵜⵜⴰⵡⵉⵍⴰⵜ ⵉⵡⴰⵜⴰⵏ.
