ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵛⴻⵡⵡⴻⵍ ⵏ ⵡⴰⴼⴼⵓⴳⴻⵏ ⴷⴻⴳ ⵓⵏⴰⴼⴰⴳ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵖⴻⴼ ⵍⴵⴰⵍ ⵏ ⵢⵉⵅⴻⴷⴷⴰⵎⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵛⴻⵡⵡⵍⴻⵏ « ⵛⵡⵉⵟ » ⵡⴰⴼⴼⵓⴳⴻⵏ ⵏ ⵜⴻⵕⵎⵉⵙⵜ (ⵛⴰⵔⵉⴽⴰ) ⵏ ⴰⵉⵔ ⴰⵍⴳⴻⵔⵉⴻ ⴰⵙⵙ ⵏ ⵍⵃⴻⴷⴷ ⵜⴰⵚⴻⴱⵃⵉⵜ ⴷⴻⴳ ⵓⵏⴰⴼⴰⴳ ⴰⴳⵔⴰⵖⵍⴰⵏ ⵏ ⵀⵧⵓⴰⵔⵉ –ⴱⵧⵓⵎⴻⴷⵉⴻⵏⴻ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵖⴻⴼ ⵍⴵⴰⵍ ⵏ ⵓⵎⵓⵙⵙⵓ ⵏ ⵓⵛⵛⴻⵜⴽⵉ « ⴰⵢ ⴷ-ⵢⴻⵍⵍⴰⵏ ⵡⴰⵔ ⴰⵄⴻⵢⵢⴻⵏ » ⵙⵖⵓⵔ ⵢⵉⵅⴻⴷⴷⴰⵎⴻⵏ ⵉⵜⴻⴽⵏⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵕⵎⵉⵙⵜ-ⴰ.
« ⵢⴻⵍⵍⴰ-ⴷ ⵓⵎⵓⵙⵙⵓ ⵏ ⵓⵛⵛⴻⵜⴽⵉ ⵡⴰⵔ ⵎⴰ ⵢⴻⵍⵍⴰ-ⴷ ⵓⵄⴻⵢⵢⴻⵏ ⵙⵖⵓⵔ ⵢⵉⵅⴻⴷⴷⴰⵎⴻⵏ ⵉⵜⴻⴽⵏⵉⵢⴻⵏ ⴷⴻⴳ ⵓⵏⴰⴼⴰⴳ, ⵢⴻⵔⵏⴰ ⵢⴻⴹⴹⴻⴼ ⵡⴰⵢⴰ 2 ⵏ ⵜⵙⴰⵄⵜⵉⵏ, ⴷⵖⴰ ⴷ ⴰⵢⴰ ⴰⵢ ⵉⵛⴻⵡⵡⵍⴻⵏ ⵛⵡⵉⵟ ⴰⵀⵉⵍ ⵏ ⵡⴰⴼⴼⵓⴳ ⴷⴻⴳ ⵜⴳⴰⵔⴰ ⵏ ⵜⵚⴻⴱⵃⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ (ⴱⴰⵢⴰⵏ) ⵏ ⵜⴻⵕⵎⵉⵙⵜ-ⴰ.
« ⴷⴻⴼⴼⵉⵔ ⵎⴰ ⵜⴻⵎⵙⴻⴼⵀⴰⵎ ⵜⵎⴻⵀⵍⴰ (ⵏ ⵜⴻⵕⵎⵉⵙⵜ) ⴷ ⵢⵉⵛⵔⵉⴽⴻⵏ ⵉⵏⵎⴻⵜⵜⵉⵢⴻⵏ (ⵏ ⵢⵉⵅⴻⴷⴷⴰⵎⴻⵏ), ⵉⴽⴻⵎⵎⴻⵍ ⵓⵅⴻⴷⴷⵉⵎ ⵏ ⵡⴰⴼⴼⵓⴳⴻⵏ ⵢⴻⵔⵏⴰ ⴰⵄⴻⴹⴹⴻⵍ ⴰⵢ ⴷ-ⵢⴻⵍⵍⴰⵏ ⵙⴻⴳ ⵡⴰⵏⴻⵛⵜ-ⴰ ⴰⴷ ⵢⴻⵜⵜⵡⴰⴼⵔⵓ ⵛⵡⵉⵟ, ⵛⵡⵉⵟ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⵊⵊⴻⴷ ⴰⵉⵔ ⴰⵍⴳⴻⵔⵉⴻ.
ⴰⵎⵓⵙⵙⵓ-ⴰ ⵏ ⵓⵛⵛⴻⵜⴽⵉ ⵢⴻⵍⵍⴰ-ⴷ ⵙⵖⵓⵔ ⵢⵉⵅⴻⴷⴷⴰⵎⴻⵏ ⵉⵜⴻⴽⵏⵉⵢⴻⵏ ⵏ ⴰⵉⵔ ⴰⵍⴳⴻⵔⵉⴻ « ⴰⵢ ⵍⴰ ⴷ-ⵢⴻⵙⵙⵓⵜⵓⵔⴻⵏ ⵜⵉⵎⴻⵔⵏⵉⵡⵜ ⴷⴻⴳ ⵍⴻⵅⵍⴰⵚ ⵢⴻⵔⵏⴰ ⵛⵛⴻⵜⴽⴰ-ⴷ ⵖⴻⴼ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵓⵄⴰⵡⴻⴷ ⵏ ⵓⵙⵙⴻⵎⵚⴻⴽ ⵏ ⴽⵔⴰ ⵏ ⵢⵉⴼⵓⵔⴽⴰ ⵏ ⵜⴻⵕⵎⵉⵙⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ (ⵎⴰⵚⴷⴰⵔ) ⴰⵢ ⵉⵇⴻⵔⴱⴻⵏ ⵖⴻⵔ ⵜⴻⵕⵎⵉⵙⵜ-ⴰ.
