ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵏⴰⵙⵖⴻⵍ: ⴰⵎⵎⴻⵕⴽⵉ ⵏ ⵜⵓⵣⵣⵢⴰ ⵜⴰⴳⵔⴰⵖⵍⴰⵏⵜ ⵏ ⴵⵉⴵⴻⵍ ⴷⴻⴳ ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵍⴰ ⵜⴻⵙⵙⴰⵔⴰⵎ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵙⵏⴰⵙⵖⴻⵍ ⴰⴷ ⵜⴻⵎⵎⴻⵕⴽⵉ ⵜⵓⵣⵣⵢⴰ ⵜⴰⴳⵔⴰⵖⵍⴰⵏⵜ ⵏ ⵓⵙⵏⴰⵙⵖⴻⵍ ⵏ ⴵⵉⴵⴻⵍ ⴷⴻⴳ ⵡⴰⵀⵉⵍ ⵏ ⵜⵓⵣⵣⵢⴰ ⵜⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ ⵏ 2017, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ-ⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
« ⴰⵇⵍ-ⴰⵖ ⵏⴻⵙⵙⴰⵔⴰⵎ ⵙ ⵍⴵⴻⵀⴷ ⴰⴷ ⵏⴻⵎⵎⴻⵕⴽⵉ ⵜⵓⵣⵣⵢⴰ ⵜⴰⴳⵔⴰⵖⵍⴰⵏⵜ ⵏ ⵓⵙⵏⴰⵙⵖⴻⵍ ⵏ ⴵⵉⴵⴻⵍ ⴷⴻⴳ ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ ⵏ 2017, ⵎⴰⵛⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵓⵙⵙⴻⴱⴷⴻⴷ ⵏ ⵜⴻⵎⵖⵓⵏⵜ (ⵔⴰⴱⵉⵟⴰ) ⵏ ⵓⵙⵏⴰⵙⵖⴻⵍ ⴷⴻⴳ ⵜⵡⵉⵍⴰⵢⵜ-ⴰ ⴷ ⵓⵎⵎⴻⵕⴽⵉ ⵏ ⵜⵓⵣⵣⵢⴰ ⵏ ⴵⵉⴵⴻⵍ ⴷⴻⴳ ⵜⴻⵙⵡⴰⵙⵜ (ⵔⵓⵣⵏⴰⵎⴰ) ⵜⴰⵖⴻⵍⵏⴰⵡⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵙⵏⴰⵙⵖⴻⵍ, ⵔⴰⵛⵀⵉⴷ ⴼⴻⵣⵧⵓⵉⵏⴻ, ⴷⴻⴼⴼⵉⵔ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵓⵡⴰⵍⵉ ⵏ ⴵⵉⴵⴻⵍ, ⵍⴰⵔⴱⵉ ⵎⴻⵔⵣⵧⵓⴳ.
ⴰⵡⴰⵍⵉ ⵏ ⴵⵉⴵⴻⵍ ⵢⴻⵔⵔⴰ-ⴷ ⵎⵍⵉⵃ ⵍⵡⴻⵍⵀⴰ-ⵏⵏⴻⵙ ⵖⴻⵔ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵡⴰⴷⴷⴰⵍ ⵢⴻⵔⵏⴰ ⵢⴻⵇⴱⴻⵍ « ⵙ ⵍⵃⵉⵔ » ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵙⵏⴻⴼⵍⵉ ⴷ ⵓⵙⵎⴰⵍ (ⵜⴰⵔⵇⵉⵢⴰ) ⵏ ⵓⵙⵏⴰⵙⵖⴻⵍ ⴷⴻⴳ ⴵⵉⴵⴻⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ.
