ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⴱⴰⵏ ⵢⴻⵍⵍⴰ ⵡⴰⵙⵙⴰⵖ ⴳⴰⵔ ⵜⴻⵀⵢⵓⴼⵉⵏ ⴷ ⵔⵔⴻⴱⵔⴰⴱ (ⵍⴰⵎⴰⵎⵔⴰ)
ⵡⴻⵀⵕⴰⵏ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵡⴻⵀⵕⴰⵏ, ⴷⴰⴽⴽⴻⵏ « ⵉⴱⴰⵏ ⵢⴻⵍⵍⴰ ⵡⴰⵙⵙⴰⵖ ⴳⴰⵔ ⵓⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ ⴷ ⵔⵔⴻⴱⵔⴰⴱ ».
« ⴰⵙⵙⴰⵖ (ⵄⴰⵍⴰⵇⴰ) ⴳⴰⵔ ⵓⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ ⴷ ⵔⵔⴻⴱⵔⴰⴱ ⵉⴱⴰⵏ. ⴰⵙⵙⴻⵜⵜⵉ-ⴰ ⴷ ⵜⴰⵖⴱⴰⵍⵓⵜ ⴰⵢⵙⴻⴳ ⴷ-ⵜⵜⴰⴳⵎⴻⵏⵜ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⵉⴷⵔⵉⵎⴻⵏ, ⴰⵎ ⵍⴼⴻⴷⵢⴰⵜ-ⵏⵏⵉ ⴰⵢ ⴷ-ⵢⴻⵜⵜⴻⴽⴽⴻⵏ ⵙⴻⴳ ⵢⵉⵎⴻⵕⵀⴰⵏ. ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⴷⴷⴻⵎ ⵉⵃⴻⵣⵣⵉⴱⴻⵏ ⴷⴻⴳ ⵡⴰⵏⴻⵛⵜ-ⴰ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵏⴻⵔⵔ ⵍⵡⴻⵍⵀⴰ-ⵏⵏⴻⵖ ⵖⴻⴼ ⵡⴰⵎⴻⴽ ⴰⴷ ⵜⴻⵏ-ⵏⴻⵙⵙⴻⴼⵄⴻⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵜⴳⴰⵔⴰ ⵏ ⵓⴷⵉⵡⴻⵏⵏⵉ ⴰⵢ ⵉⴳⴰ ⴷ ⵓⵎⵜⵉⵍ-ⵏⵏⴻⵙ ⵏ ⴰⵏⴳⵓⵍⴰ ⴷⴻⴳ ⵢⵉⵊⵉⴼⴻⵕ ⵏ ⵓⵙⴰⵔⴰⴳ ⵏ ⵓⵙⵡⵉⵔ ⵓⵏⵏⵉⴳ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⴼⵔⵉⵇⵜ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵛⵖⴰⵍ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⴼⵔⵉⵇⵜ ⵉ ⵍⵎⴻⵏⴷ ⵏ ⵢⵉⵎⴻⵏⵖⵉ ⵎⴳⴰⵍ ⵓⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ, ⵢⴻⵙⵎⴻⴽⵜⵉ-ⴷ ⵓⵏⴻⵖⵍⴰⴼ ⵖⴻⴼ ⵓⵙⵙⴻⴱⴷⴻⴷ, ⵓⵙⵙⴰⵏ-ⴰ ⴰⵢ ⵢⴻⵣⵔⵉⵏ, ⵏ ⵜⴻⵎⵙⵓⵍⵜⴰ (ⵛⵓⵔⵟⴰ) ⵜⴰⴼⵔⵉⵇⵉⵜ ⵏ ⴰⴼⵔⵉⵒⵧⵍ ⴰⵢ ⵢⴻⵙⵄⴰⵏ ⴰⵅⵅⴰⵎ-ⵏⵏⴻⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
« ⵕⵕⴰⵢ-ⴰ ⴰⴷⵣⴰⵢⵔⵉ ⴰⴷ ⵢⴻⵙⵙⴻⴵⵀⴻⴷ ⵜⵜⴰⵡⵉⵍⴰⵜ ⵏ ⵓⵎⵄⴰⵡⴻⵏ ⴳⴰⵔ ⵜⵎⵓⵔⴰ ⵏ ⵜⴻⴼⵔⵉⵇⵜ ⵉ ⵓⵇⴰⴱⴻⵍ ⵏ ⵢⵉⵛⵇⵉⵔⵔⵡⴻⵏ ⴰⵎ ⵓⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ, ⵜⵉⵊⵔⵉⵎⵉⵏ ⵉⵣⴻⴳⵔⴻⵏ ⵉ ⵜⵍⵉⵙⴰ ⴷ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵜⴰⴼⵔⵉⵇⵜ ⵜⴻⵙⵎⴻⵏⵢⴰⴼ ⵜⵜⴰⵡⵉⵍⴰⵜ ⵏ ⵜⴰⵍⵡⵉⵜ ⵉ ⵢⵉⵎⴻⵏⵖⵉ ⵎⴳⴰⵍ ⵓⵅⴻⵚⵚⴰⵔ-ⴰ.
ⵢⴻⴱⴷⴻⵔ-ⴷ ⴷⴰⵖ ⵔⴰⵎⵜⴰⵏⴻ ⵍⴰⵎⴰⵎⵔⴰ ⴰⵙⴻⵇⵇⴰⵎⵓ-ⵏⵏⵉ ⵏ ⵢⵉⵎⴰⵙⵏⴰⴳⴻⵏ (ⵃⵓⴽⴰⵎⴰ’) ⵉⴼⵔⵉⵇⵉⵢⴻⵏ ⴰⵢ ⵢⴻⵙⵙⴻⴷⴷⴰⵢ ⵓⴷⵉⵒⵍⵓⵎⴰⵜⵉ ⴰⴷⵣⴰⵢⵔⵉ ⵍⴰⴽⵀⴷⴰⵔ ⴱⵔⴰⵀⵉⵎⵉ. ⴰⵙⴻⵇⵇⴰⵎⵓ-ⴰ ⵢⴻⵙⵙⴻⵍⵡⵉ-ⵜ ⴷⴰⵖ ⵓⵙⴻⵍⵡⴰⵢ ⴰⵎⴻⵕⵃⵓⵎ ⴰⵀⵎⴻⴷ ⴱⴻⵏⴱⴻⵍⵍⴰ.
« ⴰⵙⴻⵇⵇⴰⵎⵓ-ⴰ ⵏ ⵢⵉⵎⴰⵙⵏⴰⴳⴻⵏ ⵜⴻⵜⵜⵛⴰⵡⴰⵕ-ⵉⵜ ⵓⵙⴻⵇⵇⴰⵎⵓ ⵉ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ. ⴰⵙⴻⵇⵇⴰⵎⵓ-ⴰ ⵉ ⵜⴰⵍⵡⵉⵜ ⵢⴻⵙⵄⴰ ⴰⵟⴰⵙ ⵏ ⵜⵜⴰⵡⵉⵍⴰⵜ ⵉ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴳⴰⵔ-ⴰⵙⴻⵏ ⵉⵖⴰⵍⵍⴻⵏ ⵉⴼⵔⵉⵇⵉⵢⴻⵏ (ⵓⵛⵔⵉⴽⴻⵏ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
