ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⴰⵎⵙⴰⵍⵜ ⵏ ⴼⴻⵔⵔⵓ ⵏ ⵓⵣⴻⴽⴽⴰ ⵏ ⵓⵖⵔⴻⴼ ⴰⵚⴻⵃⵔⴰⵡⵉ (ⴰⵏⴻⵖⵍⴰⴼ ⵏ ⴰⵏⴳⵓⵍⴰ)

ⵡⴻⵀⵕⴰⵏ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⴰⵏⴳⵓⵍⴰ, ⴳⴻⵧⵔⴳⴻ ⵔⵧⴱⴻⵍⵧ ⵒⵉⵏⵜⵧ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵡⴻⵀⵕⴰⵏ ⴷ ⴰⴽⴽⴻⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⴰⵎⵙⴰⵍⵜ ⵏ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⴰⵍ-ⵎⴰⵚⵉⵔ) ⵢⴻⵔⵏⴰ ⴰⴷⴷⵓⴷ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ « ⵢⴻⴷⴷⵓⴽⴽⴻⵍ ⵢⴻⵔⵏⴰ ⵢⴻⵔⵣⴰ ⴰⵙⵙⵓⴷⴷⴻⵙ (ⵜⴰⵏⴹⵉⵎ) ⵏ ⵜⵙⴻⴼⵔⴰⵏⵜ » ⵉ ⵓⴳⴳⵓⵛⵛⴻⵍⵎⴰⵏ ⵏ ⵓⵖⵔⴻⴼ ⴰⵚⴻⵃⵔⴰⵡⵉ.

« ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⴰⵎⵙⴰⵍⵜ ⵏ ⵓⴳⴳⵓⵛⵛⴻⵍⵎⴰⵏ ⵢⴻⵔⵏⴰ ⴰⴷⴷⵓⴷ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵉⴱⴰⵏ, ⵓⵔ ⵢⴻⵍⵍⵉ ⴷⴻⴳ-ⵙ ⵛⵛⴻⴽ. ⴰⵢⴰ ⵢⴻⵔⵣⴰ ⴰⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ (ⵉⵙⵜⵉⴼⵜⴰ’) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴼⴼⵉⵔ ⵓⴷⵉⵡⴻⵏⵏⵉ ⴰⵢ ⵉⴳⴰ ⴷ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴷⴻⴳ ⵢⵉⵊⵉⴼⴻⵕ ⵏ ⵓⵙⴰⵔⴰⴳ ⵡⵉⵙ 3 ⵏ ⵓⵙⵡⵉⵔ ⵓⵏⵏⵉⴳ ⵖⴻⴼ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⴼⵔⵉⵇⵜ ⴰⵢ ⵢⴻⴱⴷⴰⵏ ⵢⵉⵡⴻⵏ ⵡⴰⵙⵙ ⵓⵇⴱⴻⵍ ⴷⴻⴳ ⵡⴻⵀⵕⴰⵏ.

ⵢⴻⵙⵎⴻⴽⵜⵉ-ⴷ ⵓⵏⴻⵖⵍⴰⴼ ⴰⵏⴳⵓⵍⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⴰⴽⴽⴻⵏ ⴰⴷⴷⵓⴷ ⵏ ⵜⴷⵓⴽⵉ ⵜⴰⴼⵔⵉⵇⵉⵜ ⵖⴻⴼ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵔⵏⴰ ⵡⴰ ⴷ ⴰⴷⴷⵓⴷ ⴰⵢⵖⴻⴼ ⵎⵙⴻⴼⵀⴰⵎⴻⵏ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ (ⴷⴰⵡⵍⴰ) ⵏ ⵜⴻⴼⵔⵉⵇⵜ ⴷⴻⴳ ⵢⵉⵡⴻⵜ ⵏ ⵜⵇⴰⵛⵓⵛⵜ. « ⴷ ⵡⴰ ⴰⵢ ⴷ ⴰⴱⵔⵉⴷ ⴰⵢ ⵢⴻⵙⵙⴻⴼⴽⴻⵏ ⴰⴷ ⵢⴻⵜⵜⵡⴰⴹⴼⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷ ⴰⴽⴽⴻⵏ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ « ⵍⴰ ⵜⵜⴻⴷⴷⵓⵏ ⵖⴻⵔ ⵢⵉⴷⵉⵙ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ » ⴷ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⴰⵢ ⵍⴰ ⵉⵅⴻⴷⴷⵎⴻⵏ « ⵖⴻⴼ ⵓⵇⴰⴷⴻⵔ ⵏ ⵡⴰⴷⴷⵓⴷ ⵏ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ ⵉⴼⵔⵉⵇⵉⵢⴻⵏ ⴷ ⵜⵏⴻⵖⵜⵓⵙⵉⵏ (ⵇⴰⵔⴰⵔⴰⵜ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ».

ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵏⴳⵓⵍⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⵉⵎⵉ ⴰⵢ ⵃⴻⴷⵕⴻⵏ ⵢⵉⵏⴻⵖⵍⴰⴼⴻⵏ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵓⵙⴰⵔⴰⴳ-ⴰ ⵏ ⵓⵙⵡⵉⵔ ⵓⵏⵏⵉⴳ (ⵏ ⵡⴻⵀⵕⴰⵏ), « ⵉⵎⵉ ⴰⵢⴰ ⴰⴷ ⵜⴻⵏ-ⵢⴻⴵⴵ ⴰⴷ ⵎⴱⴰⴷⴷⴰⵍⴻⵏ ⵜⵉⵎⵓⵖⵍⵉⵡⵉⵏ ⵖⴻⴼ ⵜⴻⵎⵙⴰⵍ ⵢⴻⵙⵄⴰⵏ ⴰⵣⴰⵍ ⴰⵢⵖⴻⴼ ⵍⴰ ⴷ-ⵢⴻⵜⵜⵉⵍⵉ ⵡⴰⵡⴰⵍ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵍⴰⴷⵖⴰ ⵉⵎⵉ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⵎⴰ ⵜⴻⵙⴷⵓⴽⴽⴻⵍ ⵜⴻⴼⵔⵉⵇⵜ ⵜⵉⵎⵓⵖⵍⵉⵡⵉⵏ-ⵏⵏⴻⵙ ⵙⴷⴰⵜ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵙⴰⵍ ⵜⵉⵎⴻⵇⵔⴰⵏⵉⵏ ⴰⵢ ⵢⴻⵔⵣⴰⵏ ⵜⴰⴼⵔⵉⵇⵜ ».

ⵢⴻⴱⴷⴻⵔ-ⴷ ⴷⴰⵖ ⵓⵏⴻⵖⵍⴰⴼ ⴰⵏⴳⵓⵍⵉ ⵜⴰⵎⵙⴰⵍⵜ ⵏ ⵓⴽⴻⵔⵙⵉ ⴰⴼⵔⵉⵇⵉ ⴰⴷⵓⵎⴰⵏ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ. « ⵜⴰⴼⵔⵉⵇⵜ ⵙ ⵍⴻⴽⵎⴰⵍ-ⵏⵏⴻⵙ ⵍⴰ ⵜⴻⴽⴽⴰⵜ ⵉ ⵍⵎⴻⵏⴷ ⵏ ⵓⵙⵎⴻⵙⴽⴻⵍ (ⵉⵚⵍⴰⵃ) ⵏ ⵓⵏⴰⴳⵔⴰⵡ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ. ⴷⵖⴰ ⵏⴻⵜⵜⵡⴰⵍⵉ ⴷ ⴰⴽⴽⴻⵏ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⴰⴷ ⵙⵄⵓⵏⵜ ⵜⵎⵓⵔⴰ ⵏ ⵜⴻⴼⵔⵉⵇⵜ, ⴰⴳⵎⵓⴹ ⴰⵍⴻⵎⵎⴰⵙ ⴷ ⵜⴻⵎⵔⵉⴽⵜ ⵜⴰⵍⴰⵜⵉⵏⵉⵜ ⵉⴽⴻⵔⵙⵉⵢⴻⵏ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.