ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵍⵓⴼⵜ ⵏ ⵍⵉⴱⵢⴰ: ⵢⴻⵙⵙⴻⴼⴽ ⴰⴷ ⵇⴻⴱⵍⴻⵏ ⵢⵉⴷⵉⵙⴰⵏ ⵏⵉⴹⴻⵏ ⵍⵓⴼⴻⵇ ⵢⴻⵜⵜⵡⴰⵙⵜⴻⵏⵢⴰⵏ ⵙⴻⴳ ⵎⴻⵍⵎⵉ ⴽⴰⵏ
ⵡⴻⵀⵕⴰⵏ – ⵢⴻⵏⵏⴰ-ⴷ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵓⵣⵣⵉⴳ ⵏ ⵜⵙⴻⵇⵇⴰⵎⵓⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⵍⵉⴱⵢⴰ, ⵎⵧⵓⵏⴷⵀⵉⵔ ⴻⵍ ⵔⴻⵣⴽⵉ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵡⴻⵀⵕⴰⵏ, ⴷ ⴰⴽⴽⴻⵏ ⴰⵎⵜⴰⵡⴰ (ⵉⵜⵜⵉⴼⴰⵇ) ⴰⵏⴻⴳⴳⴰⵔⵓ ⴰⵢ ⵙⵜⴻⵏⵢⴰⵏ ⵢⵉⵍⵉⴱⵉⵢⴻⵏ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵙⵙⴻⴼⴽ ⴰⴷ ⵔⵏⵓⵏ ⴰⴷ ⵜ-ⵙⵜⴻⵏⵢⵉⵏ ⵢⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⵢⴻⵍⵍⴰⵏ ⴷⴻⴳ ⵜⴻⵎⵏⴰⴹⵉⵏ ⵜⵉⵍⵇⴰⵢⴰⵏⵉⵏ ⵏ ⵍⵉⴱⵢⴰ.
ⴽⵔⴰ ⵙⴻⴳ ⵜⴻⴳⵔⴰⵡⵉⵏ ⵏ ⵜⴻⵎⵏⴰⴹⵉⵏ ⵏ ⴷⴰⵅⴻⵍ ⵜⵎⵓⵔⵜ ⵏ ⵍⵉⴱⵢⴰ ⵓⴳⵉⵏⵜ ⴰⴷ ⵡⴻⵎⵎⵕⴻⵏⵜ ⴰⵎⵜⴰⵡⴰ-ⵏⵏⵉ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴰⵙⵙ ⵏ 17 ⴷⵓⵊⴻⵎⴱⴻⵕ ⵢⴻⵣⵔⵉⵏ, ⵉⵎⵉ ⴰⵢ ⵓⴳⵉⵏⵜ ⴽⵔⴰ ⵏ ⵜⵖⴰⵡⵙⵉⵡⵉⵏ ⴷⴻⴳ-ⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵊⵉⴼⴻⵕ ⵏ ⵓⵙⴰⵔⴰⴳ ⵡⵉⵙ 3 ⵏ ⵓⵙⵡⵉⵔ ⵓⵏⵉⴳ ⵖⴻⴼ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ (ⴰⵎⵏ) ⴷⴻⴳ ⵜⴻⴼⵔⵉⵇⵜ, ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵡⴻⵀⵕⴰⵏ.
ⴷⵖⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵓⵏⴻⴼⴽ ⵡⴰⵣⴰⵍ ⵉ ⵜⴻⴳⵔⴰⵡⵉⵏ-ⴰ ⵢⴻⵔⵏⴰ ⴰⴷ ⵢⴻⵜⵜⵡⴰⵙⵙⴻⵏ ⵡⴰⵢⴻⵏ ⴰⵢ ⵍⴰ ⴷ-ⵙⵙⵓⵎⵓⵔⴻⵏⵜ (ⵜⴰⵇⵜⴰⵔⵉⵃ) ⴰⴽⴽⴻⵏ « ⴰⴷ ⵢⴻⵜⵜⵡⴰⴹⵎⴻⵏ ⵓⵜⵜⴻⴽⴽⵉ-ⵏⵙⴻⵏⵜ ⴷⴻⴳ ⵓⵎⵜⴰⵡⴰ-ⵏⵏⵉ ⴰⵙⴻⵔⵜⵉ ⴷ ⵓⵙⵙⴻⴼⵄⴻⵍ-ⵏⵏⴻⵙ ⴷⴻⴳ ⵓⵏⵔⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵃⴰⵙⵙⴻⴼ ⵉⵎⵉ ⵉⴷⵉⵙⴰⵏ-ⴰ ⵖⴰⴱⴻⵏ ⵢⴻⵔⵏⴰ ⵓⵔ ⴷ-ⵜⵜⵡⴰⴱⴻⴷⵔⴻⵏ ⴰⵔⴰ ⴷⴻⴳ ⵓⵎⵜⴰⵡⴰ-ⵏⵏⵉ.
« ⴰⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⴰ ⴰⴷ ⴷ-ⵢⵉⵍⵉ ⵢⴻⵡⵄⴻⵕ ⵡⴰⵔ ⵜⴰⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⵏ ⵡⴰⴽⴽ ⵉⴷⵉⵙⴰⵏ ⵉⵍⵉⴱⵉⵢⴻⵏ, ⴰⵜⵜⴻⴽⴽⵉ-ⵏⵙⴻⵏ ⴷ ⵓⴷⵀⴰⵍ-ⵏⵙⴻⵏ (ⴷⴰⵄⵎ) ⴰⴽⴽⴻⵏ ⴰⴷ ⵢⴻⵔⴱⴻⵃ ⵓⵎⵜⴰⵡⴰ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.
ⵢⴻⵏⵏⴰ-ⴷ ⴷⴰⵖ ⵢⵉⵎⴹⴻⴱⴱⴻⵔ-ⴰ ⴷ ⴰⴽⴽⴻⵏ ⴰⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵙ ⵓⵄⴰⵡⴻⵏ ⵙⵖⵓⵔ ⵜⵎⵓⵔⴰ ⵜⵉⵏⴰⵔⴰⴳⵉⵏ (ⴵⴰⵔⴰ) ⴷ ⵜⵓⴷⴷⵙⵉⵡⵉⵏ ⵜⵉⴼⵔⵉⵇⵉⵢⵉⵏ ⴷ ⵜⴻⴳⵔⴰⵖⵍⴰⵏⵉⵏ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵙⵎⴻⴽⵜⵉ-ⴷ ⵙ ⵢⵉⵣⵡⵓⵔⴻⵏ (ⵎⵓⴱⴰⴷⴰⵔⴰⵜ) ⵏ ⵜⵎⵓⵔⴰ ⵜⵉⵏⴰⵔⴰⴳⵉⵏ ⵉ ⵓⵄⴰⵡⴻⵏ ⵏ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵍⵉⴱⵢⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴰⵣⴰⵍ ⵏ ⵜⴻⵎⵍⵉⵍⵉⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ (ⵏ 1 ⴷⵓⵊⴻⵎⴱⴻⵕ 2015) ⵢⴻⵍⵍⴰⵏ ⴷ ⴰⵃⵔⵉⵛ ⵙⴻⴳ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵄⴰⵡⴻⵏ ⵏ ⵜⵉⴼⵔⴰⵜ ⵙ ⵜⴰⵍⵡⵉⵜ ⴷⴻⴳ ⵍⵉⴱⵢⴰ, ⴷ ⵜⴻⵎⵍⵉⵍⵉⵢⵉⵏ-ⵏⵏⵉ ⵏ ⵜⵓⵏⴻⵙ (10 ⴷ 11 ⴷⵓⵊⴻⵎⴱⴻⵕ) ⴷ ⵕⵓⵎⴰ (13 ⴷⵓⵊⴻⵎⴱⴻⵕ).
