ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵣⵉ ⵡⴻⵣⵣⵓ: ⴰⵛⴻⵏⵏⴰⵢ ⵜⴰⵍⴻⴱ ⵔⴰⴱⴰⵀ ⵢⴻⵡⵡⴻⴹ ⵍⴰⵄⴼⵓ ⵏ ⵕⴻⴱⴱⵉ

ⵜⵉⵣⵉ-ⵡⴻⵣⵣⵓ – ⴰⵛⴻⵏⵏⴰⵢ ⵜⴰⵍⴻⴱ ⵔⴰⴱⴰⵀ, ⵢⵉⵡⴻⵜ ⵏ ⵜⴳⴻⵊⴷⵉⵜ ⵏ ⵛⵛⵏⴰ ⵏ ⵜⴻⵇⴱⴰⵢⵍⵉⵜ, ⵉⵍⵓⵍⴻⵏ ⴷⵉ ⵜⴰⴷⴷⴰⵔⵜ ⵏ ⵜⵉⵣⵉⵜ ⴷⵉ ⵜⵖⵉⵡⴰⵏⵜ ⵏ ⵉⵍⵍⵉⵍⵜⴻⵏ (ⵜⵉⵣⵉ-ⵡⴻⵣⵣⵓ) ⵢⵉⵡⴻⴹ ⵍⴰⵄⴼⵓ ⵏ ⵕⴻⴱⴱⵉ ⴰⵙⵙ ⵏ ⵜⵜⵍⴰⵜⴰ ⴷⵉ ⵍⴰⵄⵎⴻⵕ-ⵉⵙ 85 ⵉⵙⴻⴳⴳⴰⵙⴻⵏ ⵉ ⴷ-ⵜⴻⵏⵏⴰ ⵜⵏⴻⵎⵀⴰⵍⵜ ⵏ ⵢⴻⴷⵍⴻⵙ ⵏ ⵜⵉⵣⵉ ⵡⴻⵣⵣⵓ.

ⵉⵙⴰⵍⵍⵉ ⵏ ⵜⵎⴻⵜⵜⴰⵏⵜ-ⵉⵏⴻⵙ ⵢⵓⵣⵣⴻⵍ ⴰⵎ ⵍⴻⴱⵕⴰⵇ ⴳⴻⵔ ⵡⵉⴷ ⵉⵜ-ⵉⵃⴻⵎⵎⵍⴻⵏ, ⵉⵎⴷⵓⴽⴽⴰⵍ-ⵉⵙ ⴰⴽⴽ ⴷ ⵜⵡⴰⵛⵓⵍⵜ ⵏ ⵜⵥⵓⵕⵉ ⵍⴰⴷⵖⴰ ⴰⴽⴽ ⵡⵉⴷ ⵜ-ⵢⴻⵙⵙⵏⴻⵏ, ⴰⵟⴰⵚ ⵉ ⵢⵓⵣⵣⵍⴻⵏ ⵖⴻⵔ ⵡⴻⵅⵅⴰⵎ-ⵉⵙ ⴷ-ⵢⴻⵣⴳⴰⵏ ⴷⵉ ⵜⴻⵎⴷⵉⵏⵜ ⵏ ⵜⵉⵣⵉ ⵡⴻⵣⵣⵓ (ⴰⵖⵔⴻⵎ ⵏ 2.000 ⵏ ⵢⴻⵅⵅⴰⵎⴻⵏ) ⴰⴽⴽⴻⵏ ⴰⴷ ⵜ-ⵡⴰⵍⵉⵏ ⵉ ⵜⵉⴽⴽⴻⵍⵜ ⵜⴰⵏⴻⴳⴳⴰⵔⵓⵜ, ⵉⴷ-ⵅⴻⴱⴱⵕⴻⵏ.

ⵜⴰⴼⴻⴽⴽⴰ ⵏ ⵓⵎⴻⵕⵃⵓⵎ ⴰⴷ ⵜⴻⵙⵙⴰⵍⵉⵏ ⵜⴰⵎⴻⴷⴷⵉⵜ ⵖⴻⵔ ⵡⴻⵅⵅⴰⵎ ⵏ ⵢⴻⴷⵍⴻⵙ ⵎⵧⵓⵍⵧⵓⴷ ⵎⴰⵎⵎⴻⵔⵉ, ⴰⴽⴽⴻⵏ ⴰⴷ ⵜ-ⵡⴰⵍⵉⵏ ⵢⴻⵎⴷⴰⵏⴻⵏ ⴰⵛⴻⵏⵏⴰⵢ-ⴰⴳⵉ ⵢⴻⵔⵔⴰⵏ ⴰⵣⴰⵍ ⴷ ⴰⵎⵓⵇⵇⵔⴰⵏ ⵉ ⵜⴻⴳⵔⴰⵡⵍⴰ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ, ⵉⴷ-ⵏⵏⴰⵏ ⴷⵉ ⵜⵏⴻⵎⵀⴰⵍⵜ ⵏ ⵢⴻⴷⵍⴻⵙ ⴰⵎ ⵡⴰⴽⴽⴻⵏ ⴷ-ⵅⴻⴱⴱⵕⴻⵏ ⴱⴻⵍⵍⵉ ⵜⴰⵎⴹⴻⵍⵜ ⵏ ⵡⵉⵏ ⵢⴻⵛⵏⴰⵏ "ⵡⴻⵙⵙⴰⵏ ⵉⵢⵉ" ⴰⴷ ⴷ-ⵜⵉⵍⵉ ⴰⵣⴻⴽⴽⴰ (ⵍⴰⵕⴻⴱⵄⴰ) ⴷⵉ ⵜⴰⴷⴷⴰⵔⵜ-ⵉⵙ ⵜⵉⵥⵉⵜ.

ⵜⴰⵍⴻⴱ ⵔⴰⴱⴰⵀ ⵉⵍⵓⵍ ⴷⵉ 1930. ⴷⵉ ⵍⵄⴻⵎⵕ-ⵉⵙ 20 ⵉⵙⴻⴳⴳⴰⵙⴻⵏ, ⵢⴻⴼⴼⴻⵖ ⵜⴰⵎⵏⴰⴹⵜ-ⵉⵙ ⵉⵕⵓⵃ ⵖⴻⵔ ⴼⵕⴰⵏⵙⴰ ⴰⵏⴷⴰ ⵢⴻⴱⴷⴰ ⴰⴱⵔⵉⴷ ⵏ ⵛⵛⵏⴰ ⴰⴽⴽ ⴷ ⵡⴻⴳⵏⵉ ⵏ ⵜⵥⵓⵕⵉ.