ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴳⵔⴰⵡⵍⴰ ⵜⴰⵣⵣⴰⵢⵔⵉⵜ: ⵉⵎⴻⵏⵖⵉ ⵉⵎⵙⴻⵍⵍⴻⵃ ⵉⵃⵓⵣⴰ-ⴷ ⵓⵍⴰ ⴷ ⴰⵏⵥⵓⵍ
ⵜⴰⵎⴻⵏⵖⴻⵙⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ, ⵜⴰⵢⴻⴱ ⵣⵉⵜⵧⵓⵏⵉ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵉⵏ ⵚⴰⵍⴻⵃ (ⵜⴰⵎⴻⵏⵖⴻⵙⵜ) ⴷⴰⴽⴽⴻⵏ ⴰⵙⵙⴻⴱⴷⴻⴷ ⵏ ⵡⴰⵙⵓⵏ (ⵎⴰⵏⵟⵉⵇⴰ) ⵏ ⵓⵏⵥⵓⵍ ⴷⴻⴳ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⴷ ⴰⵢⴻⵏ ⴰⵢ ⵢⴻⵙⵄⴰⵏ ⴰⵣⴰⵍ.
« ⴰⵙⵙⴻⴱⴷⴻⴷ ⵏ ⵓⴷⵎⴰⵔ (ⴵⴰⴱⵀⴰ) ⵏ ⵓⵏⵥⵓⵍ (ⴵⴰⵏⵓⴱ) ⴷⴻⴳ ⵟⵟⵔⴰⴷ-ⵏⵏⴻⵖ ⵓⵔⴱⵉⵃ ⵉ ⵓⵙⵍⴻⵍⵍⵉ ⴰⵖⴻⵍⵏⴰⵡ ⵢⴻⵍⵍⴰ-ⴷ ⴷ ⴰⵄⴰⵡⴻⵏ ⴰⵎⴻⵇⵔⴰⵏ ⵉ ⵜⴻⴳⵔⴰⵡⵍⴰ ⵜⴰⵖⴻⵍⵏⴰⵡⵜ ⵢⴻⵔⵏⴰ ⵢⴻⵙⵙⴽⴻⵏ-ⴷ ⵡⴰⵢⴰ ⴰⵣⵔⴰⵄ ⵏ ⵢⵉⵎⴻⵏⵖⵉ ⵉⵎⵙⴻⵍⵍⴻⵃ ⵎⴳⴰⵍ ⵓⵙⵙⴻⵀⵔⴻⵙ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵡⴰⴽⴰⵍ ⴰⵖⴻⵍⵏⴰⵡ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵣⵉⵜⵧⵓⵏⵉ ⴷⴻⴳ ⵜⴳⴻⵔⵎⴰⵏⵜ-ⵏⵏⴻⵙ ⵎⵉ ⵢⴻⴱⴷⴰ ⵓⵙⴰⵔⴰⴳ ⴰⵖⴻⵍⵏⴰⵡ ⵖⴻⴼ « ⵓⴷⵎⴰⵔ ⵏ ⵓⵏⵥⵓⵍ ⴷ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵟⵟⵔⴰⴷ ⵏ ⵓⵙⵍⴻⵍⵍⵉ ».
ⴷⵖⴰ ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ « ⵜⴰⵎⵏⴰⴹⵜ ⵏ ⵓⵏⵥⵓⵍ ⵜⴻⵍⵍⴰ ⴷⴷⴰⵡ ⵕⵕⴰⵢ ⵏ ⵜⵙⵓⵜⴰ ⵜⴰⵎⴻⵣⵡⴰⵔⵓⵜ ⵏ ⵢⵉⵎⵊⴰⵀⴷⴻⵏ, ⴳⴰⵔ-ⴰⵙⴻⵏ ⴰⵎⵊⴰⵀⴻⴷ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ (ⵓⵎⵉ ⵜⵜⵉⵏⵉⵏ ⴰⴱⴷⴻⵍⴽⴰⴷⴻⵔ ⵍⵎⴰⵍⵉ), ⵎⵧⵀⴰⵎⴻⴷ ⵛⵀⴻⵔⵉⴼ ⵎⴻⵙⵙⴰⴰⴷⵉⴰ, ⴰⵀⵎⴻⴷ ⴷⵔⴰⵢⴰ, ⴰⴱⴷⴰⵍⵍⴰⵀ ⴱⴻⵍⵀⵧⵓⵛⵀⴻⵜ, ⴰⵀⵎⴻⴷ ⴱⴻⵏⵙⴻⴱⴳⵓⴻⴳ ⴷ ⵢⵉⵔⴼⵉⵇⴻⵏ ⵏⵉⴹⴻⵏ ⵏ ⵢⵉⵎⴻⵏⵖⵉ, ⵢⴻⵔⵏⴰ ⴰⵢⴰ ⵢⴻⵜⵜⴻⴽⴽⴰ ⵎⵍⵉⵃ ⴷⴻⴳ ⵓⵙⵙⴻⵎⵖⴻⵔ ⵏ ⵢⵉⵎⴻⵏⵖⵉ ⵉⵎⵙⴻⵍⵍⴻⵃ », ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⵓⵇⴱⴻⵍ ⵎⴰ ⵢⵓⵖⴰⵍ ⵓⴷⵎⴰⵔ ⵏ ⵓⵏⵥⵓⵍ ⵢⴻⵙⵄⴰ ⵜⵓⵖⴷⴰⴹⵜ ⴷ ⵜⴰⵙⵓⴷⴷⵙⴰⵏⵜ (ⵉⵙⵜⵔⴰⵜⵉⴵⵉⵢⵢⴰ) ⵉⵎⵉ ⴰⵢ ⵢⵓⵖⴰⵍ ⴷ ⵜⴰⵎⵏⴰⴹⵜ ⵏ ⵓⵄⴰⵡⴻⵏ ⵏ ⵢⵉⵎⵓⵙⵙⴰ ⵏ ⵓⵙⵍⴻⵍⵍⵉ ⵏ ⵜⵎⵓⵔⴰ ⵏ ⵜⴻⴼⵔⵉⵇⵜ ⵜⴰⵍⵇⴰⵢⴰⵏⵜ.
« ⴰⵏⵣⴰⴹ (ⵇⵉⵢⴰⴷⴰ) ⵏ ⵟⵟⵔⴰⴷ ⵏ ⵓⵙⵍⴻⵍⵍⵉ ⵢⴻⵍⵍⴰ ⵢⵓⴽⵉ ⵙ ⵡⴰⵣⴰⵍ ⵏ ⵓⵙⵙⴻⴱⴷⴻⴷ ⵏ ⵓⴷⵎⴰⵔ ⵏ ⵓⵏⵥⵓⵍ ⵉ ⵓⵙⵙⴻⵡⵙⴻⵄ ⵏ ⵢⵉⵎⴻⵏⵖⵉ ⵉⵎⵙⴻⵍⵍⴻⵃ ⵖⴻⵔ ⵡⴰⴽⴽ ⵜⵉⵎⵏⴰⴹⵉⵏ ⵏ ⵡⴰⴽⴰⵍ ⴰⵖⴻⵍⵏⴰⵡ ⵢⴻⵔⵏⴰ ⵢⴻⵥⵔⴰ ⴷⴰⴽⴽⴻⵏ ⵜⵉⵎⵏⴰⴹⵉⵏ ⵏ ⵜⴷⵉⴽⴻⵍⵜ ⴷ ⵓⵀⴰⴳⴳⴰⵔ ⵍⵍⴰⵏⵜ ⵎⴰⵣⴰⵍ ⵛⴼⴰⵏⵜ ⵖⴻⴼ ⵢⵉⵎⴻⵏⵖⵉ-ⵏⵙⴻⵏⵜ (ⵎⴳⴰⵍ ⴼⵕⴰⵏⵙⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ.
ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵔⵔⴰ ⵜⴰⵊⵎⵉⵍⵜ ⵓⵏⴻⵖⵍⴰⴼ ⵉ ⵜⴻⴱⵖⴻⵙⵜ (ⵛⴰⴵⴰⵄⴰ) ⴷ ⵢⵉⵎⴻⵏⵖⵉ ⵓⵔⴱⵉⵃ ⵏ ⵢⵉⵎⴻⵣⴷⴰⵖⴻⵏ ⵏ ⵜⴻⵎⵏⴰⴹⵜ ⵏ ⵜⴷⵉⴽⴻⵍⵜ ⴰⵢ ⵉⵇⵓⴱⵍⴻⵏ ⵉⵖⴰⵍⵍⴻⵏ ⵉⵀⴻⵔⵙⴰⵏⴻⵏ (ⵉⵙⵜⵉⵄⵎⴰⵔⵉⵢⵢⴰ) ⴷⴻⴳ ⵡⴰⵟⴰⵙ ⵏ ⵢⵉⵎⴻⵏⵏⵓⵖⴻⵏ ⵉⵎⵙⴻⵍⵍⵃⴻⵏ, ⴳⴰⵔ-ⴰⵙⴻⵏ ⵡⵉⵏ ⵏ ⴼⴳⵉⴳⵉⵔⴰ ⴷ ⵡⵉⵏ ⵏ ⴷⵖⴰⵎⵛⴰ ⴷⴻⴳ ⵜⴻⵎⵏⴰⴹⵜ ⵏ ⵉⵏ ⵚⴰⵍⴻⵃ, ⴷ ⵢⵉⵎⴻⵏⵖⵉ ⵏ ⵢⵉⵎⴻⵣⴷⴰⵖⴻⵏ ⵏ ⵢⵉⵖⴻⵔⵎⴰⵏ ⵏ ⵜⴻⵎⵏⴰⴹⵜ ⵏ ⵉⵏ Ɣⴰⵔ, ⵡⵉⴷ ⴰⵢ ⵢⵓⵔⴰⵏ ⵉⵙⵎⴰⵡⴻⵏ-ⵏⵙⴻⵏ ⵙ ⵢⵉⵙⴻⴽⴽⵉⵍⴻⵏ ⵏ ⵡⵓⵔⴻⵖ ⴷⴻⴳ ⵓⵎⴻⵣⵔⵓⵢ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ.
ⴰⵖⵍⵉⴼ ⵏ ⵢⵉⵎⵊⴰⵀⴷⴻⵏ ⵍⴰ ⵉⵅⴻⴷⴷⴻⵎ ⴰⴽⴽⴻⵏ ⴰⴷ ⵢⴻⵥⵥⵓ ⴰⵣⴰⵍⴻⵏ ⵏ ⵜⴻⴳⵔⴰⵡⵍⴰ ⵏ 1ⵓ ⵏ ⵏⵡⴻⵎⴱⴻⵕ ⴷ ⵓⵎⵓⵙⵙⵓ ⴰⵖⴻⵍⵏⴰⵡ, ⵢⴻⵔⵏⴰ ⵍⴰ ⴷ-ⵢⴻⵜⵜⵉⵍⵉ ⵡⴰⵢⴰ ⵙ ⵓⵀⴻⵢⵢⵉ ⵏ ⵢⵉⵡⴻⵏ ⵏ ⵡⴰⵀⵉⵍ ⴰⵖⴻⵍⵏⴰⵡ ⵉ ⵓⵙⴼⵓⴳⴻⵍ ⵏ ⵜⴻⴷⵢⴰⵏⵉⵏ ⵜⵉⵎⴻⵇⵔⴰⵏⵉⵏ ⵏ ⵓⵎⴻⵣⵔⵓⵢ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⴰⴼ ⴰⵢ ⴷ-ⵢⴻⴳⵔⴻⵏ ⵜⵉⵖⵔⵉ, ⵉ ⵍⵎⴻⵏⴷ ⵏ ⵡⴰⵢⴰ, ⵉ ⵢⵉⵎⵏⴰⴷⵉⵢⴻⵏ ⴷ ⵢⵉⵏⴻⵍⵎⴰⴷⴻⵏ ⴰⴽⴽⴻⵏ ⴰⴷ ⴷ-ⴰⵙⴻⵏ ⵖⴻⵔ ⵢⵉⵙⴰⵍⴰⵢⴻⵏ (ⵎⴰⵜⴰⵃⵉⴼ) ⵏ ⵢⵉⵎⵊⴰⵀⴷⴻⵏ ⴷ ⵜⵙⵓⴷⴰ (ⵎⵓ’ⴰⵙⵙⴰⵙⴰⵜ) ⵜⵉⵎⴻⵣⵔⵓⵢⴰⵏⵉⵏ ⵢⴻⵍⵍⴰⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴰⴽⴽⴻⵏ ⴰⴷ ⵜⵜⴻⴽⴽⵉⵏ, ⴰⴷ ⴷ-ⴰⴳⵎⴻⵏ ⵏⴻⵖ ⴰⴷ ⴷ-ⵍⴻⵎⴷⴻⵏ ⵖⴻⴼ ⵓⵎⴻⵣⵔⵓⵢ ⵏ ⵍⴷⵣⴰⵢⴻⵔ.
