ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴷⴷⵓⵕⵜ ⵜⵓⵍⵉⵎⵒⵉⵜ « ⴰⴷⴷⴰⵍ-ⴰⵏⵥⵓⵍ »: ⴷ ⵡⴰⵔⴻⴳⵍⴰ ⴰⵢ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵙⴻⵜⵜⴻⴼ ⴰⵎⴰⵜⵓ

ⵡⴰⵔⴻⴳⵍⴰ – ⴷ ⵉⵏⴰⴷⴷⴰⵍⴻⵏ ⵏ ⵜⵡⵉⵍⴰⵢⵜ ⵏ ⵡⴰⵔⴻⴳⵍⴰ ⴰⵢ ⵢⴻⴹⴹⴼⴻⵏ ⴰⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵓⵙⴻⵜⵜⴻⴼ ⴰⵎⴰⵜⵓ ⵏ ⵜⵣⴰⵍⵖⵉⵡⵉⵏ (ⵎⵉⴷⴰⵍⵉⵢⵢⴰⵜ) ⵏ ⴷⴷⵓⵕⵜ ⵜⵓⵍⵉⵎⵉⵜ ⵏ « ⴰⴷⴷⴰⵍ-ⴰⵏⵥⵓⵍ » ⴰⵢ ⵉⴼⵓⴽⴻⵏ ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ ⴷⴻⴳ ⵓⵙⵓⴷⴷⵉⵙ (ⵎⵓⵔⴰⴽⴽⴰⴱ) ⴰⵏⴰⴷⴷⴰⵍ ⵏ ⵜⵖⵉⵡⴰⵏⵜ ⵏ ⵕⵕⵡⵉⵙⴰⵜ (ⴰⵏⵥⵓⵍ-ⴰⴳⵎⵓⴹⴰⵏ ⵏ ⵡⴰⵔⴻⴳⵍⴰ).

ⴰⵎⴽⴰⵏ ⵡⵉⵙ ⵙⵉⵏ ⵉⵚⴰⵃ-ⴷ ⵜⴰⵡⵉⵍⴰⵢⵜ ⵏ ⵜⴱⴻⵙⴽⴻⵔⵜ, ⵎⴰ ⴷ ⵡⵉⵙ ⴽⵔⴰⴹ ⵉⵚⴰⵃ-ⴷ ⵍⴱⴻⵢⵢⴻⴹ ⴷⴻⴳ ⵜⴻⴷⵢⴰⵏⵜ-ⴰ ⵜⴰⵏⴰⴷⴷⴰⵍⵜ ⵏ ⵢⵉⵍⴻⵎⵥⵉⵢⴻⵏ ⴰⵢⴷⴻⴳ ⵜⵜⴻⴽⴽⴰⵏ 1000 ⵏ ⵢⵉⵏⴰⴷⴷⴰⵍⴻⵏ ⵉⵍⴻⵎⵥⵉⵢⴻⵏ (ⵜⵉⵇⵛⵉⵛⵉⵏ ⴷ ⵢⵉⵇⵛⵉⵛⴻⵏ) ⵙⴻⴳ 12 ⵏ ⵜⵡⵉⵍⴰⵢⵉⵏ ⵏ ⵓⵏⵥⵓⵍ (ⴰⴷⵔⴰⵔ, ⴱⴻⵛⵛⴰⵕ, ⵜⵉⴱⴻⵙⴽⴻⵔⵜ, ⵍⴱⴻⵢⵢⴻⴹ, ⵡⴰⴷ ⵙⵓⴼ, ⵜⴰⵖⴻⵔⴷⴰⵢⵜ, ⵉⵍⵍⵉⵣⵉ, ⵍⴻⵖⵡⴰⵟ, ⵜⴰⵎⴻⵏⵖⴻⵙⵜ, ⵜⵉⵏⴷⵓⴼ, ⵏⵏⵄⴰⵎⴰ ⴷ ⵡⴰⵔⴻⴳⵍⴰ).

ⵉⵏⴰⴷⴷⴰⵍⴻⵏ-ⴰ ⵎⵙⴰⵣⵣⵍⴻⵏ 3 ⵏ ⵡⵓⵙⵙⴰⵏ ⴷⴻⴳ ⵡⴰⴷⴷⴰⵍⴻⵏ ⵏ ⵓⵄⵓⵎⵓ, ⴰⴽⴰⵔⴰⵟⵉ, ⴰⵊⵓⴷⵧ, ⵜⴰⵜⵍⵉⵜⵉⵜ, ⵜⴰⵛⵉⵔⵜ ⵏ ⵓⴼⵓⵙ, ⵜⴰⵛⵉⵔⵜ ⵜⴰⵎⴰⴼⴰⴳⵜ ⵏ ⵓⵏⴻⵥⵔⵓⴼ ⴷ ⵓⵜⵉⵏⵉⵙ ⵏ ⵜⴷⴰⴱⵓⵜ (ⵟⴰⵡⵉⵍⴰ).

ⴷⴻⴳ ⵜⴼⵓⴳⵍⴰ (ⵃⴰⴼⵍ) ⵏ ⵓⵅⵜⴰⵎ ⵏ ⵜⴻⴷⵢⴰⵏⵜ-ⴰ, ⵜⴻⵏⵏⴰ-ⴷ ⵜⴳⴻⵏⵙⴰⵙⵜ (ⵎⵓⵎⴰⵜⵜⵉⵍⴰ) ⵏ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴷ ⵓⵏⴰⴷⴷⴰⵍ ⴰⴷⵣⴰⵢⵔⵉ ⴱⴻⵏⵉⴷⴰ-ⵏⵧⵓⵔⵉⴰ ⵎⴻⵔⵔⴰⵀ ⴷⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⴱⵖⴻⵙ (ⵢⵓⵛⴰⴵⴵⴰⵄ) ⵡⴰⴷⴷⴰⵍ ⴷⴻⴳ ⵜⴻⵎⵏⴰⴹⵉⵏ ⵏ ⵓⵏⵥⵓⵍ ⵏ ⵜⵎⵓⵔⵜ ⵙ ⵓⵙⵙⴻⵇⴷⴻⵛ ⵏ ⵡⴰⴽⴽ ⵜⵜⴰⵡⵉⵍⴰⵜ ⴷ ⵓⵙⵙⴻⵡⵊⴻⴷ-ⵏⵙⴻⵏ ⵉ ⵍⴼⴰⵢⴷⴰ ⵏ ⵢⵉⵏⴰⴷⴷⴰⵍⴻⵏ-ⴰ ⵉⵎⴻⵥⵢⴰⵏⴻⵏ ⴰⵢ ⵢⴻⵙⵄⴰⵏ ⵜⵉⵣⴻⵎⵎⴰⵔ ⵜⵉⴼⴻⴽⴽⴰⵏⵉⵏ ⴷ ⵜⴻⵜⵡⵉⵍⴰⵏⵉⵏ ⴷ ⵜⵉⵎⴻⵇⵔⴰⵏⵉⵏ ⵓⵎⵉ ⵢⴻⵙⵙⴻⴼⴽ ⴰⴷ ⵢⴻⵜⵜⵓⵏⴻⴼⴽ ⵡⴰⵣⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵍⵖⵓⵖⵜ-ⴰ ⵜⵓⵍⵉⵎⵒⵉⵜ ⴷⴻⴳ ⵜⴻⵎⵙⵉⵣⵣⴻⵍⵜ ⵏ 1500 ⵏ ⵍⵎⵉⵜⵔⴰⵜ ⴷⴻⴳ ⵡⵓⵔⴰⵔⴻⵏ ⵏ ⵙⵢⴷⵏⴻⵢ ⴷⴻⴳ 2000.

ⵜⴰⵥⵔⵉⴳⵜ (ⵟⴰⴱⵄⴰ) ⵜⵉⵙ 12 ⵏ ⴷⴷⵓⵕⵜ ⵜⵓⵍⵉⵎⵒⵉⵜ « ⴰⴷⴷⴰⵍ-ⴰⵏⵥⵓⵍ » ⵜⴻⵍⵍⴰ-ⴷ ⴳⴰⵔ 20 ⴷ 23 ⴷⵓⵊⴻⵎⴱⴻⵕ ⴷⴻⴳ ⵡⴰⵔⴻⴳⵍⴰ ⵢⴻⵔⵏⴰ ⴷ ⴰⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⴰⵢ ⵜⵜ-ⵉⴳⴰⵏ ⵉ ⵍⵎⴻⵏⴷ ⵏ ⵓⵙⵎⴰⵍ (ⵜⴰⵔⵇⵉⵢⴰ) ⴷ ⵓⵙⴷⵓⵇⵇⴻⵙ ⵏ ⵡⴰⴷⴷⴰⵍ ⴷⴻⴳ ⵓⵏⵥⵓⵍ ⵏ ⵜⵎⵓⵔⵜ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴷ ⵜⴰⴳⵏⵉⵜ ⵉ ⵜⵎⵓⵙⵙⵏⵉ ⵏ ⵢⵉⵏⴰⴷⴷⴰⵍⴻⵏ ⵓⵥⵡⵉⵔⴻⵏ ⵉⵎⴰⵢⵏⵓⵜⴻⵏ.