ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵄⵉⵔⴰⵇ: ⵉⵎⴻⵏⵖⴰⵏ ⵏ ⴷⴰⵄⴻⵛ ⵔⴻⵡⵍⴻⵏ ⵢⵉⵡⴻⵏ ⵏ ⵓⵙⵓⴷⴷⵉⵙ ⴷⴻⴳ ⵔⴰⵎⴰⴷⵉ
ⴱⴻⵖⴷⴰⴷ – ⴰⴽⴽ ⵉⵔⴻⴱⵔⴰⴱⴻⵏ ⵏ ⵜⴻⴳⵔⴰⵡⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ ⴰⵡⴰⵏⴰⴽ ⵉⵙⵍⴰⵎⴰⵏ (ⴷⴰⵄⴻⵛ) ⴼⴼⵖⴻⵏ, ⴰⵙⵙ ⵏ ⵍⵃⴻⴷⴷ, ⵙⴻⴳ ⵢⵉⵡⴻⵏ ⵏ ⵓⵙⵓⴷⴷⵉⵙ (ⵎⵓⵔⴰⴽⴽⴰⴱ) ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵜⴻⵎⴷⵉⵏⵜ ⵏ ⵔⴰⵎⴰⴷⵉ ⴰⵢⵖⴻⴼ ⴷ-ⵣⵣⵉⵏ ⵢⵉⵖⴰⵍⵍⴻⵏ ⵉⵄⵉⵔⴰⵇⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵢⵉⵖⴰⵍⵍⴻⵏ ⵏ ⵜⴻⴷⵖⴻⵔⵜ (ⵏⵓⵅⴱⴰ) ⵏ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ.
« ⴰⴽⴽ ⵉⵎⴻⵏⵖⴰⵏ (ⵎⵓⵇⴰⵜⵉⵍⵉⵏ) ⵏ ⴷⴰⵄⴻⵛ ⴷⴷⴰⵏ. ⵓⵍⴰⵛ ⴰⵣⴱⵓ (ⵎⵓⵇⴰⵡⴰⵎⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵙⴰⴱⴰⵀ ⴰⵍ-ⵏⵓⵎⴰⵏ.
ⴷ ⴰⵛⵓ ⴽⴰⵏ, ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵙⵙⵉⵣⴷⴻⴳ ⵜⴻⵎⵏⴰⴹⵜ-ⴰ ⵙⴻⴳ « ⵍⵎⵉⵏⴰⵜ ⴷ ⵍⴱⵓⵎⴱⴰⵜ ⵢⴻⵏⴷⵉⵏ » ⴰⵢ ⵜⴻⵙⵙⴻⵔⵙ ⴷⴰⵄⴻⵛ ⵓⵇⴱⴻⵍ ⵎⴰ ⵓⴷⴼⴻⵏ ⵢⵉⵙⴻⵔⴷⴰⵙⴻⵏ ⵉⵄⵉⵔⴰⵇⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
« ⵉⵖⴰⵍⵍⴻⵏ-ⵏⵏⴻⵖ ⵣⵣⵉⵏ-ⴷ ⵉ ⵓⵙⵓⴷⴷⵉⵙ-ⵏⵏⵉ ⴰⵏⴰⴱⴹⴰⵏ (ⵃⵓⴽⵓⵎⵉ). ⴹⴹⴼⴻⵏ ⴰⴽⴽ ⴰⴷⴰⴼⴻⵏ ⴷ ⵍⴱⴻⵏⵢⴰⵏⴰⵜ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ ⵓⵇⴱⴻⵍ ⵎⴰ ⵓⴷⴼⴻⵏ ⵖⴻⵔ-ⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⵏⵓⵎⴰⵏ.
ⵔⴰⵎⴰⴷⵉ ⵜⵓⵙⴰ-ⴷ 100 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⵜⴰⵔⴰⵎ (ⵖⴰⵔⴱ) ⵏ ⴱⴻⵖⴷⴰⴷ ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ ⵜⴰⵎⴰⵏⴻⵖⵜ ⵏ ⵜⵏⴻⴱⴹⵉⵜ (ⵎⵓⵇⴰⵟⴰⵄⴰ) ⵏ ⴰⵍ-ⴰⵏⴱⴰⵔ. ⴷ ⵜⴰ ⴰⵢ ⴷ ⵜⴰⵏⴻⴱⴹⵉⵜ ⵜⴰⵎⴻⵇⵔⴰⵏⵜ ⴰⴽⴽ ⵏ ⵄⵉⵔⴰⵇ ⵢⴻⵔⵏⴰ ⵜⴻⵛⵔⴻⴽ ⵜⵉⵍⵉⵙⴰ ⴷ ⵙⵓⵔⵢⴰ, ⵍⵓⵕⴷⵓⵏ ⴷ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ.
