ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⴻⴷⴷⵓ ⵏ 2000 ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ ⴷⴻⴳ 2016

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⴷ ⵜⵎⴻⵔⵔⵉⵜ, ⴰⵎⴰⵔ ⴳⵀⵧⵓⵍ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ, ⴷ ⴰⴽⴽⴻⵏ ⴷⴻⴳ ⵓⵙⴻⴳⴳⴰⵙ ⵏ 2016, ⴰⴷ ⵢⴻⴱⴷⵓ ⵍⴻⴱⵏⵉ ⵏ 2500 ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ (ⵙⵉⵢⴰⵃⴰ) ⴰⴷ ⴷ-ⵢⴻⵔⵏⵓⵏ 500.000 ⵏ ⵡⵓⵙⵓⵜⴻⵏ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴷⴻⴳ ⵜⴳⴰⵔⴰ ⵏ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵙⵙⴻⴼⵇⴻⴷ ⵏ ⵡⴰⵛⵃⴰⵍ ⵏ ⵢⵉⵎⵓⴽⴰⵏ ⵏ ⵜⵎⴻⵔⵔⵉⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵄⴰⵡⴻⵏ ⵉ ⵓⵙⵙⴻⴼⵜⵉ ⴷⴻⴳ ⵜⵎⴻⵔⵔⵉⵜ ⴰⴽⴽⴻⵏ ⴰⴷ ⵢⴻⵞⵞⴰⵕ ⵢⵉⵍⴻⵎ » ⵢⴻⵍⵍⴰⵏ ⴷⴻⴳ ⵢⵉⵙⴻⵏⵙⴰ (ⴼⴰⵏⴰⴷⵉⵇ) ⵢⴻⵔⵏⴰ ⴰⴷ ⵢⴻⵜⵜⵡⴰⵙⵙⴻⵕⵡⵓ ⵓⵙⵙⵓⵜⴻⵔ ⵏ ⵢⵉⵎⴻⵔⵔⴰⵢⴻⵏ.

« ⵓⴳⴰⵔ ⵏ 1000 ⵏ ⵢⵉⵙⴻⵏⴼⴰⵔⴻⵏ ⵉⵎⴰⵢⵏⵓⵜⴻⵏ ⵏ ⵜⵎⴻⵔⵔⵉⵜ ⴰⴷ ⴷ-ⵉⵡⴻⵊⴷⴻⵏ ⴳⴰⵔ 2016 ⴷ 2017 ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵎⴰⵙⵙ ⴳⵀⵧⵓⵍ ⴰⵢ ⴷ-ⵉⴳⵔⴻⵏ ⵜⵉⵖⵔⵉ ⵉ « ⵓⵙⵙⴻⴵⵀⴻⴷ ⵏ ⵜⵎⴻⵔⵔⵉⵜ ⵜⴰⴷⵉⴳⴰⵏⵜ (ⵎⴰⵃⴰⵍⵍⵉⵢⵢⴰ) ⵙ ⵍⴻⴱⵏⵉ ⵏ ⵢⵉⵙⴻⵏⵙⴰ ⵏ 3 ⵏ ⵢⵉⵜⵔⴰⵏ ».

ⴷⵖⴰ ⵢⴻⵙⵎⴻⴽⵜⵉ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷ ⴰⴽⴽⴻⵏ « 1200 ⵏ ⵢⵉⵙⴻⵏⵙⴰ ⵏ ⵜⵎⴻⵔⵔⵉⵜ (1 ⴷ 2 ⵏ ⵢⵉⵜⵔⴰⵏ) ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⵉ ⵓⵎⵎⴰⴳⴻⵔ ⵏ ⵢⵉⵎⴻⵔⵔⴰⵢⴻⵏ ⵢⴻⵙⵄⴰⵏ ⴰⵎⴻⴷⵅⵓⵍ ⴷ ⴰⵍⴻⵎⵎⴰⵙ ⴰⴽⴽⴻⵏ ⴰⴷ ⵣⴻⵎⵔⴻⵏ ⴰⴷ ⵙⵙⵏⴻⵏ ⵉⵎⵓⴽⴰⵏ ⵏ ⵜⵎⴻⵔⵔⵉⵜ ⴷⴻⴳ ⵍⴻⵣⵣⴰⵢⴻⵔ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵃⴻⵜⵜⴻⵜ-ⴷ ⵓⵏⴻⵖⵍⴰⴼ ⵖⴻⴼ « ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⴷⴻⴳ ⵍⴻⴱⵏⵉ ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ ⴷ ⵓⵙⵙⴻⵍⵀⵓ ⵏ ⵜⵖⴰⵔⴰ ⵏ ⵢⵉⵎⴻⵥⵍⴰ (ⵅⴰⴷⴰⵎⴰⵜ) ⴷ ⵓⵙⵙⵉⵍⴻⵖ ⵢⴻⵎⵎⵓⵣⵣⴳⴻⵏ (ⵜⴰⴽⵡⵉⵏ ⵎⵓⵜⴰⵅⴰⵚⵚⵉⵚ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ « ⵓⵔ ⵢⴻⵣⵎⵉⵔ ⴰⵔⴰ ⴰⴷ ⵢⴻⵜⵜⵓⵏⴻⴼⴽ ⵜⵜⴻⵙⵔⵉⵃ ⵏ ⵓⵖⴻⵍⵍⵉⵜ ⵉ ⵓⵙⵓⴷⴷⵉⵙ ⵏ ⵜⵎⴻⵔⵔⵉⵜ ⵎⴰ ⵢⴻⵍⵍⴰ ⵓⵔ ⵉⴳⵉ ⴰⵔⴰ ⴰⵙⵙⵉⵍⴻⵖ ⵉ ⵢⵉⵅⴻⴷⴷⴰⵎⴻⵏ-ⵏⵏⴻⵙ ».