ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵜⴻⵏⵢⵉ ⵏ ⵍⵇⴰⵏⵓⵏ ⴰⵖⵍⵉⴼⴰⵏ ⵉ ⵓⵔⴻⵟⵟⴰⵍ ⵉ ⵜⵉⵖⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵖⵜⴰⵙ ⴰⵖⵍⵉⴼⴰⵏ (ⵎⴰⵔⵙⵓⵎ ⵡⵉⵣⴰⵔⵉ) ⴰⵢ ⴷ-ⵢⴻⵙⵙⴻⴼⵔⴰⵏ ⵛⵛⵓⵔⵓⴹ ⵏ ⵓⵔⴻⴹⴹⴰⵍ ⵏ ⵢⵉⴷⵔⵉⵎⴻⵏ ⵉ ⵜⵉⵖⵉⵏ, ⵙⵜⴻⵏⵢⴰⵏ-ⴷ ⴰⵙⵙ ⵏ ⵍⴻⵅⵎⵉⵙ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵏⴻⵖⵍⴰⴼⴻⵏ ⵏ ⵜⵏⴻⵣⵣⵓⵜ, ⵏ ⵜⴻⴷⵔⵉⵎⵜ ⴷ ⵜⴻⵎⴳⵓⵔⵉ (ⵚⵉⵏⴰⵄⴰ).

ⴰⵖⵜⴰⵙ-ⴰ ⵍⵍⴰⵏ ⴷⴻⴳ-ⵙ 5 ⵏ ⵢⵉⵎⴰⴳⵔⴰⴷⴻⵏ (ⵎⴰⵡⴰⴷⴷ) ⵢⴻⵔⵏⴰ ⵜⵜⵡⴰⴱⴻⴷⵔⴻⵏ-ⴷ ⴷⴻⴳ-ⵙ ⵢⵉⴼⴰⵔⵉⵙⴻⵏ (ⵎⴰⵏⵜⵓⴵⴰⵜ) ⵉⵎⴳⵓⵔⴰⵏⴻⵏ ⴰⵢ ⴷ-ⵢⴻⵜⵜⵡⴰⵅⴻⴷⵎⴻⵏ ⵏⴻⵖ ⵜⵜⵡⴰⵕⴻⴽⴽⴱⴻⵏ ⴷⴻⴳ ⵍⴻⵣⵣⴰⵢⴻⵔ ⴰⵢ ⵣⴻⵎⵔⴻⵏ ⴰⴷ ⵜⴻⵏ-ⵉⴷ-ⴰⵖⴻⵏ ⵎⴻⴷⴷⴻⵏ ⵙ ⵢⵉⴷⵔⵉⵎⴻⵏ-ⴰ ⵏ ⵓⵔⴻⴹⴹⴰⵍ.

ⵓⵎⵓⵖ-ⴰ (ⵇⴰ’ⵉⵎⴰ) ⴷⴷⴰⵏⵜ-ⴷ ⴷⴻⴳ-ⵙ 7 ⵏ ⵜⴰⴳⴳⴰⵢⵉⵏ (ⵎⴰⵔⴰⵜⵉⴱ) ⵏ ⵢⵉⴼⴰⵔⵉⵙⴻⵏ ⴰⵎ ⵜⴽⴻⵕⵕⵓⵙⵉⵏ, ⵉⵙⴻⵍⴽⵉⵎⴻⵏ, ⵜⵉⵖⴰⵡⵙⵉⵡⵉⵏ ⵏ ⵏ ⵜⵔⵉⵙⵉⵜⵉ ⵏ ⵓⵅⵅⴰⵎ, ⵉⵔⵓⴽⴰ ⴷ ⵜⵏⴻⴳⵡⴰ ⵏ ⵍⴱⴻⵏⵢⴰⵏ.

ⴰⵏⴻⵖⵍⴰⴼ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ), ⴱⴰⴽⵀⵜⵉ ⴱⴻⵍⴰⵉⴱ, ⵉⵅⴻⴱⴱⴻⵔ-ⴷ ⴷ ⴰⴽⴽⴻⵏ ⵓⵎⵓⵖ-ⴰ ⵏ ⵢⵉⴼⴰⵔⵉⵙⴻⵏ « ⴰⴷ ⵢⵉⵎⵖⵓⵔ ⵙⵉⵎⴰⵍ ⵢⴻⵜⵜⵏⴻⵔⵏⵉ ⵓⴼⴰⵔⴻⵙ (ⵉⵏⵜⴰⴵ) » ⴷⴻⴳ ⵍⴻⵣⵣⴰⵢⴻⵔ.

ⴰⵔⴻⴹⴹⴰⵍ-ⴰ ⴰⴷ ⴷ-ⵢⵓⵖⴰⵍ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ, ⵢⴻⵔⵏⴰ ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⴷⵔⵉⵎⵜ, ⴰⴱⴷⴻⵔⵔⴰⵀⵎⴰⵏⴻ ⴱⴻⵏⴽⵀⴰⵍⴼⴰ, ⴷ ⴰⴽⴽⴻⵏ ⴰⵔⴻⴹⴹⴰⵍ-ⴰ ⴰⴷ ⵢⵉⵍⵉ ⴷ ⵜⵜⴰⵡⵉⵍ ⵉ ⵓⵄⴰⵡⴻⵏ ⵏ ⵜⴻⵣⵎⴻⵔⵜ ⵏ ⵜⵉⵖⵉⵏ ⵏ ⵢⵉⴷⵣⴰⵢⵔⵉⵢⴻⵏ ⵢⴻⵔⵏⴰ ⴷ « ⴰⵃⴻⵣⵣⵉⴱ ⵉ ⵓⵃⵔⴰⵣ ⴷ ⵓⵙⵏⴻⵔⵏⵉ ⵏ ⵓⴼⴰⵔⵉⵙ ⴰⵖⴻⵍⵏⴰⵡ ».

ⴷ ⴰⵛⵓ ⴽⴰⵏ, ⵢⴻⵙⵙⴰⵔⴻⵎ ⴷⴰⵖ ⵜⵉⵡⴰⵛⵓⵍⵉⵏ ⴰⴷ ⵙⵙⴻⴷⴷⵓⵏⵜ ⴰⵚⴻⵔⵔⴻⴼ-ⵏⵙⴻⵏⵜ ⵙ « ⵓⵃⴻⵣⵣⴻⴱ » ⴷ « ⵍⴻⵃⴷⴻⵔ » ⴰⴽⴽⴻⵏ ⵓⵔ ⵜⴻⵜⵜⵉⵎⵖⵓⵔ ⴰⵔⴰ ⴹⴹⵍⴰⴱⴰ-ⵏⵙⴻⵏⵜ.

ⵎⴰ ⴷ ⴰⵏⴻⵖⵍⴰⴼ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ) ⴷ ⵍⵎⵉⵏⴰⵜ, ⴰⴱⴷⴻⵙⵙⴰⵍⴰⵎ ⴱⵧⵓⵛⵀⵧⵓⴰⵔⴻⴱ, ⵢⴻⵙⵙⵓⵎⴻⵔ-ⴷ (ⵉⵇⵜⴰⵔⴰⵃⴰ) ⴰⴷ ⵢⵉⵍⵉ ⵓⵏⴰⴳⵔⴰⵡ ⴰⵢⴷⴻⴳ ⵜⵉⵙⵓⴷⴰ ⵏ ⵓⵡⴰⵏⴰⴽ ⴰⴷ ⵄⴰⵡⴷⴻⵏⵜ ⴰⴷ ⵡⴻⵀⵀⵉⵏⵜ ⵎⴻⴷⴷⴻⵏ ⵖⴻⵔ ⵜⵉⵖⵉⵏ ⵏ ⵙⵙⴻⵍⵄⴰ ⵜⴰⵖⴻⵍⵏⴰⵡⵜ, ⵉⵎⵉ ⴰⵢⴰ ⴰⴷ ⵢⴻⴵⴵ ⴰⴼⴰⵔⴻⵙ ⴰⵖⴻⵍⵏⴰⵡ ⴰⴷ ⵢⴻⵔⵏⵓ ⴷⴻⴳ ⵓⵅⴻⴷⴷⵉⵎ-ⵏⵏⴻⵙ.