ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵓⵔⵢⴰ: ⵎⴰⵣⴰⵍ ⴰⴷ ⵔⵏⵓⵏ ⴰⴷ ⵙⵙⵉⵡⴹⴻⵏ ⵍⴻⵎⵄⴰⵡⵏⴰ ⵖⴻⵔ ⵜⴻⵎⴷⵉⵏⵜ ⵏ ⵎⴰⴷⴰⵢⴰ

ⵏⴻⵡ ⵢⵧⵔⴽ (ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⵏⵏⴰⵏⵜ-ⴷ ⵜⵏⴻⴳⴳⵉⵡⵉⵏ ⵜⴰⵍⵙⴰⵏⵉⵏ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵙⵙ ⵏ ⵜⵜⵍⴰⵜⴰ, ⴷ ⴰⴽⴽⴻⵏ ⵎⴰⵣⴰⵍ ⴰⴷ ⴽⴻⵎⵎⵍⴻⵏⵜ ⴰⴷ ⵙⵙⵉⵡⴹⴻⵏⵜ ⵍⴻⵎⵄⴰⵡⵏⴰ ⵜⴰⵍⵙⴰⵏⵜ ⵖⴻⵔ ⵜⴻⵎⴷⵉⵏⵜ ⵢⴻⵜⵜⵡⴰⵙⵙⵓⵜⵍⴻⵏ (ⵎⵓⵃⴰⵚⴰⵔⴰ) ⵏ ⵎⴰⴷⴰⵢⴰ (ⴷⴻⴳ ⵙⵓⵔⵢⴰ) ⴷⴷⵓⵕⵜ-ⴰ ⴰⴽⴽⴻⵏ ⴰⴷ ⵄⴰⵡⵏⴻⵏ ⵉⵎⴻⵣⴷⴰⵖⴻⵏ-ⵏⵏⴻⵙ.

ⵜⴻⵇⵍⴻⵄ ⵢⵉⵡⴻⵜ ⵏ ⵜⵙⴻⴳⵍⵉⵜ ⵏ 47 ⵏ ⵢⵉⴽⴰⵎⵢⵓⵏⴻⵏ ⵙⴻⴳ ⴷⵉⵎⴻⵛⵇ ⵢⴻⵔⵏⴰ ⵜⴻⵡⵡⴻⴹ ⴰⵙⵙ ⵏ ⵍⴻⵜⵏⵉⵢⴻⵏ ⵖⴻⵔ ⵎⴰⴷⴰⵢⴰ ⵡⵓⵖⵓⵔ ⴰⵢ ⵙⵙⴰⵡⴹⴻⵏ ⵍⴻⵎⵄⴰⵡⵏⴰ ⵉ 40.000 ⵏ ⵢⵉⵎⴷⴰⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⵓⵜⵍⴰⵢ (ⵏⴰⵟⵉⵇ) ⵏ ⵜⵏⴰⵔⵉⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⴻⵎⵢⵓⴷⴷⴻⵙ ⵏ ⵜⵖⴰⵡⵙⵉⵡⵉⵏ ⵜⴰⵍⵙⴰⵏⵉⵏ (ⵧⵛⵀⴰ), ⵊⴻⵏⵙ ⵍⴰⵔⴽⴻ, ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵜⵖⴻⵎⵙⴰ ⴷⴻⴳ ⴳⴻⵏⴻⵠⴻ.

ⵜⴻⵇⵍⴻⵄ ⴷⴰⵖ ⵜⵙⴻⴳⵍⵉⵜ ⵏⵉⴹⴻⵏ ⵏ 21 ⵏ ⵢⵉⴽⴰⵎⵢⵓⵏⴻⵏ ⵙⴻⴳ ⵃⵓⵎⵚ ⵢⴻⵔⵏⴰ ⵜⴻⵡⵡⴻⴹ ⵖⴻⵔ ⵜⴻⵎⴷⵉⵏⵉⵏ ⵏ ⴼⵧⴰⵀ ⴷ ⴽⴻⴼⵔⴰⵢⴰ (ⴷⴻⴳ ⵜⵏⴻⴱⴹⵉⵜ ⵏ ⵉⴷⵍⵉⴱ), ⴰⵏⴷⴰ ⴰⵢ ⵙⵙⴰⵡⴹⴻⵏⵜ ⵍⴻⵎⵄⴰⵡⵏⴰ ⵉ 20.000 ⵏ ⵢⵉⵎⴷⴰⵏⴻⵏ, ⵢⴻⵔⵏⴰ ⴷⵉⵏⴷⵉⵏ ⴽⴰⵏ ⵜⴻⵜⵜⵡⴰⴼⵔⴻⵇ ⵍⴻⵎⵄⴰⵡⵏⴰ-ⵏⵏⵉ.

« ⴷ ⵜⴰ ⴰⵢ ⴷ ⵍⴻⵎⵄⴰⵡⵏⴰ ⵜⴰⵍⵙⴰⵏⵜ ⵜⴰⵎⴻⵣⵡⴰⵔⵓⵜ ⴰⴷ ⵢⴰⵡⴹⴻⵏ ⵖⴻⵔ ⵢⵉⵎⵓⴽⴰⵏ-ⴰ ⵙⴻⴳ ⵜⵓⴱⴻⵕ ⵢⴻⵣⵔⵉⵏ. ⵉⵅⴻⴷⴷⴰⵎⴻⵏ ⵏ ⵍⴻⵎⵄⴰⵡⵏⴰ ⴰⵢ ⵢⴻⴷⴷⴰⵏ ⴷⴻⴳ ⵜⵙⴻⴳⵍⵉⵜ-ⵏⵏⵉ ⵏ ⵎⴰⴷⴰⵢⴰ ⵏⵏⴰⵏ-ⴷ ⴷ ⴰⴽⴽⴻⵏ ⵎⴻⴷⴷⴻⵏ ⵢⴻⵍⵍⴰⵏ ⴷⵉⵏ ⴰⵜⵏⵉ ⴷⴻⴳ ⵜⴻⴳⵏⵉⵜ ⵏ ⵍⵃⵉⴼ ⴷ ⵜⴰⵎⴻⵇⵔⴰⵏⵜ ⵢⴻⵔⵏⴰ ⵉⴳⴻⵔⴷⴰⵏ-ⵏⵙⴻⵏ ⵏⴹⴻⵔⵔⴻⵏ ⵎⵍⵉⵃ ⵙⴻⴳ ⵍⴰⵥ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵔⴽⴻ.

ⵎⴰ ⴷ ⴰⴳⴻⵏⵙⴰⵙ (ⵎⵓⵎⴰⵜⵉⵍ) ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⵊⴽⴽⵍⴻⵏ ⵉ ⵢⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⴷⴻⴳ ⵙⵓⵔⵢⴰ, ⵙⴰⵊⵊⴰⴷ ⵎⴰⵍⵉⴽ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⴳⵏⵉⵜ ⵏ ⵎⴰⴷⴰⵢⴰ « ⵜⴻⵙⵙⴻⵅⵍⴰⵄ », ⴷⴻⴼⴼⵉⵔ ⵎⴰ ⵢⴻⵔⵣⴰ ⵖⴻⴼ ⵜⴻⵎⴷⵉⵏⵜ-ⴰ ⴰⵙⵙ ⵏ ⵍⴻⵜⵏⵉⵢⴻⵏ.

« ⵓⵔ ⵜⴻⵍⵍⵉ ⴰⵔⴰ ⵜⴰⴼⴰⵜ. ⵍⵃⴰⵍ ⵢⴻⵍⵍⴰ ⵙⴻⵎⵎⴻⴹ ⵎⵍⵉⵃ. ⵉⵎⴷⴰⵏⴻⵏ ⴰⵢ ⴷ-ⵢⴻⵎⵙⴻⴳⵔⴰⵡⴻⵏ ⵖⴻⴼ ⵢⵉⴽⴰⵎⵢⵓⵏⴻⵏ ⵎⵉ ⴷ-ⵙⵙⴻⵔⵙⴻⵏ ⵍⴻⵎⵄⴰⵡⵏⴰ ⵍⵍⴰⵏ ⴷ ⵉⵔⵇⴰⵇⴻⵏ ⵎⵍⵉⵃ, ⴼⴻⵛⵍⴻⵏ, ⵍⵍⵓⵥⴻⵏ ⵢⴻⵔⵏⴰ ⵜⵜⴻⵔⴳⵉⴳⵉⵏ. ⵓⵔ ⴷ-ⵢⴻⴳⴳⵔⵉ ⵡⴰⵛⴻⵎⵎⴰ ⴰⴷ ⵜ-ⵞⵞⴻⵏ ⴷⴻⴳ ⵜⴻⵎⴷⵉⵏⵜ. ⴷⴰ ⴰⵢⵢⵓⵔⴻⵏ ⴰⵢⴰ ⵙⴻⴳ ⵡⴰⵙⵎⵉ ⵓⵔ ⵙⵄⵉⵏ ⵎⴻⴷⴷⴻⵏ ⴰⵖⵔⵓⵎ, ⵡⴰⵍⴰ ⵕⵕⵓⵣ, ⵡⴰⵍⴰ ⵍⵅⴻⴹⵔⴰ, ⵡⴰⵍⴰ ⵍⴼⴰⴽⵢⴰ ».

ⵎⴰⵣⴰⵍ ⵔⵏⵓⵏⵜ ⵙⵏⴰⵜ ⵏ ⵜⵙⴻⴳⵍⵉⵡⵉⵏ ⵏⵉⴹⴻⵏ ⵏ ⵍⴻⵎⵄⴰⵡⵏⴰ. ⵢⵉⵡⴻⵜ ⴰⴷ ⵜⴻⴷⴷⵓ ⴰⵙⵙ ⵏ ⵍⴻⵅⵎⵉⵙ, ⵎⴰ ⴷ ⵜⴰⵢⴻⴹ, ⴰⵙⵙ ⵏ ⵍⵃⴻⴷⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⵎⵓⵜⵍⴰⵢⵜ ⵏ ⵡⴰⵀⵉⵍ ⴰⵎⴰⴹⵍⴰⵏ ⵏ ⵜⵓⵞⵞⵉⵜ, ⴱⴻⵜⵜⵉⵏⴰ ⵍⵓⴻⵙⵛⵀⴻⵔ.