ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
Seg Tasanayt s tmaziɣt imunen
ⵜⴰⵅⴰⵣⴰⴱⵉⵜ ⴷⴻⴳ ⵊⴰⴽⴰⵔⵟⴰ : ⵙⵉⵏ ⵢⵉⵣⵣⴰⵢⵔⵉⵢⴻⵏ ⴷⴷⴰⵏ-ⴷ ⴷⴻⴳ ⵓⵎⵓⵖ ⵏ ⵜⴻⵖⵜⴰⵙ (ⴰⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ)
ⵍⴻⵣⵣⴰⵢⴻⵔ – ⵙⵉⵏ (2) ⵢⵉⵣⵣⴰⵢⵔⵉⵢⴻⵏ ⴷⴷⴰⵏ-ⴷ ⴷⴻⴳ ⵓⵎⵓⵖ ⵏ ⵜⴻⵖⵜⴰⵙ ⵏ ⵜⵅⴰⵣⴰⴱⵉⵜ ⴳⴰⵏ ⵉⵔⴻⴱⵔⴰⴱⴻⵏ, ⴰⵙⵙ ⵏ ⵍⴻⵅⵎⵉⵙ ⵜⴰⵏⵣⴰⵢⵜ, ⴷⴻⴳ ⵊⴰⴽⴰⵔⵟⴰ (ⴰⵏⴷⵓⵏⵉⵙⵢⴰ), ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ (ⵎⴰⴻ).
‘’ⵜⵉⵍⵖⴰ ⵉ ⴷ-ⵙⴳⴻⵔⵡⴻⵏ ⵏⵏⴰⵏⵜ-ⴷ ⴱⴻⵍⵍⵉ ⵍⵉⵃⴰⵍⴰ ⵉ ⵖⴻⵔ ⵏⴻⵙⵙⴰⵡⴻⴹ ⴷ ⵢⵉⵡⴻⵜ ⵏ ⵜⴻⵖⵜⴻⵙⵜ ⵜⴻⵎⵎⵓⵜ ⵎⴰ ⴷ ⵜⴰⵢⴻⴹ ⵜⴻⵊⵔⴻⵃ’’, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.
ⴰⵎⵎⴰⵙ ⵉ ⴷ-ⵢⴻⵍⵀⴰⵏ ⵙ ⵓⵙⴻⴼⵔⴻⴽ ⵏ ⵜⴻⵣⵖⵉⵏⵉⵏ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ ⵙ ⵜⵎⴰⵀⴻⵍⵜ ⵏ ⵍⴻⵣⵣⴰⵢⴻⵔ ⴷⴻⴳ ⵊⴰⴽⴰⵔⵟⴰ, ‘’ⵜⴳⴰ ⴰⵏⴻⵔⵎⵉⵙ ⴰⴽⴽⴻⴷ ⵢⵉⴷⵓⴱⴰ ⵉⵏⴷⵓⵏⵉⵙⵉⵢⴻⵏ ⴰⴽⴽⴻⵏ ⴰⴷ ⵙⵏⴻⵇⴷⴻⵏ ⵓⵎⵓⵖ ⴰⴽⴽⴻⵏ ⴰⴷ ⵥⵔⴻⵏ ⵜⴰⵎⴰⴳⵉⵜ-ⵏⵙⴻⵏ ⵙ ⵜⵙⴻⴷⴷⵉ’’, ⵉ ⵜⴻⵔⵏⴰ ⵜⴻⵏⵏⴰ-ⴷ ⵜⴻⵖⴱⴰⵍⵓⵜ-ⵏⵏⵉ.
