ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵔⵣⵉ ⵏ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵓⵛⵧⵏⴳⵔⴻⵙⵙ ⴰⵎⴰⵔⵉⴽⴰⵏⵉ ⵖⴻⴼ ⵢⵉⵚⴻⵃⵔⴰⵡⵉⵢⴻⵏ ⴳⴰⵔ 15 ⴷ 20 ⵢⴻⵏⵏⴰⵢⴻⵔ

ⵡⴰⵙⵀⵉⵏⴳⵜⵧⵏ – ⴰⴷ ⵜⴻⵔⵣⵓ ⵢⵉⵡⴻⵜ ⵏ ⵜⴻⴳⵔⴰⵡⵜ ⵎⴻⵖⵖⵔⴻⵏ ⵏ ⵓⵛⵧⵏⴳⵔⴻⵙⵙ ⴰⵎⴰⵔⵉⴽⴰⵏⵉ, ⵙⴻⴳ 15 ⵖⴻⵔ 20 ⵏ ⵢⴻⵏⵏⴰⵢⴻⵔ ⵖⴻⴼ ⵢⵉⴳⵔⵓⵔⴻⵏ (ⵎⵓⵅⴰⵢⵢⴰⵎⴰⵜ) ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ ⵡⵉⴷ ⴰⵢ ⴷ-ⵢⴻⵍⵀⴰⵏ ⵙ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⵏ ⵜⴻⵔⵣⵉ-ⴰ ⴰⵙⵙ ⵏ ⵍⴻⵅⵎⵉⵙ.

ⵜⴰⴳⵔⴰⵡⵜ-ⴰ ⵍⵍⴰⵏ ⴷⴻⴳ-ⵙ ⴰⵟⴰⵙ ⵙⴻⴳ ⵢⵉⵏⴻⵚⵚⴰⵃⴻⵏ ⵏ ⵢⵉⵎⴰⵙⵍⴰⴹⴻⵏ (ⴰⵄⴹⴰ’) ⵏ ⵓⵛⵧⵏⴳⵔⴻⵙⵙ, ⴰⵎⴰ ⵙⴻⴳ ⵓⴽⴰⴱⴰⵔ ⴰⵎⴻⴳⴷⵓ, ⴰⵎⴰ ⵙⴻⴳ ⵓⴽⴰⴱⴰⵔ ⴰⴳⴷⵓⴷⴰⵏ, ⵢⴻⵔⵏⴰ ⵡⵉ ⴰⴽⴽ ⴷ ⵉⵎⴻⴷⴷⵓⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵓⴷⴷⵙⴰ ⵜⴰⵔⵏⴰⴱⴰⴹⵜ (ⵖⴰⵔ ⵃⵓⴽⵓⵎⵉⵢⵢⴰ) ⵏ ⴷⴻⴼⴻⵏⵙⴻ ⴼⵧⵔⵓⵎ ⴼⵧⵓⵏⴷⴰⵜⵉⵧⵏ, ⴰⵢ ⴷ-ⵢⴻⵍⵀⴰⵏ ⵙ ⵓⵙⵙⵓⴷⴷⴻⵙ ⵏ ⵜⴻⵔⵣⵉ-ⴰ.

ⵉⵏⴻⵚⵚⴰⵃⴻⵏ-ⴰ ⵏ ⵢⵉⵎⴰⵙⵍⴰⴹⴻⵏ ⵏ ⵓⵛⵧⵏⴳⵔⴻⵙⵙ ⴰⴷ ⴷ-ⵔⵣⵓⵏ ⴷⴰⵖ ⵖⴻⴼ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵙ ⵓⵏⴻⵄⵕⵓⴹ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴷⵣⴰⵢⵔⵉ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⴷ ⵓⵖⵔⴻⴼ ⴰⵚⴻⵃⵔⴰⵡⵉ.

ⵉⵙⵡⵉ ⵏ ⵜⴻⵔⵣⵉ-ⴰ ⵏⴻⵜⵜⴰⵜ ⴷ ⴰⴱⴷⴰⴷ ⵖⴻⵔ ⵢⵉⴷⵉⵙ ⵏ ⵢⵉⵙⵙⵓⵜⵔⴻⵏ ⵓⵣⵔⵉⴼⴻⵏ (ⵛⴰⵔⵄⵉⵢⵢⴰ) ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴰⵢ ⵍⴰ ⵢⴻⵜⵜⵏⴰⵖⴻⵏ ⵉ ⵍⵎⴻⵏⴷ ⵏ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ). ⵜⵉⵔⵣⵉ-ⴰ ⴰⴷ ⴷ-ⵜⴻⵙⵙⴽⴻⵏ ⴷⴰⵖ ⴷ ⴰⴽⴽⴻⵏ ⵡⵉⴷ ⴰⴷ ⵢⴻⵜⵜⴻⴽⴽⵉⵏ ⴷⴻⴳ-ⵙ ⵓⴳⵉⵏ ⵜⴰⵙⴻⵔⵜⵉⵜ ⵜⴰⵎⴻⵕⵕⵓⴽⵉⵜ ⵏ ⵓⵙⵙⴻⵀⵔⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵓⴷⴷⵙⴰ ⵏ ⴷⴻⴼⴻⵏⵙⴻ ⴼⵧⵔⵓⵎ ⴼⵧⵓⵏⴷⴰⵜⵉⵧⵏ ⴰⵢ ⵍⴰ ⵢⴻⴽⴽⴰⵜⴻⵏ ⵉ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ.

ⵜⵉⵔⵣⵉ-ⴰ ⵏ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵢⴻⵍⵍⴰ-ⴷ ⴽⵔⴰ ⴽⴰⵏ ⵏ ⵡⵓⵙⵙⴰⵏ ⴷⴻⴼⴼⵉⵔ ⵎⴰ ⵢⵓⴳⵉ ⵓⵖⵍⵉⴼ ⴰⵎⴰⵔⵉⴽⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴰⴷ ⵜⵜⵡⴰⵙⵇⴻⴷⵛⴻⵏ ⵢⵉⴷⵔⵉⵎⴻⵏ ⴰⵢ ⴷ-ⵜⴻⴼⴽⴰ ⵡⴰⵙⵀⵉⵏⴳⵜⵧⵏ ⵉ ⵎⴻⵕⵕⵓⴽ ⴷⴻⴳ ⵍⴻⵛⵖⴰⵍ ⵢⴻⵔⵣⴰⵏ ⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ.

ⴰⵖⵍⵉⴼ ⴰⵎⴰⵔⵉⴽⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⴻⵎⵄⴰⵡⵏⴰ-ⴰ ⴰⵢ ⴷ-ⴼⴽⴰⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ ⵉ ⵎⴻⵕⵕⵓⴽ ⵓⵔ ⵜⴻⵣⵎⵉⵔ ⴰⵔⴰ ⴰⴷ ⵜⴻⵜⵜⵡⴰⵙⵙⴻⵇⴷⴻⵛ ⴷⴻⴳ ⵡⴰⴽⴰⵍ ⵓⵔ ⵢⴻⵙⵄⵉⵏ ⴰⵔⴰ ⴰⵥⴰⵢⴻⵔ ⵓⵙⴹⵉⴼ (ⵡⴰⴹⵄ ⵇⴰⵏⵓⵏⵉ) ⵉⴱⴰⵏⴻⵏ, ⵍⴰⴷⵖⴰ ⵉⵎⵉ ⴰⴽⴰⵍ-ⵏⵏⵉ ⵢⴻⵍⵍⴰ-ⴷ ⴼⴻⵍⵍ-ⴰⵙ ⵓⴽⴰⵍⴰ (ⵎⴰⵙⴰⵔ) ⵉ ⵍⵎⴻⵏⴷ ⵏ ⵓⴳⴳⵓⵛⵛⴻⵍⵎⴰⵏ ⵏ ⵓⵖⵔⴻⴼ-ⵏⵏⴻⵙ.