ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵛⵛⵓⵔⴽⴰ ⵜⴰⴷⵣⴰⵢⵔⵉⵜ-ⵜⴰⵛⵉⵏⵡⴰⵜ ⵉ ⵍⴻⴱⵏⵉ ⵏ ⵓⵙⴰⴳⴻⵏ ⵏ ⵜⵍⴻⵎⵎⴰⵙⵜ ⵏ ⵍⵃⴻⵎⴷⴰⵏⴻⵢⵢⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵙⵜⴻⵏⵢⴰ ⵜⴻⴳⵔⴰⵡⵜ ⵜⴰⵖⴻⵍⵏⴰⵡⵜ ⵏ ⵢⵉⵎⴻⵥⵍⴰ ⵉⵙⴰⴳⵏⴰⵏⴻⵏ (ⵍⴻⵣⵣⴰⵢⴻⵔ) ⵢⵉⵡⴻⵏ ⵏ ⵓⵎⵜⴰⵡⴰ (ⵉⵜⵜⵉⴼⴰⵇ) ⴷ ⵙⵏⴰⵜ ⵏ ⵜⴻⵕⵎⵉⵙⵉⵏ ⵜⵉⵛⵉⵏⵡⴰⵜⵉⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⵉ ⵍⴻⴱⵏⵉ ⵏ ⵢⵉⵡⴻⵏ ⵏ ⵓⵙⴰⴳⴻⵏ (ⵍⵎⴻⵔⵚⴰ) ⴰⵎⵙⴻⵏⵣⵉ ⴷⴻⴳ ⵜⵍⴻⵎⵎⴰⵙⵜ ⵏ ⵜⵎⵓⵔⵜ ⵏ ⵍⴻⵣⵣⴰⵢⴻⵔ, ⴷⴻⴳ ⵓⵎⴽⴰⵏ ⵏ ⵍⵃⴻⵎⴷⴰⵏⴻⵢⵢⴰ, ⴷⴻⴳ ⵜⴻⵎⵏⴰⴹⵜ ⵏ ⵛⴻⵔⵛⴰⵍ (ⵜⴰⵡⵉⵍⴰⵢⵜ ⵏ ⵜⵉⵒⴰⵣⴰ).

ⴰⵏⴻⴳⴳⴰⴼ-ⴰ (ⴱⵔⵓⵟⵓⴽⵓⵍ) ⵏ ⵓⵎⵜⴰⵡⴰ ⴷ ⵡⵉⵏ ⴰⵢⴷⴻⴳ ⵙⵙⴻⴼⵔⴰⵢⴻⵏ ⴰⴷ ⴷ-ⵙⴱⴻⴷⴷⴻⵏ ⵜⴰⵕⵎⵉⵙⵜ (ⵛⴰⵔⵉⴽⴰ) ⴰⴷ ⵢⵉⵍⵉⵏ ⴷⴷⴰⵡ ⵍⵇⴰⵏⵓⵏ ⴰⴷⵣⴰⵢⵔⵉ ⵢⴻⵔⵏⴰ ⴰⴷ ⵜⵜⴻⴽⴽⵉⵏⵜ ⴷⴻⴳ-ⵙ ⵜⴻⴳⵔⴰⵡⵜ ⵏ ⵢⵉⵎⴻⵥⵍⴰ ⵉⵙⴰⴳⵏⴰⵏⴻⵏ ⴷ ⵜⴻⵕⵎⵉⵙⵉⵏ ⵜⵉⵛⵉⵏⵡⴰⵜⵉⵏ ⵏ ⵛⵙⵛⴻⵛ (ⵛⵀⵉⵏⴰ ⵙⵜⴰⵜⴻ ⵛⵧⵏⵙⵜⵔⵓⵛⵜⵉⵧⵏ ⵛⵧⵔⵒⵧⵔⴰⵜⵉⵧⵏ) ⴷ ⵛⵀⴻⵛ (ⵛⵀⵉⵏⴰ ⵀⴰⵔⴱⵧⵓⵔ ⴻⵏⴳⵉⵏⴻⴻⵔⵉⵏⴳ ⵛⵧⵎⵒⴰⵏⵢ).

ⵜⴰⵕⵎⵉⵙⵜ-ⴰ ⵜⵓⵅⵍⵉⴹⵜ ⵜⴰⵎⴰⵢⵏⵓⵜ ⴰⴷ ⴷ-ⵜⴻⵙⵙⵡⴰⵙⵙⴻⴱⴷⴻⴷ ⵙ ⵓⵍⵓⴳⴻⵏ ⵏ 51/49% ⵏ ⵕⴰⵙⴻⵍⵎⴰⵍ, ⵢⴻⵔⵏⴰ ⴰⴷ ⴷ-ⵜⴻⵍⵀⵓ ⵙ ⵜⴻⵣⵔⴰⵡⵜ (ⴷⵉⵔⴰⵙⴰ), ⵍⴻⴱⵏⵉ, ⴰⵖⴻⵍⵍⴻⵜ ⴷ ⵓⵙⵙⴻⴼⵔⴻⴽ (ⵜⴰⵙⵢⵉⵔ) ⵏ ⵓⵙⴰⴳⴻⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵓⵎⴻⵙⵏⵉ, ⴱⵧⵓⴷⵊⴻⵎⴰ ⵜⴰⵍⴰⵉ, ⴷⴻⴳ ⵜⴼⵓⴳⵍⴰ ⵏ ⵓⵙⵜⴻⵏⵢⵉ.

ⴰⵙⵙⴻⴱⴷⴻⴷ ⵏ ⵜⵉⴷⴻⵜ ⵏ ⵜⴻⵕⵎⵉⵙⵜ-ⴰ ⴰⴷ ⴷ-ⵢⵉⵍⵉ ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ ⵎⴻⵖⵔⴻⵙ ⵏ 2016, ⵎⵉ ⴰⴷ ⵜⵜⵡⴰⵇⴻⴱⵍⴻⵏ ⵢⵉⵥⵓⵢⴰⵔ-ⵏⵏⴻⵙ ⴷⴻⴳ ⵓⵙⴻⵇⵇⴰⵎⵓ ⵏ ⵢⵉⵜⵜⴻⴽⴽⵉⵢⴻⵏ ⵏ ⵓⵡⴰⵏⴰⴽ ⴷ ⵓⵙⵜⴻⵏⵢⵉ ⵏ ⵓⵔⴽⴰⵡⴰⵍ-ⵏⵏⴻⵙ ⵏ ⵜⴼⵓⵍⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⴰⵍⴰⵉ.

ⴰⵙⴻⵏⴼⴰⵔ-ⴰ ⴰⴷ ⴷ-ⵢⴻⵙⵇⴰⵎ 3,3 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ, ⵢⴻⵔⵏⴰ ⵜⴰⴷⵔⵉⵎⵜ-ⵏⵏⴻⵙ ⴰⴷ ⴷ-ⵜⴻⴽⴽ ⵙⴻⴳ ⵢⵉⵡⴻⵏ ⵏ ⵓⵔⴻⴹⴹⴰⵍ ⴰⵛⵉⵏⵡⴰⵜ ⵙ ⵍⵇⵉⵙ ⴰⵖⴻⵣⴼⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵓⵏⴻⵎⵀⴰⵍ ⵏ ⵢⵉⵙⵓⴳⴰⵏ ⵖⴻⵔ ⵓⵖⵍⵉⴼ ⵏ ⵓⵎⴻⵙⵏⵉ (ⵏⴰⵇⵍ), ⵎⵧⵀⴰⵎⴻⴷ ⴱⴻⵏⴱⵧⵓⵙⵀⴰⴽⵉ.

ⴰⵙⴰⴳⴻⵏ ⵏ ⵍⵃⴻⵎⴷⴰⵏⴻⵢⵢⴰ ⴰⴷ ⵢⴻⵜⵜⵡⴰⴱⵏⵓ ⴷⴻⴳ 7 ⵏ ⵢⵉⵙⴻⴳⴳⴰⵙⴻⵏ, ⵎⴰⵛⴰ ⴰⴷ ⵢⴻⴱⴷⵓ ⴰⴷ ⵉⵔⴻⵥⵥⴻⵎ ⵙⴻⴳ-ⴰ ⵖⴻⵔ 4 ⵏ ⵢⵉⵙⴻⴳⴳⴰⵙⴻⵏ, ⴰⵙⵎⵉ ⴰⴷ ⴷ-ⵜⴰⵙ ⵜⴻⵕⵎⵉⵙⵜ ⵜⴰⵛⵉⵏⵡⴰⵜ ⵏ ⵙⵀⴰⵏⴳⵀⴰⵉ ⵒⵧⵔⵜⵙ ⴰⴽⴽⴻⵏ ⴰⴷ ⵜⴻⴱⴷⵓ ⴰⵖⴻⵍⵍⴻⵜ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.

ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⴰⵙⴰⴳⴻⵏ-ⴰ ⴰⴷ ⵢⴻⴵⴵ ⵍⴻⵣⵣⴰⵢⴻⵔ ⴰⴷ ⵜⴻⵇⵇⴻⵏ ⴷ ⴰⵙⵢⴰ ⵏ ⵓⵏⵥⵓⵍ-ⴰⴳⵎⵓⴹⴰⵏ (ⴵⴰⵏⵓⴱ-ⵛⴰⵔⵇⵉ), ⵜⵉⵎⵓⵔⴰ ⵏ ⵜⴻⵎⵔⵉⴽⵜ ⴷ ⵜⵉⴷ ⵏ ⵜⴻⴼⵔⵉⵇⵜ, ⵉⵎⵉ ⴰⴷ ⵢⴻⵔⵏⵓ ⵓⵎⴹⴰⵏ (ⵄⴰⴷⴰⴷ) ⵏ ⵢⵉⵖⴻⵔⵔⵓⴱⴰ ⵉⴳⵔⴰⵖⵍⴰⵏⴻⵏ ⴰⴷ ⴷ-ⵢⴻⵜⵜⴰⵙⴻⵏ ⵖⴻⵔ ⵜⵎⵓⵔⵜ.

ⵉ ⵓⵙⵎⴻⴽⵜⵉ, ⴰⵙⴻⵏⴼⴰⵔ ⵏ ⵍⴻⴱⵏⵉ ⵏ ⵓⵙⴰⴳⴻⵏ-ⴰ ⵢⴻⵇⴱⴻⵍ-ⵉⵜ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⴷⵓⵊⴻⵎⴱⴻⵕ ⵢⴻⵣⵔⵉⵏ.