ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⴳⴻⵔ-ⴷ ⵍⴰⵎⴰⵎⵔⴰ ⵜⵉⵖⵔⵉ ⵉ ⵓⵙⵙⴻⵄⵊⴻⵍ ⵏ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷⴻⴳ ⵎⴰⵍⵉ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⴳⴻⵔ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵜⵉⵖⵔⵉ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵉ ⵓⵙⵙⴻⵄⵊⴻⵍ ⵏ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ (ⵉⵜⵜⵉⴼⴰⵇ) ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ.

« ⵢⴻⵙⵙⴻⴼⴽ ⵙ ⵜⵉⴷⴻⵜ ⴰⴷ ⵜⵜⵡⴰⵙⵇⴻⴷⵛⴻⵏ ⴰⴽⴽ ⵜⵜⴰⵡⵉⵍⴰⵜ ⵉ ⵓⵙⵙⴻⵄⵊⴻⵍ ⵏ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ ⴰⴽⴽⴻⵏ ⴰⴷ ⵣⴻⵎⵔⴻⵏ ⵢⵉⵎⴻⵣⴷⴰⵖⴻⵏ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ-ⵙ ⴰⴷ ⵃⵓⵍⴼⵓⵏ ⵉ ⵓⴱⴻⴷⴷⴻⵍ ⴷⴻⴳ ⵜⵎⴻⴷⴷⵓⵔⵜ-ⵏⵙⴻⵏ, ⵓⵍⴰ ⵎⴰ ⵛⵡⵉⵟ, ⵛⵡⵉⵟ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵎⴰⵎⵔⴰ ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ (ⴽⴰⵍⵉⵎⴰ) ⴷⴻⴳ ⵜⴻⵣⵡⴰⵔⴰ ⵏ ⵜⴻⵎⵍⵉⵍⵉⵜ ⵏ ⵓⵎⵛⵉⵡⴻⵕ ⵏ ⵓⵙⵡⵉⵔ ⵓⵏⵏⵉⴳ ⵏ ⵓⵙⴻⵇⵇⴰⵎⵓ ⵏ ⵓⴹⴼⴰⵔ ⵏ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ.

ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, « ⴷ ⴰⵢⴻⵏ ⵉⴱⴰⵏⴻⵏ ⵢⴻⵍⵍⴰ ⴹⴹⵎⴻⵄ ⴷ ⴰⵎⴻⵇⵔⴰⵏ ⵢⴻⵔⵏⴰ ⴳⴳⵜⴻⵏ ⵡⵓⴳⵓⵔⴻⵏ ⴷⴻⴳ ⵜⴻⵎⵙⴰⵍⵜ-ⴰ, ⵎⴰⵛⴰ ⵢⴻⵣⵎⴻⵔ ⴰⴷ ⴷ-ⵢⵉⵍⵉ ⵡⵓⵙⵙⵉⵙ (ⵎⴰⴵⵀⵓⴷ) ⵍⴰⴷⵖⴰ ⵖⴻⴼ ⵍⴻⵛⵖⴰⵍ ⵢⴻⵣⵡⴰⵔⴻⵏ ⵢⴻⵔⵣⴰⵏ ⴽⵔⴰ ⵏ ⵢⵉⵃⵔⵉⵛⴻⵏ ⵉⴱⴰⵏⴻⵏ ⵢⴻⵔⵏⴰ ⴷⵉⵏⴷⵉⵏ ⴽⴰⵏ ⴰⴷ ⴷ-ⵜⴱⴰⵏ ⵍⴼⴰⵢⴷⴰ-ⵏⵙⴻⵏ ».

« ⴷ ⴰⵢⴻⵏ ⵉⴱⴰⵏⴻⵏ, ⴰⴽⴰⵍⴰ (ⵎⴰⵙⴰⵔ) ⵏ ⵜⴰⵍⵡⵉⵜ ⴷⴻⴳ ⵎⴰⵍⵉ ⵍⴰ ⵢⴻⵜⵜⴻⴷⴷⵓ ⴷⴻⴳ ⵓⴱⵔⵉⴷ ⵉⵚⴻⵃⵃⴰⵏ. ⴷ ⴰⵛⵓ ⴽⴰⵏ, ⵢⴻⴳⴳⵓⵏⵉ ⵡⴰⵟⴰⵙ ⵏ ⵛⵛⵖⴻⵍ ⵉ ⵓⵙⵙⴻⵇⵏⴻⵄ ⵏ ⵢⵉⵎⴻⵣⴷⴰⵖⴻⵏ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵡⴰⵢⴰ, ⵍⴰⴷⵖⴰ ⵉⵎⵉ ⴰⵢ ⵍⴰ ⵜⵜⵕⴰⵊⵓⵏ ⴰⵟⴰⵙ ⵏ ⵜⵖⴰⵡⵙⵉⵡⵉⵏ ⵢⴻⵔⵏⴰ ⵃⴰⵔⴻⵏ ⵎⴻⵍⵎⵉ ⴰⴷ ⴷ-ⵙⴼⴰⵢⴷⵉⵏ ⵙⴻⴳ ⵏⵏⴼⴻⵄ ⴰⵢ ⴷ-ⵜⴻⵡⵡⵉ ⵜⴰⵍⵡⵉⵜ, ⴷ ⵓⴼⵔⴰⵏ-ⵏⵙⴻⵏ ⵉⵚⴻⵃⵃⴰⵏ ⴰⵙⵎⵉ ⴰⵢ ⵇⴻⴱⵍⴻⵏ ⴰⵎⵜⴰⵡⴰ, ⵏⵏⵉⴳ ⵡⴰⵢⴰ, ⴰⵢⴰ ⴰⴷ ⵜⴻⵏ-ⵉⴷ-ⵢⴻⵙⵙⴻⴱⵄⴻⴷ ⵖⴻⴼ ⵢⵉⵖⴰⵍⵍⴻⵏ ⵢⵓⴳⵉⵏ ⵜⴰⵍⵡⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵎⴰⵙⵙ ⵍⴰⵎⴰⵎⵔⴰ ⴷⴰⴽⴽⴻⵏ ⵢⵓⵎⴰⵔ ⵎⵉ ⵢⴻⵥⵔⴰ ⴷⴰⴽⴽⴻⵏ ⴰⵟⴰⵙ ⵏ ⵢⵉⵣⵡⵓⵔⴻⵏ (ⵎⵓⴱⴰⴷⴰⵔⴰⵜ) ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴰⵢ ⵢⴻⴱⴷⴰⵏ ⵍⴰ ⵜⵜⵡⴰⵙⵙⴻⴼⵄⴰⵍⴻⵏⵜ, ⵍⴰⴷⵖⴰ ⵜⵉⵏ ⵏ ⵜⵓⴽⴽⵙⴰ ⵏ ⵍⴻⵡⵚⴰⵢⴰⵜ ⵏ ⵜⵓⴹⴹⴼⴰ ⴰⵢ ⴷ-ⵢⴻⴼⴼⵖⴻⵏ ⵖⴻⴼ ⴽⵔⴰ ⵏ ⵢⵉⵎⴹⴻⴱⴱⵔⴻⵏ ⵏ ⵢⵉⵎⵓⵙⵙⴰ (ⵃⴰⵔⴰⴽⴰⵜ) ⵉⵙⴻⵔⵜⵉⵢⴻⵏ-ⵉⵙⴻⵔⴷⴰⵙⴰⵏⴻⵏ ⵏ ⵓⴳⴰⴼⴰ ⵏ ⵎⴰⵍⵉ, ⴰⵎⴱⴰⴷⴷⴻⵍ ⵏ ⵢⵉⵎⴻⵃⴱⴰⵙ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵜⴰⵍⵍⵉⵜ-ⵏⵏⵉ ⵏ ⵢⵉⵎⴻⵏⵖⵉ, ⴰⵙⵙⴻⴱⴷⴻⴷ ⵏ « ⵜⵙⴻⵇⵇⴰⵎⵓⵜ ⵏ ⵜⴻⵖⴷⴻⵎⵜ, ⵜⵉⴷⴻⵜ ⴷ ⵓⵎⵙⵓⵖⴰⵍ » ⴷ ⵓⵙⵙⴻⵎⵖⴻⵔ-ⵏⵏⴻⵙ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⵢⵉⴷⵉⵙⴰⵏ ⵢⴻⵙⵜⴻⵏⵢⴰⵏ ⴰⵎⵜⴰⵡⴰ ⴷ ⵓⵄⴰⵡⴻⴷ ⵏ ⵓⵔⵥⴰⵎ ⵏ ⵢⵉⵖⴻⵔⴱⴰⵣⴻⵏ (ⵙ ⵜⵉⵏ ⵏ ⵓⵣⴰⵎⵓⵍ) ⴷⴻⴳ ⴽⵉⴷⴰⵍ.

« ⵖⴻⴼ ⵍⴻⵃⵙⴰⴱ ⵏ ⵡⴰⵀⵉⵍ ⴰⵢ ⴷ-ⵢⴻⵙⵙⴻⴼⵔⴰ ⵓⵎⵜⴰⵡⴰ, ⵉⵙⵓⵔⵉⴼⴻⵏ-ⴰ ⴰⵢ ⴷ-ⵢⴻⵍⵍⴰⵏ ⵖⴻⵔ ⵙⴷⴰⵜ ⵓⵔ ⵓⵥⵉⵏ ⴰⵔⴰ ⴰⴽⴽⴻⵏ ⴰⵢ ⵏⴻⴹⵎⴻⵄ ⵢⴻⵔⵏⴰ ⵏⴻⵕⵊⴰ-ⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵃⴰⵙⵙⴻⴼ, ⵢⴻⵔⵏⴰ ⵉⵄⴻⵢⵢⴻⵏ-ⴷ ⴷⴰⴽⴽⴻⵏ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⴷ-ⵢⵉⵍⵉ ⵓⵄⴻⴹⴹⴻⵍ, ⵎⴰ ⵓⵍⴰⵛ ⴰⴷ ⵜ-ⵖⴻⵍⵍⵜⴻⵏ ⵡⵉⴷ ⵢⵓⴳⵉⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴳⴰⵔ ⵢⵉⵎⴰⵍⵉⵢⴻⵏ, « ⵍⴰⴷⵖⴰ ⵉⵎⵉ ⴰⵢ ⵍⴰ ⵙⵙⴰⵔⴰⵎⴻⵏ ⴰⴷ ⵜⴽⴻⵎⵎⴻⵍ ⵍⵇⴻⵍⵍⴰ ⵏ ⵍⴰⵎⴰⵏ ⴷ ⵓⵔⴽⴰⴷ » ⴰⴽⴽⴻⵏ ⴰⴷ ⵉⵍⵉⵏⵜ ⵜⴻⵎⵏⴰⴹⵉⵏ ⴰⵢⴷⴻⴳ ⵓⵍⴰⵛ ⵍⵇⴰⵏⵓⵏ.

ⵙⴻⴳ ⵢⵉⴷⵉⵙ ⵏ ⵓⵙⵙⵓⴷⴷⴻⵙ (ⵜⴰⵏⴹⵉⵎ), ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵜⴰⵛⵔⴰⵡⵜ (ⵃⴰⵚⵉⵍⴰ) « ⵜⴻⵙⵙⴻⴱⵖⴰⵙ, ⵓⵍⴰ ⵎⴰ ⵍⵍⴰⵏ-ⴷ ⴽⵔⴰ ⵏ ⵢⵉⵄⴻⵡⵡⵉⵇⴻⵏ ⴷⴻⴳ ⵜⴰⵣⵡⴰⵔⴰ, ⵎⴰⵛⴰ ⴰⵢⴰ ⴷ ⴰⵢⴻⵏ ⵉⴱⴰⵏⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⴰⵙⴻⵇⵇⴰⵎⵓ ⵏ ⵓⴹⴼⴰⵔ ⵏ ⵓⵎⵜⴰⵡⴰ ⴷ 4 ⵏ ⵜⵙⴻⵇⵇⵓⵎⴰ ⵢⴻⵍⵍⴰⵏ ⴷⴷⴰⵡ ⵕⵕⴰⵢ-ⵏⵏⴻⵙ ⵜⵜⵡⴰⵙⴱⴻⴷⴷⴻⵏ-ⴷ ⵢⴰⴳⵉ.

ⴰⵙⴻⵇⵇⴰⵎⵓ ⵏ ⵓⴹⴼⴰⵔ ⵉⴳⴰ, ⴰⵔ ⴰⵙⵙ-ⴰ, 6 ⵏ ⵜⴻⵎⵍⵉⵍⵉⵢⵉⵏ ⵜⵉⵏⵓⵎⴰⵏⵉⵏ (ⵄⴰⴷⵉⵢⵢⴰ), ⵢⵉⵡⴻⵜ ⵉ ⵡⴰⵢⵢⵓⵔ, ⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵔⴰ ⵓⵎⵜⴰⵡⴰ. 4-ⵏⵏⵉ ⵏ ⵜⵙⴻⵇⵇⵓⵎⴰ ⵢⴻⵍⵍⴰⵏ ⴷⴷⴰⵡ ⵓⵙⴻⵇⵇⴰⵎⵓ ⵏ ⵓⴹⴼⴰⵔ ⴷ ⵏⵉⵜⴻⵏⵜⵉ ⴰⵢ ⴷ-ⵢⴻⵙⵙⴻⵡⵊⴰⴷⴻⵏ ⵜⵉⵎⵍⵉⵍⵉⵢⵉⵏ ⵢⴻⵔⵏⴰ ⵣⴳⴰⵏⵜ ⵜⵜⴻⵎⵍⵉⵍⵉⵜ, ⵓⵍⴰ ⴷ ⵏⵉⵜⴻⵏⵜⵉ, ⵍⴰⴷⵖⴰ ⵉⵎⵉ ⴰⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⴰ ⵢⴻⵃⵡⴰⴵ ⴰⵅⴻⴷⴷⵉⵎ ⵜⴰⵙⵡⵉⵄⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵓⵏⴻⵖⵍⴰⴼ.