ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵙⵙⴻⴱⴷⴻⴷ-ⴷ ⵍⵉⴱⵢⴰ ⴰⵏⴰⴱⴰⴹ-ⵏⵏⴻⵙ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵉ ⵓⵙⵙⵓⴼⴼⴻⵖ ⵏ ⵜⵎⵓⵔⵜ ⵙⴻⴳ ⵜⴰⵍⵓⴼⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵜⵜⵡⴰⵙⵙⴻⴱⴷⴻⴷ-ⴷ, ⴰⵙⵙ ⵏ ⵜⵜⵍⴰⵜⴰ, ⵓⵏⴰⴱⴰⴹ (ⵃⵓⴽⵓⵎⴰ) ⴰⵍⵉⴱⵉ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵙ ⵢⵉⵙⴻⵎ ⵏ ⵓⵎⵜⴰⵡⴰ (ⵉⵜⵜⵉⴼⴰⵇ) ⴰⵢ ⴷ-ⵢⴻⵍⵍⴰⵏ ⵙ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵉ ⵍⵎⴻⵏⴷ ⵏ ⵓⵙⵙⵓⴼⴼⴻⵖ ⵏ ⵜⵎⵓⵔⵜ ⵙⴻⴳ ⵜⴰⵍⵓⴼⵜ ⴰⵢⴷⴻⴳ ⵜⴻⵣⴷⴻⵔ ⵙⴻⴳ 2011, ⵢⴻⵔⵏⴰ ⴷ ⴰⵢⴰ ⴰⴷ ⵢⴻⴵⴵⴻⵏ ⵜⴰⵎⵓⵔⵜ-ⴰ ⴰⴷ ⵜⴻⵏⵏⴰⵖ ⵅⵉⵔ ⵎⴳⴰⵍ ⵔⵔⴻⴱⵔⴰⴱ.

ⴰⵏⴰⴱⴰⴹ-ⴰ ⴰⴷ ⵜⵜⴻⴽⴽⵉⵏ ⴷⴻⴳ-ⵙ 32 ⵏ ⵢⵉⵏⴻⵖⵍⴰⴼⴻⵏ, ⵢⴻⵔⵏⴰ ⴰⴷ ⵉⵍⵉⵏ ⴷ ⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ 3 ⵏ ⵜⴻⵎⵏⴰⴹⵉⵏ ⵜⵉⵍⵉⴱⵉⵢⵉⵏ ⵏ ⴱⴰⵔⴽⴰ, ⴼⴻⵣⵣⴰⵏ ⴷ ⵟⵔⴰⴱⵍⴻⵙ, ⵢⴻⵔⵏⴰ ⴰⴷ ⵢⵉⵍⵉ ⴷⴷⴰⵡ ⵕⵕⴰⵢ ⵏ ⵓⵔⴳⴰⵣ ⵏ ⵢⵉⵡⴻⵥⵍⴰ ⴼⴰⵢⴻⵣ ⴻⵍ ⵙⴻⵔⵔⴰⵊ (ⵙⴻⴳ ⵟⵔⴰⴱⵍⴻⵙ). ⴰⵏⴰⴱⴰⴹ-ⴰ ⴰⴷ ⵢⴻⴱⴷⵓ ⴰⵅⴻⴷⴷⵉⵎ-ⵏⵏⴻⵙ ⵎⵉ ⴰⴷ ⵜ-ⵢⴻⵇⴱⴻⵍ ⵓⵎⵏⵉ (ⴱⴰⵔⵍⴰⵎⴰⵏ) ⵏ ⵟⵓⴱⵔⵓⵇ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ ⵏ ⵓⵙⴻⵇⵇⴰⵎⵓ ⴰⵙⴻⵍⵡⴰⵢⴰⵏ ⴰⵢ ⴷ-ⵢⴻⵜⵜⵡⴰⵙⴱⴻⴷⴷⴻⵏ ⵙ ⵓⵇⴰⴷⴻⵔ ⵏ ⵓⵎⵜⴰⵡⴰ-ⵏⵏⵉ.

ⴰⵎⵜⴰⵡⴰ ⴰⵙⴻⵔⵜⵉ ⴰⵢ ⵙⵜⴻⵏⵢⴰⵏ, ⴷⴻⴳ 17 ⴷⵓⵊⴻⵎⴱⴻⵕ ⵢⴻⵣⵔⵉⵏ, ⵢⵉⴳⴻⵏⵙⴰⵙⴻⵏ ⵏ ⵜⴻⴳⵔⴰⵡⵉⵏ ⵜⵉⵍⵉⴱⵉⵢⵉⵏ ⵢⴻⵎⵅⴰⵚⴰⵎⴻⵏ, ⵢⴻⵙⵙⴻⴼⵔⴰ ⴰⵙⵙⴻⴱⴷⴻⴷ ⵏ ⵓⵙⴻⵇⵇⴰⵎⵓ ⴰⵙⴻⵍⵡⴰⵢⴰⵏ, ⴰⵢⴷⴻⴳ ⴰⴷ ⵉⵍⵉⵏ 9 ⵏ ⵢⵉⵎⴰⵙⵍⴰⴹⴻⵏ (ⴰⵄⴹⴰ’), ⵢⴻⵔⵏⴰ ⴷ ⵡⵉ ⴰⴷ ⴷ-ⵉⵙⴻⵎⵎⵉⵏ, ⴷⴻⴳ ⵜⴰⵍⵍⵉⵜ ⵏ ⵡⴰⵢⵢⵓⵔ, ⵡⵉⴷ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ. ⵎⵉ ⴷ-ⵢⴻⵜⵜⵡⴰⵙⵙⴻⴱⴷⴻⴷ ⵓⵏⴰⴱⴰⴹ-ⴰ, ⴰⴷ ⵢⴻⵙⵜⴻⵄⵕⴻⴼ ⵢⴻⵙ-ⵙ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵔⵏⴰ ⴰⴷ ⵜ-ⵉⵄⴰⵡⴻⵏ.

ⴰⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵏ ⵓⵏⴰⴱⴰⴹ-ⴰ ⵏ ⵜⴷⵓⴽⵍⵉ ⵢⴻⵜⵜⵓⵏⴻⴼⴽ ⵉ ⴰⵍ-ⵎⴻⵀⴷⵉ ⵉⴱⵔⴰⵀⵉⵎ ⴰⵍ-ⴱⵧⵓⵔⴳⵀⵧⵓⵜⵀⵉ, ⵎⴰ ⴷ ⵡⵉⵏ ⵏ ⵜⴻⵖⴷⴻⵎⵜ ⵢⴻⵜⵜⵓⵏⴻⴼⴽ ⵉ ⴰⴱⴷⴻⵙⵙⴻⵍⴰⵎ ⴰⵍ-ⴷⵊⴻⵏⵉⴷⵉ. ⴰⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵢⴻⵜⵜⵡⴰⵡⴻⴽⴽⴻⵍ ⵉ ⴰⵍ-ⴰⴰⵔⴻⴼ ⴰⵍ-ⴽⵀⵧⴷⵊⴰ.

ⴰⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵜⵜⵓⵏⴻⴼⴽ ⵉ ⵎⴰⵔⵡⴰⵏ ⵧⵓⵙⵔⵉⵧⵓⵉⵍ. ⴰⵖⵍⵉⴼ ⵏ ⵓⵎⵄⴰⵡⴻⵏ ⴰⴳⵔⴰⵖⵍⴰⵏ ⵢⴻⵜⵜⵡⴰⵡⴻⴽⴽⴻⵍ ⵉ ⵎⴰⵀⵎⵧⵓⴷ ⴼⴰⵔⴰⵊ, ⵎⴰ ⴷ ⴰⵖⵍⵉⴼ ⵏ ⵜⴻⴷⵔⵉⵎⵜ ⵢⴻⵜⵜⵓⵏⴻⴼⴽ ⵉ ⵜⴰⵀⴰ ⵎⵧⵀⴰⵎⴻⴷ ⵙⴰⵔⴽⴰⵣ.

ⴰⵎⵏⵉ ⴰⵍⵉⴱⵉ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⵢⴻⵙⵙⴻⴼⴽ ⴰⴷ ⵢⴻⵎⵍⵉⵍ ⴰⴽⴽⴻⵏ ⴰⴷ ⵢⴻⵇⴱⴻⵍ ⴰⵏⴰⴱⴰⴹ-ⴰ ⵏ ⵜⴷⵓⴽⵍⵉ, ⵢⴻⵔⵏⴰ ⴷ ⴰⵢⴰ ⴰⴷ ⵢⴻⴵⴵⴻⵏ ⴰⵏⴰⴱⴰⴹ-ⴰ ⴰⴷ ⵢⴻⴱⴷⵓ ⴰⵅⴻⴷⴷⵉⵎ. Ɣⴻⴼ ⵍⴻⵃⵙⴰⴱ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵉⵍⵉⴱⵉⵢⴻⵏ, ⴰⵎⵏⵉ ⵍⴰ ⵢⴻⵙⵙⴻⴼⵔⴰⵢ ⴰⴷ ⵢⴻⴳ ⵜⵉⵎⵍⵉⵍⵉⵜ-ⴰ ⴰⵙⵙ ⵏ ⵍⴻⵜⵏⵉⵢⴻⵏ.