ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵓⵔⵢⴰ: ⵜⵡⴻⵜ ⵔⵓⵙⵢⴰ 57 ⵏ ⵢⵉⵎⵓⴽⴰⵏ ⵏ ⵢⵉⵔⴻⴱⵔⴰⴱⴻⵏ ⵢⴻⵔⵏⴰ ⵜⴻⵙⵙⴰⵡⴻⴹ ⵍⴻⵎⵄⴰⵡⵏⴰ ⵉ ⵡⵉⴷ ⵢⴻⵏⴹⴻⵔⵔⴻⵏ

ⵎⵓⵙⴽⵓ – ⵢⴻⵏⵏⴰ-ⴷ ⵢⵉⴳⴻⵏ (ⴵⴰⵢⵛ) ⴰⵔⵓⵙⵉ, ⴰⵙⵙ ⵏ ⵍⴰⵕⴻⴱⵄⴰ, ⴷ ⴰⴽⴽⴻⵏ ⵉⵡⴻⵜ 57 ⵏ « ⵢⵉⴷⴻⴳⴳⴻⵏ ⵉⵔⴻⴱⵔⴰⴱⴻⵏ » ⴷⴻⴳ ⵙⵓⵔⵢⴰ ⴷⴻⴳ 24 ⵏ ⵜⵙⴰⵄⵜⵉⵏ ⵢⴻⵔⵏⴰ ⵢⴻⵙⵙⴰⵡⴻⴹ ⵍⴻⵎⵄⴰⵡⵏⴰ ⵉ ⵢⵉⵎⴻⵣⴷⴰⵖⴻⵏ ⵏ ⵜⴻⵎⴷⵉⵏⵜ ⵏ ⴷⴻⵉⵔ ⴻⵣⵣⵧⵔ (ⴷⴻⴳ ⵓⴳⵎⵓⴹ [ⵛⴰⵔⵇ]) ⴰⵢ ⵜⴻⵃⵕⴻⵙ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⵏ ⵓⵡⴰⵏⴰⴽ ⵉⵙⵍⴰⵎⴰⵏ (ⴷⴰⵄⴻⵛ).

« ⵉⵙⴰⴼⴰⴳⴻⵏ ⵏ ⵢⵉⵖⴰⵍⵍⴻⵏ ⵉⴳⴻⵏⵡⴰⵏⴻⵏ ⵉⵔⵓⵙⵉⵢⴻⵏ ⵓⴼⴳⴻⵏ 16 ⵏ ⵜⵉⴽⴽⴰⵍ ⵢⴻⵔⵏⴰ ⵡⵜⴻⵏ 57 ⵏ ⵜⴷⵓⵎⵚⵓⴽⵉⵡⵉⵏ ⵜⵉⵔⴻⴱⵔⴰⴱⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⴰⵔⵓⵙⵉ ⵏ ⵜⴻⵎⵃⴰⴷⴷⵉⵜ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ).

« ⵖⴻⴼ ⵍⴵⴰⵍ ⵏ ⵍⵃⴰⵍ ⵉⵅⴻⵚⵔⴻⵏ ⵢⴻⵔⵏⴰ ⵉ ⵓⵃⴰⴷⴻⵔ ⵖⴻⴼ ⵢⵉⵎⴻⵣⴷⴰⵖⴻⵏ ⵉⵖⴰⵔⵉⵎⴻⵏ (ⵎⴰⴷⴰⵏⵉⵢⵢⵉⵏ), ⵜⴰⵎⵙⴰⴼⴳⴰ (ⵟⴰⵢⴰⵔⴰⵏ) ⵜⴰⵔⵓⵙⵉⵜ ⵜⴳⴰ ⴽⴰⵏ ⵍⴻⵛⵖⴰⵍ-ⵏⵏⴻⵙ ⵉⵙⴻⵔⴷⴰⵙⴰⵏⴻⵏ ⴷⴻⴳ ⵜⵏⴻⴱⴹⵉⵢⵉⵏ ⵏ ⵍⴰⴷⵉⵇⵉⵢⵢⴰ (ⴷⴻⴳ ⵓⴳⴰⴼⴰ-ⵓⵜⵔⵉⵎ) ⴷ ⴷⴻⵉⵔ ⴻⵣⵣⵧⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ ⵜⵏⴻⴱⴹⵉⵜ (ⵎⵓⵇⴰⵟⴰⵄⴰ) ⵏ ⴷⴻⵉⵔ ⴻⵣⵣⵧⵔ, ⵜⵉⵢⵉⵜⵉⵡⵉⵏ-ⴰ ⵡⵜⴻⵏⵜ, ⵍⴰⴷⵖⴰ, ⵢⵉⵡⴻⵏ ⵏ ⵓⵎⴽⴰⵏ ⵏ ⵓⵏⵣⴰⴹ (ⵇⵉⵢⴰⴷⴰ) ⴷ 3 ⵏ ⵍⴻⵎⴷⴰⴼⴻⵄ ⵏ ⴷⴰⵄⴻⵛ, ⴰⵎ ⵡⴰⴽⴽⴻⵏ ⴰⵢ ⵡⵜⴻⵏⵜ ⵢⵉⵡⴻⵏ ⵏ ⵍⵎⴻⵅⵣⴻⵏ ⵏ ⵓⵙⴻⵔⵖⵓ ⴷ ⵢⵉⵡⴻⵜ ⵏ ⵜⵏⴻⵎⵙⴻⵍⵜ ⵏ ⵓⵕⴻⴽⴽⴻⴱ ⵏ ⵍⴱⵓⵎⴱⴰⵜ ⵏ ⵜⴻⴳⵔⴰⵡⵜ-ⴰ ⵜⴰⵔⴻⴱⵔⴰⴱⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵔⵓⵙⵢⴰ ⵜⴻⵙⵙⴰⵡⴻⴹ, ⵙⴻⴳ 15 ⵢⴻⵏⵏⴰⵢⴻⵔ ⵢⴻⵣⵔⵉⵏ, ⵙ ⵓⵎⵄⴰⵡⴻⵏ ⴷ ⵢⵉⵖⴰⵍⵍⴻⵏ ⵉⵙⵓⵔⵉⵢⴻⵏ, ⵓⴳⴰⵔ ⵏ 50 ⵏ ⵢⵉⵟⵓⵏⴻⵏ ⵏ ⵍⴻⵎⵄⴰⵡⵏⴰ ⵜⴰⵍⵙⴰⵏⵜ (ⵉⵏⵙⴰⵏⵉⵢⵢⴰ) ⵉ ⵢⵉⵎⴻⵣⴷⴰⵖⴻⵏ ⵏ ⵜⴻⵎⴷⵉⵏⵜ ⵏ ⴷⴻⵉⵔ ⴻⵣⵣⵧⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⴰⵔⵓⵙⵉ ⵏ ⵜⴻⵎⵃⴰⴷⴷⵉⵜ, ⵢⴻⵔⵏⴰ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵍⴻⵎⵄⴰⵡⵏⴰ-ⴰ ⴷ ⵜⵓⵞⵞⵉⵜ.