ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵍⴰ 3% ⵙⴻⴳ ⵢⵉⴽⴻⵔⵔⴰⵣⴻⵏ ⴰⵢ ⵢⴻⵎⵎⴻⵕⴽⴰⵏ ⵖⴻⵔ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ

ⵡⴻⵀⵕⴰⵏ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴽⴻⵔⵔⴰⵣⵜ, ⵙⵉⴷ ⴰⵀⵎⴻⴷ ⴼⴻⵔⵔⵧⵓⴽⵀⵉ, ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵡⴻⵀⵕⴰⵏ, ⴷ ⴰⴽⴽⴻⵏ ⴰⵍⴰ 3% ⵙⴻⴳ ⵢⵉⴽⴻⵔⵔⴰⵣⴻⵏ ⴰⵢ ⵢⴻⵇⵇⵏⴻⵏ ⵖⴻⵔ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ (ⴹⴰⵎⴰⵏ ⵉⴵⵜⵉⵎⴰⵄⵉ), ⵢⴻⵔⵏⴰ ⵢⴻⵙⵃⴰⵙⵙⴻⴼ ⵉⵎⵉ 97% ⵙⴻⴳ ⵢⵉⴽⴻⵔⵔⴰⵣⴻⵏ ⵎⴰⵣⴰⵍ ⵍⴰ ⵅⴻⴷⴷⵎⴻⵏ ⵡⴰⵔ ⴹⴹⵎⴰⵏⴰ.

ⴰⵎⵢⴰⴳⴻⵔ-ⴰ ⴰⵢ ⴷ-ⵢⴻⵍⵍⴰⵏ ⵖⴻⴼ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⵏ ⵢⵉⴽⴻⵔⵔⴰⵣⴻⵏ, ⴳⴰⵏ-ⵜⵜ ⴷⴻⴳ ⵢⵉⵊⵉⴼⴻⵕ ⵏ ⵜⵎⴻⵙⵔⵉⵜ (ⵚⴰⵍⵓⵏ) ⵏ ⵜⴽⴻⵔⵔⴰⵣⵜ ⵏ « ⴰⴳⵔⵉⵒⵔⵧ ⴻⵅⵒⵧ » ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴳⴰⵔ 21 ⴷ 23 ⵢⴻⵏⵏⴰⵢⴻⵔ ⴷⴻⴳ ⵡⴰⵎⵎⴰⵙ ⵏ ⵢⵉⵎⵜⴰⵡⴰⵢⴻⵏ ⵏ ⵡⴻⵀⵕⴰⵏ, ⵢⴻⵔⵏⴰ ⵉⵙⵡⵉ-ⵏⵏⴻⵙ ⴷ ⴰⵙⵃⵓⵍⴼⵓ ⴷ ⵓⵙⵙⴻⴱⵖⴻⵙ ⵏ ⵢⵉⴽⴻⵔⵔⴰⵣⴻⵏ ⴷ ⵢⵉⵎⴻⴽⵙⴰⵡⴻⵏ ⴰⴽⴽⴻⵏ ⴰⴷ ⵙⵏⴻⴽⴷⴻⵏ ⵉⵎⴰⵏ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.

ⵍⴻⵣⵣⴰⵢⴻⵔ ⵜⴻⵙⵄⴰ 2.500.000 ⵏ ⵢⵉⴽⴻⵔⵔⴰⵣⴻⵏ, ⵎⴰⵛⴰ ⴰⵍⴰ 36.000 ⵙⴻⴳ-ⵙⴻⵏ ⴰⵢ ⵢⴻⵙⵏⴻⴽⴷⴻⵏ (ⴰⵎⵎⴰⵏⵓ) ⵉⵎⴰⵏ-ⵏⵙⴻⵏ, ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ. ⴰⵎⵢⴰⴳⴻⵔ-ⴰ ⴷ ⵏⴻⵜⵜⴰ ⴰⵢ ⴷ ⵡⵉⵙ 4 ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵡⴰⵢⴰ, ⴷⴻⴼⴼⵉⵔ ⵎⴰ ⵍⵍⴰⵏ-ⴷ ⵡⵉⵢⴰⴹ ⵉ ⵜⵡⵉⵍⴰⵢⵉⵏ ⵏ ⵜⵍⴻⵎⵎⴰⵙⵜ, ⵏ ⵓⴳⵎⵓⴹ ⴷ ⵓⵏⵥⵓⵍ ⵏ ⵜⵎⵓⵔⵜ, ⵢⴻⵔⵏⴰ ⵜⵜⴻⴽⴽⴰⵏ ⴷⴻⴳ-ⵙ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⵎⵉⵍⴰⵍⵜ ⵜⴰⴽⴻⵔⵔⴰⵣⴰⵏⵜ ⴷ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⵏ ⵢⵉⵅⴻⴷⴷⴰⵎⴻⵏ ⵡⴰⵔ ⵜⴰⵛⴻⵀⵕⵉⵜ (ⵛⴰⵙⵏⵧⵙ) ⵏ ⵜⵡⵉⵍⴰⵢⵉⵏ ⵏ ⵓⵜⴰⵔⴰⵎ.

ⴰⴽⴽⴻⵏ ⴰⴷ ⵜⴼⴰⴽ ⵜⴻⴳⵏⵉⵜ-ⴰ, ⵉⵃⴻⵜⵜⴻⵜ-ⴷ ⵓⵏⴻⵖⵍⴰⴼ ⵖⴻⴼ ⵓⵙⵙⴻⴱⴳⴻⵙ ⵏ ⵡⴰⴽⴽ ⵜⵜⴰⵡⵉⵍⴰⵜ, ⴳⴰⵔ-ⴰⵙⴻⵏ ⴰⵙⵙⵓⴷⴷⴻⵙ (ⵜⴰⵏⴹⵉⵎ) ⵏ ⵡⵓⵙⵙⴰⵏ ⵏ ⵓⵅⴻⴱⴱⴻⵔ, ⵜⵉⵖⵍⴰⵎⵉⵏ (ⵇⴰⵡⴰⴼⵉⵍ) ⴷ ⵢⵉⵎⵢⴰⴳⵔⴻⵏ ⵉ ⵓⵙⵃⵓⵍⴼⵓ ⵏ ⵢⵉⴽⴻⵔⵔⴰⵣⴻⵏ ⴷ ⵢⵉⵎⴻⴽⵙⴰⵡⴻⵏ ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵓⵎⵎⴻⵕⴽⵉ ⵖⴻⵔ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⵢⴻⵔⵏⴰ ⵢⴻⵙⵙⴻⴼⵀⴻⵎ-ⴷ ⴷ ⴰⴽⴽⴻⵏ ⵜⵉⴷⴷⵉⵜ-ⴰ ⴰⴷ ⵜⴻⵙⵙⴻⵔⴽⴻⴷ ⵉⵅⴻⴷⴷⴰⵎⴻⵏ ⵏ ⵜⴽⴻⵔⵔⴰⵣⵜ ⴰⵎ ⵡⴰⴽⴽⴻⵏ ⴰⴷ ⵜⴻⵙⵙⴻⵜⵔⴻⵔ ⴰⵃⵔⵉⵛ-ⴰ ⴰⵢ ⵢⴻⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⵜⴻⵍⵍⴰ ⵜⴷⴰⵎⵙⴰ ⵉⵎⵉⵔ-ⴰ.

ⵙ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⴼⴻⵔⵔⵧⵓⴽⵀⵉ ⴷ ⴰⴽⴽⴻⵏ ⵜⴻⵜⵜⵓⵏⴻⴼⴽ ⵜⴰⵍⵍⵉⵜ ⴰⵔⵎⴰ ⴷ ⵎⴻⵖⵔⴻⵙ ⵉ ⵜⵓⴹⴹⴼⴰ ⵏ ⵢⵉⴽⴰⵔⴰⵎⴻⵏ (ⵎⵉⵍⴰⴼⴼⴰⵜ) ⵏ ⵢⵉⴽⴻⵔⵔⴰⵣⴻⵏ ⵢⴻⵔⵏⴰ ⴰⵣⵔⴰⵡ (ⴷⵉⵔⴰⵙⴰ) ⵏ ⵢⵉⴽⴰⵔⴰⵎⴻⵏ-ⵏⵙⴻⵏ ⴰⴷ ⵢⴻⵇⵇⵉⵎ ⴰⵔⵎⴰ ⴷ ⵜⵓⴱⴻⵕ ⵏ ⵓⵙⴻⴳⴳⴰⵙ-ⴰ.