ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵇⵇⴰⵎⵓ ⵏ ⵢⵉⵡⴻⵥⵍⴰ ⴰⴷⵣⴰⵢⵔⵉ-ⴰⵔⵓⵙⵉ ⴰⴷ ⴷ-ⵢⵉⵍⵉ ⴷⴻⴳ 8 ⵏ ⴼⵓⵕⴰⵕ ⴷⴻⴳ ⵎⵓⵙⴽⵓ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⴷⴷⵓⵏ ⴽⵔⴰ ⵏ ⵢⵉⵎⴹⴻⴱⴱⵔⴻⵏ ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⴷⵣⴰⵢⵔⵉⵢⵉⵏ, ⴷⴷⴰⵡ ⵍⴻⵄⵏⴰⵢⴰ ⵏ ⵜⴻⵅⵅⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵏⴻⵣⵣⵓⵜ (ⵜⵉⴵⴰⵔⵉ) ⴷ ⵜⴻⵎⴳⵓⵔⵉ, ⵖⴻⵔ ⵔⵓⵙⵢⴰ, ⴳⴰⵔ 8 ⴷ 12 ⴼⵓⵕⴰⵕ, ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵓⵙⴻⵇⵇⴰⵎⵓ ⵏ ⵢⵉⵡⴻⵥⵍⴰ ⴰⴷⵣⴰⵢⵔⵉ-ⴰⵔⵓⵙⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵅⵅⴰⵎⵜ-ⴰ ⴷⴻⴳ ⵓⴷⴻⴳ-ⵏⵏⴻⵙ ⵏ ⵉⵏⵜⴻⵔⵏⴻⵜ.

ⵜⵉⵔⵣⵉ-ⴰ ⵏ ⵢⵉⵡⴻⵥⵍⴰ (ⴰⵄⵎⴰⵍ) ⵜⴻⵍⵍⴰ-ⴷ ⵙ ⵓⵙⵙⴻⴼⵄⴻⵍ ⵏ ⵍⴻⵡⵚⴰⵢⴰⵜ ⴰⵢ ⴷ-ⵜⴻⵙⵙⵓⴼⴼⴻⵖ ⵜⵙⴻⵇⵇⴰⵎⵓⵜ ⵜⵓⵅⵍⵉⴹⵜ ⵜⴰⴳⴻⵔⵏⴰⴱⴰⴹⵜ ⵜⴰⴷⵣⴰⵢⵔⵉⵜ-ⵜⴰⵔⵓⵙⵉⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵎⵓⵙⴽⵓ ⴷⴻⴳ ⵜⴳⴰⵔⴰ ⵏ ⵢⵓⵍⵢⵓ ⵏ 2015.

ⵜⵓⵖⴷⴰⴹⵜ-ⴰ ⵜⴰⴷⴰⵎⵙⴰⵏⵜ ⴰⴷ ⴷ-ⵜⵉⵍⵉ ⴷⴷⴰⵡ ⵜⵙⴻⵍⵡⵉⵜ ⵏ ⵓⵙⴻⵍⵡⴰⵢ ⵏ ⵜⴻⵅⵅⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ, ⵎⵧⵀⴰⵎⴻⴷ ⵍⴰⵉⴷ ⴱⴻⵏⴰⵎⵧⵔ, ⵢⴻⵔⵏⴰ ⴰⴷ ⵜⴻⴵⴵ ⵜⵉⵕⵎⵉⵙⵉⵏ ⵜⵉⴷⵣⴰⵢⵔⵉⵢⵉⵏ ⴰⴷ ⵙⵄⵓⵏⵜ ⵜⴰⴽⵜⵉ ⵜⵉⵙⴻⴷⴷⵉⵜ (ⴷⴰⵇⵉⵇⴰ) ⵓⴳⴰⵔ ⵖⴻⴼ ⵜⵣⴻⵎⵎⴰⵔ ⵏ ⵙⵙⵓⵇ ⴰⵔⵓⵙⵉ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ ⵢⴻⵔⵏⴰ ⴰⴷ ⵥⵔⴻⵏⵜ ⵎⴰ ⵣⴻⵎⵔⴻⵏⵜ ⴰⴷ ⵙⵙⵉⴵⵡⴻⵏⵜ ⵉⴼⴰⵔⵉⵙⴻⵏ (ⵎⴰⵏⵜⵓⴵⴰⵜ) ⵉⴷⵣⴰⵢⵔⵉⵢⴻⵏ ⵖⴻⵔ ⵜⵎⵓⵔⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵅⵅⴰⵎⵜ.

ⴰⴷ ⴷ-ⵉⵍⵉⵏ ⵢⵉⵎⵢⴰⴳⵔⴻⵏ ⵓⵛⵔⵉⴽⴻⵏ ⴳⴰⵔ ⵜⴻⵕⵎⵉⵙⵉⵏ ⵜⵉⴷⵣⴰⵢⵔⵉⵢⵉⵏ ⴷ ⵜⵔⵓⵙⵉⵢⵉⵏ ⴰⵎ ⵡⴰⴽⴽⴻⵏ ⴰⴷ ⵔⵣⵓⵏ ⵡⵉⴷ ⴰⴷ ⵢⴻⵜⵜⴻⴽⴽⵉⵏ ⵖⴻⴼ ⴽⵔⴰ ⵏ ⵍⵍⵓⵣⵉⵏⴰⵜ, ⵍⴼⵉⵔⵎⴰⵜ ⴷ ⵜⴻⵖⵙⴰⵔ ⵏ ⵜⵎⴻⵙⵖⵉⵡⵜ ⵜⵉⵔⵓⵙⵉⵢⵉⵏ.

ⵓⵇⴱⴻⵍ ⵎⴰ ⵜⴻⵍⵍⴰ-ⴷ ⵜⴻⵔⵣⵉ-ⴰ, ⴰⴷ ⴷ-ⵢⵉⵍⵉ ⵡⴰⵙⵙ ⵏ ⵓⵅⴻⴱⴱⴻⵔ ⵉ ⵓⵀⴻⵢⵢⵉ ⵏ ⵡⴰⵢⴰ ⴰⵙⵙ ⵏ ⵜⵜⵍⴰⵜⴰ ⴰⴷ ⴷ-ⵢⴻⵜⵜⴻⴷⴷⵓⵏ. ⴰⵙⵙ-ⴰ ⵏ ⵓⵅⴻⴱⴱⴻⵔ ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵏ ⵜⴻⵅⵅⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ ⴷ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵏ ⵓⵎⴻⵥⵍⵓ ⴰⴷⴰⵎⵙⴰⵏ ⴷ ⵓⵎⵙⴻⵏⵣⵉ ⵏ ⵜⵎⴰⵀⴻⵍⵜ ⵏ ⵔⵓⵙⵢⴰ ⴷⴻⴳ ⵍⴻⵣⵣⴰⵢⴻⵔ.

ⵢⴻⵙⵙⴻⴼⴽ ⴰⴷ ⴷ-ⵏⴳⴻⵔ ⵜⴰⵎⴰⵡⵜ ⴷⴰⴽⴽⴻⵏ ⴰⵎⴱⴰⴷⴷⴻⵍ ⴰⵎⵙⴻⵏⵣⵉ (ⵜⵉⴵⴰⵔⵉ) ⴳⴰⵔ ⵍⴻⵣⵣⴰⵢⴻⵔ ⴷ ⵔⵓⵙⵢⴰ ⵢⴻⵡⵡⴻⴹ ⵖⴻⵔ 885 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ 2015, ⵖⴻⴼ ⵍⴻⵃⵙⴰⴱ ⵏ ⵢⵉⵣⵡⵉⵍⴻⵏ (ⴰⵔⵇⴰⵎ) ⵓⵏⵚⵉⴱⴻⵏ.

ⵜⴰⴷⵡⵉⵍⵜ ⵜⵉⵙ 7 ⵏ ⵜⵙⴻⵇⵇⴰⵎⵓⵜ ⵏ ⵓⵎⵢⴰⵍⴻⵍ (ⵜⴰⵄⴰⵡⵓⵏ) ⴰⴷⴰⵎⵙⴰⵏ, ⴰⵎⵙⴻⵏⵣⵉ, ⵓⵙⵙⵏⴰⵏ ⴷ ⵓⵜⵡⵉⵍⴰⵏ (ⵜⵉⵇⵏⵉ) ⴰⴷⵣⴰⵢⵔⵉ-ⴰⵔⵓⵙⵉ ⵜⴻⵍⵍⴰ-ⴷ ⴷⴻⴳ ⵜⴳⴰⵔⴰ ⵏ ⵢⵓⵍⵢⵓ 2015 ⴷⴻⴳ ⵎⵓⵙⴽⵓ, ⵢⴻⵔⵏⴰ ⵜⴼⵓⴽ ⵙ ⵓⵙⵜⴻⵏⵢⵉ ⵏ ⵓⵕⴰⴱⵓⵍ ⵉ ⵓⵙⵙⴻⴵⵀⴻⴷ ⵏ ⵡⴰⵙⵙⴰⵖⴻⵏ ⵓⵛⵔⵉⴽⴻⵏ.

ⴰⵎⵢⴰⴳⴻⵔ-ⴰ ⵢⴻⴵⴵⴰ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ-ⵙ ⴰⴷ ⵥⵔⴻⵏ ⵙⴰⵏⴷⴰ ⴰⵢ ⵢⴻⵡⵡⴻⴹ ⵓⵎⵢⴰⵍⴻⵍ ⵓⵛⵔⵉⴽ ⴳⴰⵔ ⵍⴻⵣⵣⴰⵢⴻⵔ ⴷ ⵔⵓⵙⵢⴰ, ⵢⴻⵔⵏⴰ ⴼⵓⴽⴻⵏ ⴰⵀⴻⵢⵢⵉ ⵏ ⵡⴰⵍⵍⴰⵍⴻⵏ ⵏ ⵍⵇⴰⵏⵓⵏ ⴰⴷ ⵢⴻⵙⵙⴻⴷⴷⵓⵏ ⴰⵙⵙⴰⵖⴻⵏ (ⵄⴰⵍⴰⵇⴰⵜ) ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.

ⴷⴻⴳ ⵢⵉⵊⵉⴼⴻⵕ ⵏ ⵜⴻⴷⵡⵉⵍⵜ-ⵏⵏⵉ, ⵜⴻⵙⵜⴻⵏⵢⴰ ⵜⴻⵕⵎⵉⵙⵜ ⵜⴰⵏⴰⴳⴷⵓⴷⵜ (ⵄⵓⵎⵓⵎⵉⵢⵢⴰ) ⵏ ⵜⵎⴻⵚⴽⵉⵡⵜ ⵏ ⵡⴰⵔⵔⵓⵎⴻⵏ ⴷ ⵢⵉⵙⴳⴰⵍⴼⴻⵏ ⵏ ⵓⴱⵔⵉⴷ ⵏ ⵡⵓⵣⵣⴰⵍ (ⴼⴻⵔⵔⵧⵠⵉⴰⵍ) ⵢⵉⵡⴻⵏ ⵏ ⵓⵎⵜⴰⵡⴰ ⴷ ⵜⴻⴳⵔⴰⵡⵜ ⵜⴰⵔⵓⵙⵉⵜ ⵏ ⵓⵔⴰⵍⴳⵧⵏⵣⴰⵠⵧⴷ ⵉ ⵜⵉⵛⵛⵓⵔⴽⴰ ⴷⴻⴳ ⵍⴻⴱⵏⵉ ⵏ ⵢⵉⴼⴰⴳⵓⵜⴻⵏ, ⵉⴼⴰⴳⵓⵜⴻⵏ ⵏ ⵜⵏⵓⵟⴼⵉ ⴷ ⵜⵎⴰⵛⵉⵏⵉⵏ ⵏ ⵜⵎⴻⵚⴽⵉⵡⵜ (ⴱⵉⵏⴰ’) ⴷⴻⴳ ⵄⴻⵏⵏⴰⴱⴰ ⴷ ⵓⵙⵍⴰⴳ ⵏ ⵓⴼⴰⵔⴻⵙ ⵏ ⵍⵍⵓⵣⵉⵏ ⵏ ⴼⴻⵔⵔⵧⵠⵉⴰⵍ.