ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵃⴻⵜⵜⴻⵜ-ⴷ ⵜⴻⴱⴱⵧⵓⵏⴻ ⵖⴻⴼ ⵓⴼⴰⴽⵉ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵉⵏ ⴰⵢ ⵢⴻⴱⴷⴰⵏ ⴷⴻⴳ 2013

ⵎⴻⵙⵜⵖⴰⵏⴻⵎ – ⵉⵃⴻⵜⵜⴻⵜ-ⴷ ⵓⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵧⵓⵏⴻ, ⴰⵙⵙ ⵏ ⵍⵃⴻⴷⴷ, ⴷⴻⴳ ⵎⴻⵙⵜⵖⴰⵏⴻⵎ, ⴷⴰⴽⴽⴻⵏ ⵜⴰⵏⴻⵣⴷⵓⵖⵜ ⴰⵢ ⵢⴻⴱⴷⴰⵏ ⵙ ⵍⴻⴱⵏⵉ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ ⴷⴻⴳ 2013 ⵢⴻⵙⵙⴻⴼⴽ ⴰⴷ ⴷ-ⵜⴻⵡⵊⴻⴷ ⴰⵙⴻⴳⴳⴰⵙ-ⴰ.

ⵎⵉ ⵢⴻⵔⵣⴰ ⵖⴻⴼ ⵡⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵏ ⵜⵏⴻⵣⴷⵓⵖⵜ ⴷⴻⴳ ⵜⴻⵣⴳⴻⵍⵜ (ⵇⵓⵟⴱ) ⴰⵎⴷⵉⵏⴰⵏ ⵏ ⵍⵀⴰⵛⴻⵎ (ⵜⴰⵖⵉⵡⴰⵏⵜ ⵏ ⵙⴰⵢⴰⴷⴰ), ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ « ⵜⴰⵍⵍⵉⵜ ⵏ ⵍⴻⴱⵏⵉ ⵏ ⵢⵉⵙⴻⵏⴼⴰⵔⴻⵏ ⵏ ⵜⵏⴻⵣⴷⵓⵖⵜ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵜⴻⴽⴽ ⵉ 24 ⵏ ⵡⴰⵢⵢⵓⵔⴻⵏ, ⵎⴰ ⴰⵟⴰⵙ ».

ⴷⵖⴰ ⵖⴻⴼ ⵡⴰⵢⴰ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵓⵙⵙⴻⴱⵖⴻⵙ (ⵜⴰⵛⴵⵉⵄ) ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵏ ⵢⵉⵍⴻⵎⵥⵉⵢⴻⵏ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵓⵔⴻⴹⴹⴰⵍ ⵏ ⴰⵏⵙⴻⵊ ⴰⴽⴽⴻⵏ ⴰⴷ ⴷ-ⵍⵀⵓⵏⵜ ⵙ ⵢⵉⵅⴻⴷⴷⵉⵎⴻⵏ ⵏ ⴷⴰⵅⴻⵍ ⵜⵏⴻⵣⴷⵓⵖⵉⵏ ⴰⵎ ⵜⵔⵉⵙⵉⵜⵉ, ⵉⵊⴻⵄⴱⵓⴱⴻⵏ ⵏ ⵡⴰⵎⴰⵏ ⴷ ⵍⴳⴰⵣ ⴷ ⵜⵖⴰⵡⵙⵉⵡⵉⵏ ⵏⵉⴹⴻⵏ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵜⵜⴻⴽⴽⵉⵏⵜ ⵜⴻⵕⵎⵉⵙⵉⵏ ⵜⵉⵎⴻⵥⵢⴰⵏⵉⵏ ⴷⴻⴳ ⵢⵉⵛⴰⵏⵟⵉⵢⴻⵏ ⵏ ⵍⴻⴱⵏⵉ ⴰⴽⴽⴻⵏ ⴷ-ⵡⴻⵊⴷⴻⵏ ⵡⴰⵔ ⵍⴻⵄⴹⵉⵍ.

ⵉⵃⴻⵜⵜⴻⵜ-ⴷ ⵎⴰⵙⵙ ⵜⴻⴱⴱⵧⵓⵏⴻ, ⴷⴰⵖ, ⵖⴻⴼ ⵓⵙⵙⴻⴱⵖⴻⵙ ⵏ ⵢⵉⵎⵙⴻⴼⵜⵉⵢⴻⵏ ⵓⵙⵍⵉⴳⴻⵏ ⴰⴽⴽⴻⵏ ⴰⴷ ⴱⵏⵓⵏ ⴰⵙⴳⴰⵍⴻⴼ ⴰⵏⴰⴳⴷⵓⴷ (ⵄⵓⵎⵓⵎⵉ), ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴷⵀⵓ ⵉ ⵓⵙⵙⴻⵍⵀⵓ ⵏ ⵜⵎⴻⴷⴷⵓⵔⵜ ⴷⴻⴳ ⵢⵉⵖⴰⵔⴰⵎⴻⵏ (ⴰⵃⵢⴰ’) ⵏ ⵜⵏⴻⵣⴷⵓⵖⵜ ⵉⵎⴰⵢⵏⵓⵜⴻⵏ.