ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵛⵛⵓⵔⴽⴰ ⴳⴰⵔ ⵍⴻⵣⵣⴰⵢⴻⵔ ⴷ ⵜⴷⵓⴽⵍⵉ ⵜⵓⵕⵓⴼⵉⵜ ⵉ ⵓⵙⵙⵉⵣⴷⴻⴳ ⵏ ⵡⴰⵎⴰⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵀⴻⵢⵢⴰ-ⴷ ⵡⴰⵀⵉⵍ ⵓⵕⵓⴼⵉ ⵏ ⵜⴻⴷⵀⴻⵍⵜ ⵉ ⵓⵃⵔⵉⵛ ⵏ ⵡⴰⵎⴰⵏ ⴷ ⵓⵖⵔⴰⵎ (ⴻⴰⵓ ⵉⵉ) 4 ⵏ ⵜⴻⵣⵔⴰⵡⵉⵏ (ⴷⵉⵔⴰⵙⴰⵜ) ⵉ ⵓⵙⵙⴻⵜⵔⴻⵔ (ⵄⴰⵚⵔⴰⵏⴰ) ⵏ ⵓⵖⵔⴰⵎ ⵏ ⵡⴰⵎⴰⵏ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵛⵛⵖⴻⵍ-ⴰ ⵙ ⵜⴰⵔⵔⴰⵢⵉⵏ ⵜⵉⵎⴰⵢⵏⵓⵜⵉⵏ ⴷⴻⴳ ⵓⵖⵔⴰⵎ ⴷ ⵓⵙⵙⴻⵇⴷⴻⵛ ⵏ ⵡⴰⵎⴰⵏ ⵢⵓⵎⵙⴻⵏ ⵉ ⵡⴰⵢⴻⵏ ⵉⵏⴻⴼⵄⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴽⵔⴰ ⵏ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵡⴰⵀⵉⵍ-ⴰ.

ⵢⴻⴱⴷⴰ-ⴷ ⵓⵙⴻⵏⴼⴰⵔ-ⴰ ⴷⴻⴳ 2012, ⵢⴻⵔⵏⴰ ⵉⴼⵓⴽ ⴰⵙⴻⴳⴳⴰⵙ-ⴰ ⵙ ⵓⵙⵙⵉⵡⴻⴹ ⵖⴻⵔ ⵢⵉⵙⵡⴰⵏ-ⵏⵏⴻⵙ ⵙ 100%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵀⴰⵙⵙⵉⵏⴰ ⵀⴰⵎⵎⵧⵓⵛⵀⴻ, ⵜⴰⵏⴻⵎⵀⴰⵍⵜ (ⵎⵓⴷⵉⵔⴰ) ⵏ ⵡⴰⵀⵉⵍ ⵏ ⴻⴰⵓ ⵉⵉ.

ⴳⴰⵔ ⵢⵉⴳⵎⴰⴹ ⵡⵓⵖⵓⵔ ⵢⴻⵙⵙⴰⵡⴻⴹ ⵡⴰⵀⵉⵍ-ⴰ, ⵜⴻⴱⴷⴻⵔ-ⴷ ⴰⵀⴻⵢⵢⵉ ⵏ ⵜⴻⵣⵔⴰⵡⵉⵏ ⵢⴻⵇⵇⵏⴻⵏ ⵖⴻⵔ ⵓⵣⴻⵏⵣⵉⵖ ⴰⵖⴻⵍⵏⴰⵡ ⵏ ⵓⵙⵏⴻⴼⵍⵉ ⵏ ⵓⵖⵔⴰⵎ ⵏ ⵡⴰⵎⴰⵏ, ⵜⴰⵙⵓⴷⴷⴻⵙⵜ (ⵉⵙⵜⵔⴰⵜⵉⴵⵉⵢⵢⴰ) ⵜⴰⵖⴻⵍⵏⴰⵡⵜ ⵏ ⵓⵃⴻⵣⵣⴻⴱ ⵖⴻⴼ ⵢⵉⵃⴻⵎⵎⴰⵍⴻⵏ, ⵜⴰⵙⴻⵓⴷⴷⴻⵙⵜ ⵏ ⵓⵖⵔⴰⵎ ⵏ ⵡⴰⵎⴰⵏ ⴷⴻⴳ ⵜⴻⵎⵏⴰⴹⵉⵏ ⵏ ⵓⴳⴰⵎⴰ ⴷ ⵓⵙⵙⴻⵇⴷⴻⵛ ⵏ ⵡⴰⵢⴻⵏ ⴰⵢ ⴷ-ⵢⴻⵜⵜⴻⴼⴼⵖⴻⵏ ⵙⴻⴳ ⵜⴻⵖⵙⴰⵔ (ⵎⴰⵃⴰⵟⵟⴰⵜ) ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵉ ⵡⴰⵢⴻⵏ ⵉⵏⴻⴼⵄⴻⵏ.

ⴰⵙⵙⴻⵇⴷⴻⵛ ⵏ ⵡⴰⵍⵓⴹ ⴰⵢ ⴷ-ⵢⴻⴼⴼⵖⴻⵏ ⵙⴻⴳ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵢⵓⵎⵙⴻⵏ ⵏ ⵢⵉⵅⵅⴰⵎⴻⵏ ⴷ ⵢⵉⵡⴻⵏ ⵙⴻⴳ ⵡⵓⴳⵓⵔⴻⵏ ⵉⵎⴻⵇⵔⴰⵏⴻⵏ ⴰⴽⴽ ⵏ ⵓⵃⵔⵉⵛ-ⴰ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵍⵀⵓⵏ ⵢⴻⵙ-ⵙ ⵉ ⵍⵇⵉⵙ ⴰⵍⴻⵎⵎⴰⵙ ⴷ ⵓⵖⴻⵣⴼⴰⵏ.

ⵍⴻⵣⵣⴰⵢⴻⵔ ⵜⴻⵙⵄⴰ, ⵉⵎⵉⵔ-ⴰ, 171 ⵏ ⵜⴻⵖⵙⴰⵔ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵢⵓⵎⵙⴻⵏ ⵙ ⵜⴻⵣⵎⴻⵔⵜ ⵏ 900 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ (ⵎ3), ⵢⵉⵍⵉ ⴷⴻⴳ 2000, ⵜⴻⵍⵍⴰ ⵜⴻⵙⵄⴰ ⴰⵍⴰ 10 ⵏ ⵜⴻⵖⵙⴰⵔ.

« ⵙⵉⵎⴰⵍ ⵍⴰ ⵜⵔⴻⵏⵏⵓ ⵜⴻⵙⵎⴻⴽⵜⴰ (ⴽⴰⵎⵎⵉⵢⵢⴰ) ⵏ ⵡⴰⵍⵓⴹ. ⵉⵀⵉ, ⵢⴻⵙⵙⴻⴼⴽ ⴰⴷ ⴷ-ⵏⴰⴼ ⵜⵉⴼⵔⴰⵜ ⵖⴻⴼ ⵣⵉⴽ ⵍⵃⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⵀⴰⵎⵎⵧⵓⵛⵀⴻ ⴰⵢ ⵍⴰ ⵉⵅⴻⴷⴷⵎⴻⵏ ⴷⴰⵖ ⴷ ⵜⴰⴷⵓⵏⴻⵎⵀⴰⵍⵜ ⵏ ⵓⵖⵔⴰⵎ ⴷ ⵓⵃⵓⴷⴷⵓ ⵏ ⵜⵡⴻⵏⵏⴰⴹⵜ ⴷⴻⴳ ⵓⵖⵍⵉⴼ ⵏ ⵜⴻⵖⴱⵓⵍⴰ (ⵎⴰⵡⴰⵔⵉⴷ) ⵏ ⵡⴰⵎⴰⵏ.

ⴰⵀⵉⵍ-ⴰ ⵜⴻⵜⵜⴻⴽⴽⴰ ⴷⴻⴳ-ⵙ ⵜⴷⵓⴽⵍⵉ ⵜⵓⵕⵓⴼⵉⵜ ⵙ 30 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ, ⵎⴰ ⴷ ⵍⴻⵣⵣⴰⵢⴻⵔ, ⵜⴻⵜⵜⴻⴽⴽⴰ ⴷⴻⴳ-ⵙ ⵙ 10 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ. ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ-ⴰ, ⵀⴻⵢⵢⴰⵏ-ⴷ ⴰⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵓⵙⵙⵉⵍⴻⵖ ⵙ ⵍⵇⵉⵙ ⴰⵖⴻⵣⴼⴰⵏ ⴷⴻⴳ ⵢⵉⵏⵓⵔⴰⵔ ⵏ ⵓⵖⵔⴰⵎ ⵏ ⵡⴰⵎⴰⵏ, ⴰⵀⴻⵢⵢⵉ ⵏ 5 ⵏ ⵜⵖⴻⵔⵖⵔⵉⵏ ⵜⵉⵙⴻⵏⵙⴻⴳⵎⴰⵏⵉⵏ ⴷ ⵜⵍⵓⵊⵉⵙⵜⵉⵜ ⵉ ⵓⵙⵙⵉⵍⴻⵖ ⵏ ⵢⵉⵎⵙⵉⵍⵖⴻⵏ ⴷⴻⴳ ⵓⵃⵔⵉⵛ-ⴰ.