ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵓⵏⴷⴻⴷ ⵏ 8 ⵏ ⵡⵓⵙⵙⴰⵏ ⵢⴻⵙⵙⴽⴻⵏ-ⴷ ⴰⴱⴷⴰⴷ ⵏ ⵢⵉⴷⵣⴰⵢⵔⵉⵢⴻⵏ ⵖⴻⵔ ⵢⵉⴷⵉⵙ ⵏ ⵜⴻⴳⵔⴰⵡⵍⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵏⵏⴰⵏ-ⴷ ⵢⵉⵏⵎⴻⵣⵔⵓⵢⴻⵏ (ⵎⵓ’ⴰⵔⵔⵉⵅⵉⵏ) ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⴰⵙⵓⵏⴷⴻⴷ (ⵉⴹⵔⴰⴱ) ⵏ 8 ⵏ ⵡⵓⵙⵙⴰⵏ ⵏ 1957 ⵢⴻⵙⵙⴽⴻⵏ-ⴷ ⵜⵓⴹⴹⴼⴰ ⵜⵓⵎⵎⵉⴷⵜ ⵏ ⵓⵖⵔⴻⴼ ⴰⴷⵣⴰⵢⵔⵉ ⴷⴻⴳ ⵜⴻⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ.

ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵙⴰⵍⴰⵢ (ⵎⵓⵜⵃⴰⴼ) ⵏ ⵓⵎⵊⴰⵀⴻⴷ ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 59 ⵏ ⵓⵙⵓⵏⴷⴻⴷ ⵏ 8 ⵏ ⵡⵓⵙⵙⴰⵏ (28 ⵢⴻⵏⵏⴰⵢⴻⵔ – 04 ⴼⵓⵕⴰⵕ 1957), ⵢⴻⵏⵏⴰ-ⴷ ⵀⵧⵛⵉⵏⴻ ⴰⴱⴷⴻⵙⵙⴻⵜⴰⵔ ⴷ ⴰⴽⴽⴻⵏ ⵜⴰⴷⵢⴰⵏⵜ-ⴰ ⴷ ⵢⵉⵡⴻⵏ ⵙⴻⴳ ⵢⵉⵙⵓⵔⵉⴼⴻⵏ ⵉⵎⴻⵇⵔⴰⵏⴻⵏ ⴰⴽⴽ ⴷⴻⴳ ⵓⵎⴳⴰⵔⵓ (ⵃⴰⵔⴱ) ⵏ ⵓⵙⵍⴻⵍⵍⵉ, ⵢⴻⵔⵏⴰ « ⵜⴻⵙⵙⴽⴻⵏ-ⴷ ⴷ ⴰⴽⴽⴻⵏ ⴰⴽⴽ ⴰⵖⵔⴻⴼ ⴰⴷⵣⴰⵢⵔⵉ ⵢⴻⵙⵙⴻⴱⴳⴻⵙ ⵉⵎⴰⵏ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵜⴻⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ».

« ⴰⵙⵓⵏⴷⴻⴷ ⵏ 8 ⵏ ⵡⵓⵙⵙⴰⵏ ⵢⴻⵙⵙⴽⴻⵏ-ⴷ ⴷ ⴰⴽⴽⴻⵏ ⴰⵢⴻⵏ ⴰⵢ ⵢⴻⵍⵍⴰⵏ ⵍⴰ ⵉⴹⴻⵔⵔⵓ ⴷⴻⴳ ⵍⴻⵣⵣⴰⵢⴻⵔ ⴷ ⴰⵎⴳⴰⵔⵓ ⵏ ⵜⵉⴷⴻⵜ ⵢⴻⵔⵏⴰ ⵢⴻⴱⴷⴻⴷ ⵓⵖⵔⴻⴼ ⵖⴻⵔ ⵢⵉⴷⵉⵙ-ⵏⵏⴻⵙ, ⵎⴰⵛⵉ ⴷ ⵜⴰⵎⴳⴰⵔⵓⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⵎⴻⵣⵔⵓⵢ-ⴰ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ « ⴰⴼⵎⵉⴹⵉ (ⵏⵉⵙⴱⴰ) ⵏ ⵓⵜⵜⴻⴽⴽⵉ ⵖⴻⵔ ⵢⵉⴷⵉⵙ ⵏ ⵜⴻⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⴰⵢ ⵢⴻⵍⵍⴰⵏ 80% ⵢⴻⵡⵡⴻⴹ ⵖⴻⵔ 90% ⴷⴻⴳ ⵡⵓⵙⵙⴰⵏ-ⵏⵏⵉ ⵉⵏⴻⴳⴳⵓⵔⴰ ⵏ ⵓⵙⵓⵏⴷⴻⴷ ».

ⵙ ⵓⵜⵜⴻⴽⴽⵉ-ⴰ ⵓⵔ ⵢⴻⵣⵎⵉⵔⴻⵏ ⴰⴷ ⵢⴻⵜⵜⵡⴰⵏⴽⴻⵕ, ⵢⴻⵔⵏⴰ ⵓⵍⴰ ⵎⴰ ⴼⵕⴰⵏⵙⴰ ⵜⴻⵙⵙⴻⵇⴷⴻⵛ ⴰⴽⴽ ⵜⵉⵣⴻⵎⵎⴰⵔ-ⵏⵏⴻⵙ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴷ ⵢⵉⵙⴻⵔⴷⴰⵙⴻⵏ ⴰⴽⴽⴻⵏ ⴰⴷ ⵜⴻⵔⵥ ⴰⵙⵓⵏⴷⴻⴷ-ⴰ, ⵍⴻⵣⵣⴰⵢⴻⵔ ⵜⴻⵙⵙⴰⵡⴻⴹ, ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴰⴷ ⵜⴻⵙⵙⵉⵡⴻⴹ ⵜⴰⵖⴻⵛⵜ-ⵏⵏⴻⵙ ⵖⴻⵔ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⴱⴷⴻⵙⵙⴻⵜⴰⵔ.

ⵎⴰ ⴷ ⴰⴷⵓⴽⵜⵓⵔ ⵎⴰⵀⵉⴻⴷⴷⵉⵏⴻ ⴰⵎⵉⵎⵧⵔ, ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵙⵓⵏⴷⴻⴷ ⴰⵢ ⴷ-ⵢⴻⴱⴷⴰⵏ ⵙ ⵜⴻⵖⵔⵉ ⵏ ⵜⴻⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⵢⴻⵍⵍⴰ-ⴷ ⴷ ⵜⵉⵔⵉⵔⵉⵜ ⵉ ⵍⴻⵛⵖⴰⵍ ⴰⵢ ⵜⴻⵍⵍⴰ ⵜⴻⵜⵜⴻⴳ ⴼⵕⴰⵏⵙⴰ ⴰⴽⴽⴻⵏ ⴰⴷ ⵜⵜ-ⵜⴻⵃⵕⴻⵙ ⵖⴻⴼ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ.

ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵙⵃⴰⵙⵙⴻⴼ ⵓⵒⵕⵓⴼⵉⵙⵓⵔ ⴱⴻⵏⵢⵧⵓⵛⴻⴼ ⵜⵍⴻⵎⵛⴻⵏⵉ ⵉⵎⵉ ⴰⵏⴰⴷⵉ ⴰⵖⴻⵍⵏⴰⵡ ⴷⴻⴳ ⵓⵎⴻⵣⵔⵓⵢ ⵢⴻⵍⵀⴰ-ⴷ ⴽⴰⵏ ⵙ ⵜⴻⴷⵢⴰⵏⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵍⵉ ⴰⵙⵓⵏⴷⴻⴷ-ⴰ ⵉⵃⵓⵣⴰ-ⴷ 26 ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.

ⵎⴰ ⴷ ⴰⵎⵊⴰⵀⴻⴷ ⵎⵧⵀⴰⵎⴻⴷ ⴳⵀⴰⴼⵉⵔ, ⵓⵎⵉ ⵍⵍⴰⵏ ⵜⵜⵉⵏⵉⵏ « ⵎⵓⵃ ⵍⴻⴽⵍⵉⵛⵉ », ⵢⴻⴱⴷⴻⵔ-ⴷ ⴷⴰⵖ ⴷⴷⵓⵕ ⴰⵢ ⵓⵔⴰⵔⴻⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵓⵣⵖⴰⵔ ⴷⴻⴳ ⵜⴰⵍⵍⵉⵜ ⵏ ⵓⵎⴳⴰⵔⵓ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⵍⵍⴰⵏ ⵜⵜⴻⴽⴽⴰⵏ ⴷⴻⴳ-ⵙ 300.000 ⵏ ⵢⵉⵎⴷⴰⵏⴻⵏ.