ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⵍⵉⵍⵉⵜ ⴳⴰⵔ ⵍⴻⵣⵣⴰⵢⴻⵔ ⴷ ⴼⴰⵍⴻⵙⵟⵉⵏ ⴰⴷ ⴷ-ⵜⵉⵍⵉ ⴷⴻⴳ ⵓⵙⴰⵔⵉⵔ ⵏ 5 ⵢⵓⵍⵢⵓ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵉⵎⵍⵉⵍⵉⵜ ⵜⴰⵎⵎⵉⴷⵡⴰⵏⵜ (ⵡⵓⴷⴷⵉⵢⵢⴰ) ⴳⴰⵔ ⵜⴻⵖⵍⴰⵎⵉⵏ ⵜⵓⵍⵉⵎⵒⵉⵢⵉⵏ ⵏ ⵜⵛⵉⵔⵜ ⵏ ⵓⴹⴰⵔ ⵏ ⵍⴻⵣⵣⴰⵢⴻⵔ ⴷ ⴼⴰⵍⴻⵙⵟⵉⵏ, ⴰⴷ ⴷ-ⵢⵉⵍⵉⵏ ⴰⵙⵙ ⵏ 17 ⴼⵓⵕⴰⵕ, ⵙⵙⴻⴼⵔⴰⵏ ⵏⴰⵇⴰⵍ ⴰⴷ ⵜⵜ-ⴳⴻⵏ ⴷⴻⴳ ⵓⵙⴰⵔⵉⵔ ⵏ ⵎⵓⵙⵜⴰⵒⵀⴰ-ⵜⵛⵀⴰⴽⴻⵔ ⴷⴻⴳ ⵍⴻⴱⵍⵉⴷⴰ, ⵎⴰⵛⴰ ⵔⵔⴰⵏ-ⵜⵜ-ⵉⴷ ⵖⴻⵔ ⵓⵙⴰⵔⵉⵔ ⵏ 5 ⵢⵓⵍⵢⵓ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ.

ⵏⵏⵉⴳ ⵡⴰⵢⴰ, ⵜⵉⵎⵍⵉⵍⵉⵜ-ⴰ ⴰⵢ ⵙⵙⴻⴼⵔⴰⵏ ⴷⴰⵖ ⴰⴷ ⵜⴻⴱⴷⵓ ⵖⴻⴼ ⵙ6:00 ⵏ ⵜⵎⴻⴷⴷⵉⵜ, ⵙⵙⴰⵥⴻⵏ-ⵜⵜ-ⵉⴷ ⵖⴻⵔ ⵙ4:30 ⵏ ⵜⵎⴻⴷⴷⵉⵜ, ⵢⴻⵔⵏⴰ ⴰⴷⴰⴼ ⵏ ⵢⵉⵎⴼⴻⵕⵕⴵⴻⵏ ⴰⴷ ⵢⵉⵍⵉ ⴱⴰⵟⴻⵍ.

ⵜⵉⵎⵍⵉⵍⵉⵜ-ⴰ ⴷ ⵏⴻⵜⵜⴰⵜ ⴰⵢ ⴷ ⵜⴰⵎⴻⵣⵡⴰⵔⵓⵜ ⴰⴷ ⵓⵔⴰⵔⴻⵏ ⵢⵉⵎⴰⵔⵉⵔⴻⵏ ⵓⵍⵉⵎⵒⵉⵢⴻⵏ ⵏ ⵍⴻⵣⵣⴰⵢⴻⵔ ⴷⴻⴼⴼⵉⵔ ⵎⴰ ⵜⵜⴻⴽⴽⴰⵏ ⴷⴻⴳ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ ⴷⴷⴰⵡ 23 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵙⵉⵏⵉⴳⴰⵍ. ⴷⴻⴳ ⵜⴻⵇⴱⵓⵛⵜ-ⴰ, ⵜⴻⵙⵙⴰⵡⴻⴹ ⵍⴻⵣⵣⴰⵢⴻⵔ ⴰⴷ ⴷ-ⵜⴰⵙ ⴷⴻⴳ ⵓⵎⴽⴰⵏ ⵡⵉⵙ ⵙⵉⵏ ⵢⴻⵔⵏⴰ ⵜⵄⴻⴷⴷⴰ, ⵙ ⵡⴰⵢⴰ, ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⴷⴻ ⵊⴰⵏⴻⵉⵔⵧ ⵏ 2016.

ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⵜⵓⵍⵉⵎⵒⵉⵜ ⵜⴻⴱⴷⴰ ⴰⵙⵙⴻⵡⵊⴻⴷ-ⵏⵏⴻⵙ ⵉ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⴷⴷⵓⵕⵜ ⵢⴻⵣⵔⵉⵏ ⵙ ⵓⵎⵙⴻⴳⵔⴰⵡ-ⵏⵏⴻⵙ ⴰⵎⴻⵣⵡⴰⵔⵓ ⵏ 4 ⵏ ⵡⵓⵙⵙⴰⵏ ⴷⴻⴳ ⵡⴰⵎⵎⴰⵙ ⴰⵜⵡⵉⵍⴰⵏ (ⵜⵉⵇⵏⵉ) ⵏ ⵙⵉⴷⵉ ⵎⵓⵙⴰ (ⵜⴰⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ).