ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵎⵛⴰⵡⵕⴰⵜ ⵏ ⵙⵓⵔⵢⴰ: ⵜⴻⵡⵡⴻⴹ ⵜⴻⵏⵎⴻⴳⵍⴰ ⵖⴻⵔ ⴳⴻⵏⴻⵠⴻ
ⴳⴻⵏⴻⵠⴻ – ⵜⴻⵡⵡⴻⴹ ⵜⵎⴰⴳⵍⴰ (ⵡⴰⴼⴷ) ⵏ ⵜⴻⵏⵎⴻⴳⵍⴰ (ⵎⵓⵄⴰⵔⴰⴹⴰ) ⵜⴰⵙⵓⵔⵉⵜ ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ ⵖⴻⵔ ⴳⴻⵏⴻⵠⴻ, ⴰⵏⴷⴰ ⴰⴷ ⴷ-ⵉⵍⵉⵏⵜ ⵍⴻⵎⵛⴰⵡⵕⴰⵜ ⵜⵉⵔⵓⵙⵔⵉⴷⵉⵏ ⵏ ⵜⴰⵍⵡⵉⵜ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴷ ⴰⵛⵓ ⴽⴰⵏ, ⵜⴻⴳⴳⴻⵣ ⵜⵎⴰⴳⵍⴰ-ⴰ ⴰⴷ ⵜⴻⵊⴱⴻⴷ ⵉⵎⴰⵏ-ⵏⵏⴻⵙ ⵓⵇⴱⴻⵍ ⵎⴰ ⴱⴷⴰⵏⵜ-ⴷ ⵢⴰⴳⵉ ⵍⴻⵎⵛⴰⵡⵕⴰⵜ.
ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⵎⴻⵣⴷⴰⵖⴻⵏ ⵏ ⵜⴻⵎⵏⴰⴹⵉⵏ ⵢⴻⵏⴹⴻⵔⵔⴻⵏ ⵏ ⵙⵓⵔⵢⴰ ⵙⵉⵎⴰⵍ ⵍⴰ ⵜⵔⴻⵏⵏⵓ ⵜⵡⴻⵄⵄⴻⵕ ⵜⴻⴳⵏⵉⵜ ⴼⴻⵍⵍ-ⴰⵙⴻⵏ, ⵜⴰⵎⴰⴳⵍⴰ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵍⴻⵎⵛⴰⵡⵕⴰⵜ, ⴰⵢ ⴷ-ⵙⴱⴻⴷⴷⴻⵏ ⵢⵉⵏⵎⴻⴳⵍⴰⵢⴻⵏ ⴷ ⵢⵉⵎⵙⴻⵍⵍⵃⴻⵏ ⵉⵙⵓⵔⵉⵢⴻⵏ ⴷⴻⴳ ⴷⵓⵊⴻⵎⴱⴻⵕ, ⵜⵓⴼⴻⴳ ⵙⴻⴳ ⵔⵉⵢⴰⴹ ⵖⴻⵔ ⵙⵙⵡⵉⵡ, ⴷⴻⴼⴼⵉⵔ ⵎⴰ ⵜⴻⵇⵇⵉⵎ ⵜⴻⵜⵜⴻⵎⵅⴻⵎⵎⴰⵎ 4 ⵏ ⵡⵓⵙⵙⴰⵏ ⵎⴰ ⴰⴷ ⵜⴻⵜⵜⴻⴽⴽⵉ ⴷⴻⴳ ⵍⴻⵎⵛⴰⵡⵕⴰⵜ-ⴰ ⵏⴻⵖ ⵓⵀⵓ.
ⴷⴻⴳ ⵜⴰⵣⵡⴰⵔⴰ, ⵢⴻⵏⵏⴰ-ⴷ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵍⴻⵎⵛⴰⵡⵕⴰⵜ ⴷ ⴰⴽⴽⴻⵏ ⵓⵔ ⵢⴻⵜⵜⴻⴽⴽⴰ ⴰⵔⴰ ⴷⴻⴳ-ⵙⴻⵏⵜ ⴰⵔⵎⴰ ⵍⵍⴰⵏ-ⴷ ⴽⵔⴰ ⵏ ⵛⵛⵓⵔⵓⴹ ⴰⵎ ⵜⵓⴽⴽⵙⴰ ⵏ ⵢⵉⵙⵓⵜⴰⵍ (ⵃⵉⵚⴰⵔⴰⵜ) ⵖⴻⴼ ⵜⴻⵎⴷⵉⵏⵉⵏ ⵏ ⵜⴻⵏⵎⴻⴳⵍⴰ, ⴰⵃⴱⴰⵙ ⵏ ⵜⴱⴻⵔⵔⴰⵡⵉⵏ (ⵇⴰⵚⴼ) ⴷ ⵓⵙⴻⵔⵔⴻⵃ ⵏ ⵢⵉⵎⴻⵃⴱⴰⵙ.
ⴰⵔⵎⵉ ⴰⵢ ⴷ-ⵢⴻⵍⵍⴰ ⵓⵃⵕⴰⵙ ⵙⵖⵓⵔ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ, ⵍⴰⴷⵖⴰ ⵙⵖⵓⵔ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⴰⵢ ⵜⴻⵇⴱⴻⵍ ⵓⵙⴻⵇⵇⴰⵎⵓ-ⴰ ⴰⴷ ⵢⴻⵜⵜⴻⴽⴽⵉ ⴷⴻⴳ ⵍⴻⵎⵛⴰⵡⵕⴰⵜ-ⴰ, ⴷⴻⴼⴼⵉⵔ ⵎⴰ ⵜⵜⵓⵏⴻⴼⴽⴻⵏⵜ-ⴰⵙ-ⴷ ⴽⵔⴰ ⵏ « ⴹⴹⵎⴰⵏⴰⵜ » ⵜⵉⵎⵓⵜⴰ, ⵡⴰⵔ ⵎⴰ ⵉⴱⴰⵏ-ⴷ ⵡⴰⵢⴰ ⴷⴻⴳ ⵓⵏⵔⴰⵔ. Ɣⴻⴼ ⵡⴰⵢⴰ, ⵔⵉⴰⴷ ⵀⵉⵊⴰⴱ, ⴰⵙⴻⵎⵢⴰⴷⴷⴰⵙ (ⵎⵓⵏⴰⵙⵙⵉⵇ) ⵏ ⵜⵎⴰⴳⵍⴰ ⵏ ⵓⵙⴻⵇⵇⴰⵎⵓ-ⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⵏⵎⴻⴳⵍⴰ ⵓⵔ ⵜⴻⵜⵜⵙⴻⵎⵎⵉⵃ ⴰⵔⴰ ⴷⴻⴳ ⵛⵛⵓⵔⵓⴹ-ⵏⵏⴻⵙ.
ⴰⵙⴻⵇⵇⴰⵎⵓ ⵓⵏⵏⵉⴳ ⵏ ⵍⴻⵎⵛⴰⵡⵕⴰⵜ « ⴰⴷ ⵢⴻⵊⴱⴻⴷ ⵜⴰⵖⵍⴰⵎⵜ-ⵏⵏⴻⵙ ⵙⴻⴳ ⵍⴻⵎⵛⴰⵡⵕⴰⵜ ⵍⴻⵎⵎⴻⵔ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⵏⴻⵣⵎⴰⵔⵉⵏ ⵜⵉⵎⴰⴹⵍⴰⵏⵉⵏ ⵓⵔ ⵙⵙⴰⵡⴰⴹⴻⵏⵜ ⴰⵔⴰ ⴰⴷ ⵃⴻⴱⵙⴻⵏⵜ ⵉⵔⴽⴰⴹⴻⵏ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.
ⵍⴻⵎⵛⴰⵡⵕⴰⵜ ⵏ ⴳⴻⵏⴻⵠⴻ ⴱⴷⴰⵏⵜ-ⴷ ⴰⵙⵙ ⵏ ⵍⵊⴻⵎⵄⴰ ⵜⴰⵎⴻⴷⴷⵉⵜ ⵙ ⵢⵉⵡⴻⵜ ⵏ « ⵜⴻⵎⵍⵉⵍⵉⵜ ⵏ ⵓⵙⵙⴻⵊⵡⴻⴷ » ⴳⴰⵔ ⵓⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵙⵓⵔⵢⴰ, ⵙⵜⴰⴼⴼⴰⵏ ⴷⴻ ⵎⵉⵙⵜⵓⵔⴰ, ⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵓⵏⴰⴱⴰⴹ (ⵃⵓⴽⵓⵎⴰ) ⴰⵙⵓⵔⵉ.
ⵍⴻⵎⵛⴰⵡⵕⴰⵜ-ⴰ ⵙⵙⴻⴼⵔⴰⵏ ⴰⴷ ⵇⵇⵉⵎⴻⵏⵜ 6 ⵏ ⵡⴰⵢⵢⵓⵔⴻⵏ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵉⵍⵉⵏⵜ ⵙ ⵓⴱⵔⵉⴷ ⴰⵔⵓⵙⵔⵉⴷ (ⵖⴰⵔ ⵎⵓⴱⴰⵛⵉⵔ) ⴰⵢⴷⴻⴳ ⵜⵉⵎⴰⴳⵍⵉⵡⵉⵏ ⴰⴷ ⵉⵍⵉⵏⵜ ⴷⴻⴳ ⵜⴻⵅⵅⴰⵎⵉⵏ ⵢⴻⵎⴳⴻⵔⵔⴰⴷⴻⵏ, ⵢⴻⵔⵏⴰ ⴷ ⵉⵎⴰⵣⵓⵏⴻⵏ ⴰⴷ ⵢⴻⵜⵜⴻⴷⴷⵓⵏ ⴳⴰⵔ-ⴰⵙⴻⵏⵜ.
