ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵄⴻⴷⴷⵉ ⵏ ⵙⵉⵏ ⵉⵙⵓⵔⴰ ⵉⵣⵣⴰⵢⵔⵉⵢⴻⵏ ⴷⴻⴳ ⵜⴼⴰⵙⴽⴰ ⵏ ⵙⵙⵉⵏⵉⵎⴰ ⵓⵎⴻⵙⴽⴰⵔ ⵏ ⵕⵉⴱⴰⵟ

ⵕⵉⴱⴰⵟ- ⴰⴷ ⴷ-ⵢⵉⵍⵉ ⵓⵙⵄⴻⴷⴷⵉ ⴷ ⵓⵙⵙⴻⵏⵥⴻⵔ ⵏ ⵓⵙⴰⵔⵓ ⴰⵣⵣⴰⵢⵔⵉ ⴰⵖⴻⵣⴼⴰⵏ "ⵍⴰ ⵒⵔⴻⵓⵠⴻ" ⵏ ⴱⴰⴱ-ⵉⵙ ⴰⵎⵎⵧⵔ ⵀⴰⴽⴽⴰⵔ , ⴰⴽⴽⴻⴷ ⵓⴼⴻⵜⵔⴰⵡ (ⵛⵛⴰⵕⵉⵟ) "ⴷⴻⵔⵏⵉⴻⵔⵙ ⵎⵧⵜⵙ" ⵏ ⵎⵧⵀⴰⵎⴻⴷ ⵣⴰⵧⵓⵉ , ⴷⴻⴳ ⵜⴻⵥⵔⵉⴳⵜ ⵜⵉⵙ 21 ⵏ ⵜⴼⴰⵙⴽⴰ ⵏ ⵙⵙⵉⵏⵉⵎⴰ ⵏ ⵓⵎⴻⵙⴽⴰⵔ ⴷⵉ ⵜⴻⵎⴷⵉⵏⵜ ⵏ ⵕⵉⴱⴰⵟ (ⵎⴻⵔⵔⵓⴽ) . ⵜⴰⴷⵢⴰⵏⵜ ⵜⴰⴷⴻⵍⵙⴰⵏⵜ ⴰⵔⴰ ⵢⴻⵇⵇⵉⵎⴻⵏ ⴰⵍⴰⵎⵎⴰ ⴷ 5 ⴼⵓⵔⴰⵔ ⵉ ⴷ-ⵉⵜⴻⴷⴷⵓⵏ, ⵖⴻⴼ ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⴷⴻⴳ ⵏ ⵉⵏⵜⴻⵔⵏⴻⵜ ⵏ ⵜⴼⴰⵙⴽⴰ-ⴰⵢⵉ.

ⵉⵙⵓⵔⴰ-ⴰ ⴷⴻⴳ ⵙⵉⵏ, ⴰⴷ ⵢⵉⵍⵉ ⵓⵙⵄⴻⴷⴷⵉ-ⵏⵙⴻⵏ ⴱⴻⵔⵔⴰ ⵏ ⵜⴻⵎⵙⵉⵣⵣⴻⵍⵜ “ⵙⵙⵉⵏⵉⵎⴰ ⵏ ⵓⵎⴰⴹⴰⵍ”, ⵢⵉⵡⴻⵜ ⵙⴻⴳ ⵜⴳⴻⵣⵎⵉⵡⵉⵏ ⵏ ⵜⴼⴰⵙⴽⴰ.

ⵙⴻⴳ ⵜⴰⵎⴰ ⵏⵏⵉⴹⴻⵏ, ⵍⵍⴰⵏ 14 ⵏ ⵢⵉⵙⵓⵔⴰ ⵉⵖⴻⵣⴼⴰⵏⴻⵏ ⵉ ⴷ-ⵢⴻⴽⴽⴰⵏ ⵙⴻⴳ 11 ⵏ ⵜⵎⵓⵔⴰ ⵜⵉⵎⵜⴻⴽⴽⵉⵢⵉⵏ ⴷⴻⴳ ⵜⴻⵎⵙⵉⵣⵣⴻⵍⵜ ⵜⵓⵏⵚⵉⴱⵜ ⵏ ⵜⴻⴷⵢⴰⵏⵜ-ⴰ. ⵜⴰⴷⵢⴰⵏⵜ ⵉⴷⴻⴳ ⴰⵔⴰ ⴷ-ⵢⵉⵍⵉ ⴷⴰⵖ ⵓⴼⵔⴰⵏ ⵏ ⵢⵉⵙⵓⵔⴰ ⴷ ⵢⵉⴼⴻⵜⵔⴰⵡⴻⵏ ⵉⵎⴻⵔⵔⵓⴽⵉⵢⴻⵏ, ⴰⴽⴽⴻⵏ ⴰⵔⴰ ⵢⵉⵍⵉ ⵡⴰⵀⵉⵍ ⵢⴻⵎⵎⵓⵣⴳⴻⵏ ⴷⴻⴳ ⵙⵙⵉⵏⵉⵎⴰ ⵜⴰⵟⴰⵍⵢⴰⵏⵉⵜ, ⵉⵍⵎⴻⵏⴷ ⵏ ⵜⴼⴰⵙⴽⴰ ⵜⵉⵙ 21 ⴰⵢⵉ ⵏ ⵙⵙⵉⵏⵉⵎⴰ ⵓⵎⴻⵙⴽⴰⵔ ⴷⵉ ⵕⵔⵉⴱⴰⵟ.

ⵜⴰⴼⴰⵙⴽⴰ-ⴰⵢⵉ ⵉ ⴷ-ⵢⴻⵏⵏⵓⵍⴼⴰⵏ ⴷⴻⴳ ⵓⵙⴻⴳⴳⴰⵙ ⵏ 1994, ⵜⴻⵍⵀⴰ-ⴷ ⵙ ⵓⵙⵏⴻⴼⵍⵉ ⴷ ⵓⵙⵎⴰⵍ ⵏ ⵙⵙⵉⵏⵉⵎⴰ ⵏ ⵓⵎⴻⵙⴽⴰⵔ, ⵉ ⵜⵜ-ⵡⴰⵍⵉⵏ ⵉⵎⵙⵓⴷⵙⴻⵏ-ⵉⵏⴻⵙ ⴷⴰⴽⴽⴻⵏ “ⴷ ⵜⴰⵥⵓⵔⵉ ⵏ ⵜⵉⴷⴻⵜ ⵢⴻⵙⵄⴰⵏ ⴰⵣⴰⵍ-ⵉⵏⴻⵙ, ⴷ ⵡⴰⵢⴻⵏ ⵉ ⵜⵜ-ⵢⴻⵔⵣⴰⵏ ⵉ ⵢⵉⵎⴰⵏ-ⵉⵙ, ⴰⴽⴽⴻⵏ ⴷⴰⵖ ⵉ ⵙ- ⵜⵍⴰⵇ ⵜⴻⴱⵖⴻⵙⵜ ⴷ ⴱⴻⵇⵇⵓ ⴰⵎ ⵜⵥⵓⵕⵉⵢⵉⵏ ⵏⵏⵉⴹⴻⵏ”.

ⵜⴰⵥⵔⵉⴳⵜ ⵜⵉⵙ 21 ⵏ ⵜⴼⴰⵙⴽⴰ-ⴰⵢⵉ ; ⵜⴻⵍⵍⴰ ⵏⴰⵇⴰⵍ ⴰⴷ ⴷ-ⵜⵉⵍⵉ ⴷⴻⴳ ⵡⴰⵢⵢⵓⵔ ⵏ ⵜⵓⴱⴻⵔ 2015 , ⵓⵇⴱⴻⵍ ⴰⴷ ⵜ-ⵜⵜⵡⴰⵙⴻⴳⴳⴻⵔ ⴰⵔ ⵜⵓⵔⴰ ⵉⵎⵉ ⴷ-ⵎⵎⵓⴳⴻⵔⴻⵏ ⵉⵎⵙⵓⴷⵙⴻⵏ ⵉⵎⵉⵔ-ⵏⵏⵉ ⴽⵔⴰ ⵏ ⵡⵓⴳⵓⵔⴻⵏ ⴰⴷⵔⵉⵎⴰⵏⴻⵏ, ⵖⴻⴼ ⴰⴽⴽⴻⵏ ⵉ ⴷ-ⵜⵡⴻⴽⴽⴻⴷ ⵜⵖⴰⵎⵙⴰ ⵜⴰⵎⴻⵔⵔⵓⴽⵉⵜ.