ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵓⵔ ⵢⴻⵙⵜⴻⵄⵕⴻⴼ ⴰⵔⴰ ⵙ ⵜⵏⴰⵢⴰ ⵏ ⵎⴻⵕⵕⵓⴽ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ
ⵧⵙⵍⵧ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵏⵓⵕⵡⵉⵊⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴱⵧⵔⴳⴻ ⴱⵔⴻⵏⴷⴻ, ⴷ ⴰⴽⴽⴻⵏ ⴰⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⵓⵔ ⵢⴻⵙⵜⴻⵄⵕⴻⴼ ⴰⵔⴰ ⵙ ⵜⵏⴰⵢⴰ (ⵙⵉⵢⴰⴷⴰ) ⵏ ⵎⴻⵕⵕⵓⴽ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵍⵍⴰⵏ ⴷ ⴰⴽⴰⵍ ⵓⵔ ⵢⴻⵙⵄⵉⵏ ⵜⴰⴼⵓⵍⵎⴰⵏⵜ ⵢⴻⵔⵏⴰ ⴰⵜⴰⵏ ⴷⴻⴳ ⵓⴽⴰⵍⴰ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵢⵓⵔⴰⵏ ⴰⵢ ⴷ-ⵜⴻⴱⴷⴻⵔ ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⵚⴻⵃⵔⴰⵡⵉⵜ (ⵙⵒⵙ), ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵏⵓⵕⵡⵉⵊⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⴰⴽⴽⴻⵏ ⴰⵏⴰⴱⴰⴹ (ⵃⵓⴽⵓⵎⴰ) ⵏ ⵜⵎⵓⵔⵜ-ⵏⵏⴻⵙ, ⴰⵎ ⵡⴰⴽⴽ ⵡⵉⴷ ⵏ ⵜⵎⵓⵔⴰ ⵏ ⵓⵎⴰⴹⴰⵍ, ⵓⵔ ⵢⴻⵙⵜⴻⵄⵕⵉⴼ ⴰⵔⴰ ⵙ ⵜⵙⴻⵖⵔⵓⵜ ⵏ ⵎⴻⵕⵕⵓⴽ ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵜⴻⵙⵏⵓⵎⵎⴻⴷ-ⴷ ⴰⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ ⵖⴻⵔ ⵡⴰⴽⴰⵍ ⴰⵎⴻⵕⵕⵓⴽⵉ.
ⵢⴻⵙⵎⴻⴽⵜⵉ-ⴷ ⵎⴰⵙⵙ ⴱⵔⴻⵏⴷⴻ ⴷ ⴰⴽⴽⴻⵏ ⵎⴻⵕⵕⵓⴽ ⵜⴻⴳⴷⴻⵍ (ⵎⴰⵏⴰⵄⴰⵜ) ⵢⴻⵔⵏⴰ ⵜⴻⵥⵥⴻⵄ-ⴷ ⵜⵉⵎⴰⴳⵍⵉⵡⵉⵏ ⵜⵉⴱⴻⵕⵕⴰⵏⵉⵢⵉⵏ ⴰⵢ ⵉⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵓⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ) ⴷ ⵓⵣⴰⵔⵓⴳ, ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ ⵓⵏⴰⴱⴰⴹ ⴰⵎⴻⵕⵕⵓⴽⵉ ⴰⴽⴽⴻⵏ ⴰⴷ ⵢⵉⵍⵉ ⴷ ⴰⴼⵔⴰⵡⴰⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵔⵣⴰ ⵏ ⵢⵉⵎⴰⵏⴰⵢⴻⵏ ⴷ ⵢⵉⵏⴻⵖⵎⴰⵙⴻⵏ ⵉⴳⵔⴰⵖⵍⴰⵏⴻⵏ ⵖⴻⴼ ⵡⴰⴽⴰⵍ ⵢⴻⵜⵜⵡⴰⴹⴹⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⵉⵡⴻⴽⴽⴻⴷ-ⴷ ⴷⴰⵖ ⵓⵏⴻⵖⵍⴰⴼ ⴰⵏⵓⵕⵡⵉⵊⵉ ⴷ ⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ ⵜⴻⵙⵙⵓⵜⴻⵔ ⵙⴻⴳ ⵔⵔⴱⴰⵟ ⴰⴷ ⴷ-ⵜⴻⵙⵙⴻⴼⵀⴻⵎ ⵙⵙⴻⴱⴱⴰ ⵏ ⵜⵓⵥⵥⵡⴰ ⵏ ⵜⵎⴰⴳⵍⵉⵡⵉⵏ (ⵡⵓⴼⵓⴷ) ⵜⵉⵏⵓⵕⵡⵉⵊⵉⵢⵉⵏ ⵢⴻⵍⵍⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ.
ⴰⴷ ⴷ-ⵢⵉⵍⵉ ⵡⴰⵡⴰⵍ ⵖⴻⴼ ⵡⴰⴽⴽ ⵉⴷⵉⵙⴰⵏ ⵏ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵎⵉ ⴰⴷ ⵜⴻⵔⵣⵓ ⵜⵏⴻⵖⵍⴰⴼⵜ ⵜⴰⵏⴻⵙⵎⵉⴳⴰⵍⵜ (ⵎⴰⵏⴷⵓⴱⴰ) ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵎⴻⵕⵕⵓⴽ ⵖⴻⴼ ⵏⵓⵕⵡⵉⵊ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵎⴰⵙⵙ ⴱⵔⴻⵏⴷⴻ ⴷ ⴰⴽⴽⴻⵏ ⴰⵏⴰⴱⴰⴹ-ⵏⵏⴻⵙ (ⵃⵓⴽⵓⵎⴰ) ⵢⴻⵜⵜⴹⴰⴼⴰⵔ ⵙ ⵍⵇⴻⵔⴱ ⵜⴰⴳⵏⵉⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵔⵏⴰ ⵜⵜⴰⵡⴹⴻⵏ-ⵜ-ⵉⴷ ⵢⵉⵕⴰⴱⵓⵍⴻⵏ ⵏ ⵜⵎⴰⵀⴻⵍⵜ (ⵙⴰⴼⴰⵔⴰ) ⵜⴰⵏⵓⵕⵡⵉⵊⵉⵜ ⴷⴻⴳ ⵔⵔⴱⴰⵟ ⵖⴻⴼ ⵜⴻⴳⵏⵉⵜ ⵢⴻⵍⵍⴰⵏ ⴷⵉⵏ ⵙ ⵓⵎⴰⵜⴰ, ⵍⴰⴷⵖⴰ ⵜⴰⴳⵏⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ.
