ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⴼⵔⴻⴽ ⵏ ⵜⵓⵔⵙⴰⴹ ⵢⴻⵙⵙⴻⴼⴽ ⴰⴷ ⵢⵓⵖⴰⵍ ⴷ ⴰⵃⵔⵉⵛ ⴰⴷⴰⵎⵙⴰⵏ ⴰⵢ ⴷ-ⵢⴻⵙⵙⴰⴷⴰⴼⴻⵏ ⵉⴷⵔⵉⵎⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⴼⴽ ⴰⴷ ⵢⵓⵖⴰⵍ ⵓⵙⵙⴻⴼⵔⴻⴽ (ⵜⴰⵙⵢⵉⵔ) ⵏ ⵜⵓⵔⵙⴰⴹ (ⴰⵊⵎⴰⵄ, ⴰⴼⵔⴰⵏ ⴷ ⵓⵄⴰⵡⴻⴷ ⵏ ⵓⵙⵙⴻⵇⴷⴻⵛ-ⵏⵙⴻⵏ) ⴷ ⴰⴼⵓⵔⴽ ⴰⴷⴰⵎⵙⴰⵏ ⴰⴷ ⴷ-ⵢⴻⵙⵙⴰⴷⴰⴼⴻⵏ ⵉⴷⵔⵉⵎⴻⵏ ⵢⴻⵔⵏⴰ ⴰⴷ ⵢⴻⴼⴽ ⴰⵅⴻⴷⴷⵉⵎ ⵉ ⵎⴻⴷⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵡⴻⵏ ⵏ ⵓⵎⴰⵙⴰⵢ (ⵎⴰⵙ’ⵓⵍ) ⵏ ⵓⵖⵍⵉⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ.

« ⴰⵙⵙⴻⴼⵔⴻⴽ ⵏ ⵜⵓⵔⵙⴰⴹ ⵉⴱⴰⵏ ⴷ ⵓⴳⵓⵔ ⵉ ⵜⵡⴻⵏⵏⴰⴹⵜ, ⵎⴰⵛⴰ ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⵏⴻⵍⵍⴰ ⵉⵎⵉⵔ-ⴰ, ⵢⴻⵙⵙⴻⴼⴽ ⴰⴷ ⵏⴻⵔⵔ ⴰⵢⴰ ⴷ ⴰⵃⵔⵉⵛ ⴰⴷ ⵉⵏⴻⴼⵄⴻⵏ ⵜⴰⴷⴰⵎⵙⴰ ⴷ ⵜⵎⴻⵜⵜⵉ, ⴷ ⵡⵉⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵓⵙⵙⴻⵏⵇⴻⵙ ⵏ ⵜⴰⴳⴻⵍⵜ (ⵜⴰⴱⴰⵄⵉⵢⵢⴰ) ⵖⴻⵔ ⵜⵎⴻⵔⵖⴰ (ⵎⴰⵃⵔⵓⵇⴰⵜ) ⵢⴻⵔⵏⴰ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵏⴻⵡⵡⴻⵄ ⴰⴷⴰⵎⵙⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⴰⵎⵉⵔ ⴳⵔⵉⵎⴻⵙ, ⴰⵏⴻⵎⵀⴰⵍ ⵏ ⵜⴰⴳⴳⴰⵥⵜ ⵏ ⵜⴻⵏⴹⴰ ⵏ ⵜⵓⴷⴻⵔⵜ, ⵏ ⵢⵉⵔⵉ ⵏ ⵢⵉⵍⴻⵍ ⴷ ⵓⴱⴻⴷⴷⴻⵍ ⵏ ⵓⵏⴻⵣⵡⵓ ⴷⴻⴳ ⵓⵖⵍⵉⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ.

ⵢⴻⵏⵏⴰ-ⴷ ⵎⴰⵙⵙ ⴳⵔⵉⵎⴻⵙ ⴰⵢⴰ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵏ ⵏ ⵡⴰⵙⵙ ⵏ ⵜⴻⵣⵔⴰⵡⵜ (ⴷⵉⵔⴰⵙⴰ) ⵖⴻⴼ ⵓⵙⵙⴻⴼⵔⴻⴽ ⵏ ⵜⵓⵔⵙⴰⴹ ⴰⵢ ⴷ-ⵜⴳⴰ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵜⵓⵔⵙⴰⴹ ⴷⴻⴳ ⵓⴽⴰⵜⴰⵔ ⵏ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵜⵉⵙ 12 ⵏ ⵓⵙⴳⴰⵍⴻⴼ ⵏ ⵡⴰⵎⴰⵏ ⵏ ⵜⵡⴻⵏⵏⴰⴹⵜ « ⵙⵉⴻⴻ-ⵒⵧⵍⵍⵓⵜⴻⵛ 2016 », ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵓⵙⵙⴰⵏ-ⴰ ⴷⴻⴳ ⵍⴻⵇⵚⴻⵔ ⵏ ⵜⵣⵉⴽⴽⵏⵉⵏ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⵖⴻⴼ ⵍⴻⵃⵙⴰⴱ ⵏ ⵢⵉⵣⵡⴰⵍ (ⴰⵔⵇⴰⵎ) ⴰⵢ ⴷ-ⵢⴻⴼⴽⴰ ⵓⵎⴰⵙⴰⵢ-ⴰ, 13,5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵏ ⵜⵓⵔⵙⴰⴹ ⴰⵢ ⴷ-ⵢⴻⵜⵜⵉⵍⵉⵏ ⴷⴻⴳ ⴰⵙⵙ ⴰⵙⴻⴳⴳⴰⵙ ⴷⴻⴳ ⵍⴻⵣⵣⴰⵢⴻⵔ, ⴳⴰⵔ-ⴰⵙⴻⵏ ⴳⴰⵔ 7 ⴷ 8 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴰⵢ ⵉⵣⴻⵎⵔⴻⵏ ⴰⴷ ⵜⵜⵡⴰⵖⴻⵍⵍⵜⴻⵏ ⴰⴽⴽⴻⵏ ⴰⴷ ⴷ-ⴼⴽⴻⵏ ⵉⴷⵔⵉⵎⴻⵏ.

ⵉⵡⴻⴽⴽⴻⴷ-ⴷ ⴷⴰⵖ, ⴷⴻⴳ ⵜⴻⵎⵙⴰⵍⵜ-ⴰ, ⴷ ⴰⴽⴽⴻⵏ ⴰⵙⵙⴻⴼⵔⴻⴽ ⵏ ⵜⵓⵔⵙⴰⴹ ⵢⴻⵣⵎⴻⵔ ⴰⴷ ⴷ-ⵢⴻⵙⵏⵓⵍⴼⵓ ⴰⵅⴻⴷⴷⵉⵎ ⴷⴻⴳ ⵢⵉⵏⵓⵔⴰⵔ ⵏ ⵓⵍⵇⴰⴹ ⵏ ⵜⵓⵔⵙⴰⴹ, ⴰⵇⴻⵢⵢⴻⵎ ⴷ ⵓⵄⴰⵡⴻⴷ ⵏ ⵓⵙⵙⴻⵇⴷⴻⵛ-ⵏⵙⴻⵏⵜ, ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ « ⵓⵙⵙⵓⴷⴷⴻⵙ ⵏ ⵓⵔⵎⵓⴷ-ⴰ (ⵏⴰⵛⴰⵟ) ⴰⴽⴽⴻⵏ ⴰⴷ ⵢⵓⵖⴰⵍ ⴷ ⴰⴼⵓⵔⴽ ⴰⴷⴰⵎⵙⴰⵏ ⴰⵢ ⵉⵣⴻⵎⵔⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵜⵉⵎⵎⵓⴷⴷⴻⵔⵜ ⵜⴰⴷⴰⵎⵙⴰⵏⵜ ⵏ ⵜⵎⵓⵔⵜ ».

ⵉⴳⴻⵔ-ⴷ ⴷⴰⵖ ⵜⵉⵖⵔⵉ, ⵎⴰⵙⵙ ⴳⵔⵉⵎⴻⵙ, ⵉ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ), ⴰⵎⴰ ⴷ ⵜⵉⵏⴰⴳⴷⵓⴷⵉⵏ ⵏⴻⵖ ⴷ ⵜⵓⵙⵍⵉⴳⵉⵏ, ⴰⴽⴽⴻⵏ ⴰⴷ ⵙⵙⴻⴼⵜⵉⵏⵜ ⴷⴻⴳ ⵓⵃⵔⵉⵛ-ⴰ ⵢⴻⵔⵏⴰ ⴰⴷ ⴼⴰⵕⵙⴻⵏⵜ ⵙⴻⴳ-ⵙ, ⵍⴰⴷⵖⴰ ⵉⵎⵉ ⴰⵢ ⴷ-ⵉⴳⴰ ⵓⵏⴰⴱⴰⴹ (ⵃⵓⴽⵓⵎⴰ) ⴰⵟⴰⵙ ⵏ ⵢⵉⵃⴻⵣⵣⵉⴱⴻⵏ ⵉⵙⴻⴱⵖⴰⵙⴻⵏ ⵉ ⵓⵊⴱⴰⴷ ⵏ ⵢⵉⵎⵙⴻⴼⵜⵉⵢⴻⵏ ⵖⴻⵔ ⵓⵔⵎⵓⴷ ⵏ ⵓⵙⵙⴻⴼⵔⴻⴽ ⵏ ⵜⵓⵔⵙⴰⴹ.